តើធម៌អហិង្សាគឹជាអ្វី ? ហើយការប្រកាន់ធម៌អហិង្សានាំមកនូវផលប្រយោជន៍អ្វីខ្លះ ?

ធម៌ងហិង្សា ជាធម៌ទាំងឡាយណាដែលទ្រទ្រង់មនុស្សមិនឲ្យប្រព្រឹត្តអំពើហិង្សា មិនឲ្យបៀតបៀន ឬធ្វើទុក្ខបុកម្នេញអ្នកដទៃ និងមិនធ្វើឲ្យអ្នកដទៃមានការឈឺចាប់ទាំងផ្លូវកាយ ទាំងផ្លូវចិត្ត ។ ការប្រកាន់ធម៌អហិង្សានាំមកនូវផលប្រយោជន៍មួយចំនួនដូចជាៈ

ក.ចំពោះបុគ្គល

• អាចគ្រប់គ្រងខ្លួនឯង និងធ្វើជាម្ចាស់លើខ្លួនឯង
• អាចយកឈ្នះលើចិត្តខ្លួនឯង
• ទទួលបាននូវការគោរពពីអ្នកដទៃ
• រស់នៅបានសុខស្រួល គ្មានទំនាស់នឹងអ្នកដទៃគ្មានសត្រូវ
• សង្គមគ្រួសារជួបនឹងសុភមង្គល

ខ. ចំពោះសង្គម

• សង្គមគ្មានទំនាស់ ប្រទេសជាតិគ្មានទំនាស់ គ្មានជម្លោះដណ្តើមអំណាចគ្នាឬដណ្តើមផលប្រយោជន៍គ្នា
• សង្គមមនុស្សមានការគោរពសិទ្ធិ និងផលប្រយោជន៍គ្នាទៅវិញទៅមក ព្រមទាំងគោរពតម្លៃ និងជីវីតមនុស្សផងដែរ
• គ្រួសារនីមួយៗមានសុភមង្គល មានភាពស្ងប់មានសន្តិភាពផ្លូវចិត្ត សង្គមទាំងមូលមានសាមគ្គីភាព និងមានភាពរីកចម្រើនជឿនលឿនទៅមុខ
• បង្កើតបាននូវវប្បធម៌អហិង្សា ។