តើសេវាព្យាបាលនិងថែទាំវេជ្ជសាស្ត្រមានអ្វីខ្លះ ?

សេវាព្យាបាលនិងថែទាំវេជ្ជសាស្ត្រមានដូចជា​៖

ក- ការផ្តល់សេវាព្យាបាលដោយសម្រាកក្នុងមូលដ្ឋានសុខាភិបាលដែលរួមមាន ៖

• សេវាព្យាបាលនិងថែទាំតាមបច្ចេកទេសវិជ្ជាជីវៈវេជ្ជសាស្រ្ត
• សេវាធ្វើរោគវិនិច្ឆ័យ សេវាមន្ទីរពិសោធន៍ និងសេវាពិនិត្យវេជ្ជសាស្ត្រផ្សេងៗទៀត
• ឧបករណ៍ផ្នែកសល្យសាស្ត្រ និងសម្ភារៈបរិក្ខារផ្នែកវេជ្ជសាស្ត្រផ្សេងៗតាមតម្រូវការចាំបាច់សម្រាប់ការព្យាបាល
• ឱសថតាមវេជ្ជបញ្ជា
• បន្ទប់សម្រាកព្យាបាល ។

ខ- ការផ្តល់សេវាពិគ្រោះជំងឺក្រៅដែលរួមមាន ៖

• សេវាព្យាបាលនិងថែទាំតាមបច្ចេកទេសវិជ្ជាជីវៈវេជ្ជសាស្ត្រ
• សេវាធ្វើរោគវិនិច្ឆ័យ សេវាមន្ទីរពិសោធន៍ និងសេវាពិនិត្យវេជ្ជសាស្ត្រផ្សេងៗទៀត
• ឧបករណ៍ផ្នែកសល្យសាស្ត្រនិងសម្ភារៈបរិក្ខារផ្នែកវេជ្ជសាស្ត្រផ្សេងៗតាមតម្រូវការចាំបាច់សម្រាប់ការព្យាបាល
• ឱសថតាមវេជ្ជបញ្ជា ។

គ- ការផ្តល់សេវាសម្រាលកូន សេវាព្យាបាលថែទាំមុននិងក្រោយសម្រាល ។

ឃ- ការផ្តល់សេវាព្យាបាលដោយស្អំ ដោយចលនា ឬសេវាស្តារនីតិសម្បាទាផ្នែកវេជ្ជសាស្ត្រដទៃទៀត ។

ង- ការផ្តល់សេវាសង្រ្គោះបន្ទាន់ ។ ក្នុងករណីសង្រ្គោះបន្ទាន់ សាមីជនរងគ្រោះអាចទៅព្យាបាលនៅមូលដ្ឋានសុខាភិបាលដែលស្ថិតនៅជិតបំផុត ។ ប្រសិនបើមូលដ្ឋានសុខាភិបាលនោះមិនមានកិច្ចព្រមព្រៀងជាមួយ ប.ស.ស. សាមីជនឬអ្នកតំណាងត្រូវជូនដំណឹងបន្ទាន់មក ប.ស.ស. ។

ច- ការផ្តល់សេវាបង្ការសុខភាព ។

ឆ- ការផ្តល់សេវាបញ្ជូនអ្នកជំងឺឬជនរងគ្រោះនិងសេវាបញ្ជូនសព ។

ជ- ការផ្តល់សេវាបញ្ជូនអ្នកជំងឺឬជនរងគ្រោះត្រូវផ្តល់ជូនតែក្នុងករណីសង្រ្គោះបន្ទាន់ និងដោយរថយន្តគិលានសង្រ្គោះរបស់មូលដ្ឋានសុខាភិបាលតែប៉ុណោ្ណះ ។

ឈ- ការផ្តល់សេវាបញ្ជូនអ្នកជំងឺធ្ងន់ធ្ងរមិនអាចព្យាបាលជាឬសេវាបញ្ជូនសពត្រូវផ្តល់តាមតម្លៃរបស់មូលដ្ឋានសុខាភិបាលដែលបានចុះកិច្ចព្រមព្រៀងជាមួយ ប.ស.ស. ។

ញ- សេវាស្តារនីតិសម្បទាផ្នែកវេជ្ជសាស្ត្រ ។