ចូរពន្យល់អំពីទំនាក់ទំនងមេធាវីជាមួយអតិថិជន ?

ការពន្យល់អំពីទំនាក់ទំនងមេធាវីជាមួយអតិថិជនមានដូចជា ៖

• មេធាវី និងអតិថិជនបង្កើតទំនាក់ទំនងរវាងគ្នាតាមរយៈកិច្ចសន្យា ដែលអតិថិជនបង្ហាញឆន្ទៈចង់ឲ្យមេធាវីផ្តល់សេវាកម្មផ្នែកច្បាប់ឲ្យខ្លួន ហើយមេធាវ​ីក៏បង្ហាញឆន្ទៈយល់ព្រម ។
• កិច្ចសន្យារវាងមេធាវី និងអតិថិជនជាកិច្ចសន្យាមធ្យោបាយមានន័យថា នៅក្នុងការបំពេញបេសកកម្មរបស់ខ្លួន មេធាវ​ីត្រូវស្ថិតនៅជាម្ចាស់នៃមធ្យោបាយការពារ ។
• មេធាវីមិនត្រូវផ្តល់ការធានាចំពោះអតិថិជនទាក់ទងនឹងលទ្ធផលវិជ្ជមាមនៃរឿងក្តីឡើយ ។
• ក្នុងគ្រប់រឿងអ្វីក៏ដោយ មេធាវីត្រូវមានលិខិតប្រគល់សិទ្ធិ ឬលិខិតប្រគល់សិទ្ធិតំណាងដោយអាណត្តិ ឬពាក្យពឹងពាក់ពីអតិថិជនរបស់ខ្លួន ។
• ខ្លឹមសារនៃលិខិតទាំងអស់នេះ ត្រូវសរសេរលំអិតអំពីសិទ្ធិ និងតួនាទីរបស់មេធាវីដែលអតិថិជនប្រគល់ឲ្យស្របតាមច្បាប់ និងតម្រូវដែលគណៈមេធាវីកំណត់ ។
• ការទាក់ទងជាមួយអតិថិជនត្រូវធ្វើដោយចំពោះនឹងផ្ទាល់ខ្លួន ។ មេធាវីមិនអាចទទួលរឿងក្តីមួយតាមរយៈគតិយជនបានឡើយ បើខ្លួនគ្មានសេរីភាពនិងចូលទាក់ទងផ្ទាល់ខ្លួនជាមួយអតិថិជនដែលមានរឿងនោះបាន ។
• វិធានខាងលើនេះមិនអាចត្រូវប្រតិបត្តិតាមបាន ល្គឹកណាមេធាវីដើរតួជាអ្នកឆ្លើយឆ្លងរបស់មេធាវីម្នាក់ទៀត ។