សំណួរ-ចម្លើយ ក្រឡាបញ្ជី (ភាគ២)

សំណួរ

៦- តើកិច្ចសន្យាគឺជាអ្វី ?

៧- តើសំណើជាអ្វី ?

៨- តើអី្វទៅជាស្វីការ ?

៩- តើធាតុផ្សំនៃបទល្មើសមានអ្វីខ្លះ ?

១០- តើធាតុសត្យានុម័តនៃបទល្មើសគឺជាអ្វី ?

ចម្លើយ

៦- កិច្ចសន្យា គឺជាកិរិយាដែលបុគ្គលពីរនាក់ ឬច្រើននាក់មានឆន្ទៈត្រូវគ្នាព្រមបង្កើតកែប្រែ ឬរំលត់នូវកាតព្វកិច្ច នេះបើយោងតាមមាត្រា ៣១១ នៃក្រមរដ្ឋប្បវេណី ២០០៧ ។

៧- សំណើ គឺជាការសុំបង្កើតកិច្ចសន្យាដែលធ្វើឡើងដោយមានឆន្ទៈភ្ជាប់ខ្លួនជាមួយនឹងចំណងគតិយុត្តក្នុងករណីដែលមានស្វីការរបស់ភាគីម្ខាងទៀតចំពោះសំណើនេះ (កថាខណ្ឌទី១ នៃមាត្រា ៣៣៧ នៃក្រមរដ្ឋប្បវេណី) ។

៨- ស្វីការ គឺជាការបង្ហាញឆន្ទៈ ដែលអ្នកទទួលសំណើយល់ព្រមចំពោះសំណើនោះ (មាត្រា ៣៣៧ កថាខណ្ឌទី៣ នៃក្រមរដ្ឋប្បវេណី) ។

៩- ធាតុផ្សំនៃបទល្មើសមានដូចជា ៖

• ធាតុនីត្យាកូល ឬធាតុច្បាប់
• ធាតុសត្យានុម័ត ឬធាតុសម្ភារៈ
• ធាតុអត្តនោម័ត ឬធាតុចិត្តសាស្ត្រ

១០- ធាតុសត្យានុម័តនៃបទល្មើស គឺជាផ្នែកខាងក្រៅនៃបទល្មើស ឬជាអ្វីដែលបទល្មើសបានចេញឲ្យឃើញរួមមាន ៖

• អំពើគ្រោះថ្នាក់ដល់សង្គម
• បច្ច័យ
• ទំនាក់ទំនងហេតុផលរវាងអំពី និងបច្ច័យ
• ពេលវេលា ទីកន្លែង ឧបាយកល ឧបករណ៍ ទិដ្ឋភាពនានាជុំវិញបទល្មើស ។

តភាគ