វិញ្ញាសាប្រវត្តិវិទ្យា ប្រឡងឆមាសថ្នាក់ទី១២ លើកទី១ ២២ មីនា ២០១០ (ថ្នាក់វិទ្យាសាស្ត្រ)

ប្រឡងឆមាសថ្នាក់ទី១២ លើកទី១
សម័យប្រឡងៈ ២២ មីនា ២០១០
វិញ្ញាសាៈ ប្រវត្តិវិទ្យា (ថ្នាក់វិទ្យាសាស្ត្រ)
រយៈពេលៈ ៩០នាទី
ពិន្ទុៈ ៧៥ពិន្ទុ

I.(៣ពិន្ទុ) ចូរគូសជ្រើសរើសចម្លើយដែលត្រឹមត្រូវ

១.តាមរយៈសន្និសិទក្រុងសឺណែវ ១៩៥៤ បារាំងបានប្រគល់ឯករាជ្យអោយប្រទេស

    ក.កម្ពុជា-វៀតណាម

    ខ.កម្ពុជា-ឡាវ

    គ.វៀតណាម-ឡាវ

    ឃ.ថៃ-ឡាវ

២.នៅក្រោយសង្គ្រាមលោកលើកទី ២ សហរដ្ធអាមេរិកបានបង្កើតផែនការមួយដើម្បីជួយស្តារទ្វីបអឺរ៉ុបឡើងវិញគឺ

    ក.ផែនការវិលសុន

    ខ.ផែនការទូម៉ាន់

    គ.ផែនការម៉ាសាល់

    ឃ.ផែនការរ៉ូស្វែល

៣.ចូរបំពេញល្បះខាងក្រោមឱ្យបានត្រឹមត្រូវ

ប្រទេសទី ២ ដែលនាំមុខគេក្នុងការជួយបំបាត់ភាពក្រីក្រនៅលើពិភពលោកគឺ ...............។

II.(៤ពិន្ទុ)

១.នៅឆ្នាំ ១៩៥៤ ប្រទេសថៃបានលើទ័ពចូលមកកាន់កាប់ប្រាសាទព្រះវិហារទាំងកំរោល។ តើតុលាការអន្តរជាតិក្រុងឡាអេ បានចេញបញ្ជាឱ្យថៃដកកងទ័ព និងតម្រូវឱ្យចេញពីប្រាសាទព្រះវិហារនៅថ្ងៃ ខែ ឆ្នាំណា?

២.តើប្រាសាទព្រះវិហារ ត្រូវបានបញ្ចូលក្នុងបញ្ជីបេតិកភណ្ឌពិភពលោក នៅថ្ងៃ ខែ ឆ្នាំណា?

III.(៦ពិន្ទុ) តើសហរដ្ធអាមេរិក ប្រឈមមុខនឹងបញ្ហាអ្វីខ្លះ នៅឆ្នាំ​១៩៧០ ?

IV.(៦ពិន្ទុ) តើសាធារណរដ្ធប្រជាមានិតចិន បានស្តារសេដ្ធកិច្ចជាថ្មីឡើងវិញដោយពឹងផ្នែកលើវិស័យអ្វីខ្លះនៅក្រោយសង្គ្រាមលោកលើកទី​២?

V.(៨ពិន្ទុ) ហេតុអ្វីបានជាចលនាតស៊ូទាមទារឯករាជ្យពីនឹមអាណានិគមនិយមអឺរ៉ុប របស់ប្រជាជននៅទ្វីបអាស៊ី និងទ្វីបអាព្រិចទទួលបានជោគជ័យនៅក្រោយសង្គ្រាមលោកលើកទី២?

VI.(៨ពិន្ទុ)

១.តើអង្គការសហប្រជាជាតិមានស្ថាប័នសំខាន់ៗចំនួនប៉ុន្មាន? ចូរបញ្ជាក់ឈ្មោះស្ថាប័នទាំងនោះ។

២.ចូររាប់ឈ្មោះអង្គការអន្តរជាតិ ដែលចំណុះឱ្យក្រុមប្រឹក្សាសេដ្ធកិច្ច និងសង្គមឱ្យបានចំនួនពីរ និងបញ្ជាក់ពីតួរនាទីរបស់វា។

ចម្លើយ

I.(៣ពិន្ទុ) ចូរគូសជ្រើសរើសចម្លើយដែលត្រឹមត្រូវ

១.តាមរយៈសន្និសិទក្រុងសឺណែវ ១៩៥៤ បារាំងបានប្រគល់ឯករាជ្យអោយប្រទេស

    ក.កម្ពុជា-វៀតណាម

    ខ.កម្ពុជា-ឡាវ

    គ.វៀតណាម-ឡាវ

    ឃ.ថៃ-ឡាវ

២.នៅក្រោយសង្គ្រាមលោកលើកទី ២ សហរដ្ធអាមេរិកបានបង្កើតផែនការមួយដើម្បីជួយស្តារទ្វីបអឺរ៉ុបឡើងវិញគឺ

    ក.ផែនការវិលសុន

    ខ.ផែនការទូម៉ាន់

    គ.ផែនការម៉ាសាល់

    ឃ.ផែនការរ៉ូស្វែល

៣.ចូរបំពេញល្បះខាងក្រោមឱ្យបានត្រឹមត្រូវ

ប្រទេសទី ២ ដែលនាំមុខគេក្នុងការជួយបំបាត់ភាពក្រីក្រនៅលើពិភពលោកគឺ ..........ជប៉ុន.........។

II.(៤ពិន្ទុ)

១.នៅឆ្នាំ ១៩៥៤ ប្រទេសថៃបានលើទ័ពចូលមកកាន់កាប់ប្រាសាទព្រះវិហារទាំងកំរោល។ តុលាការអន្តរជាតិក្រុងឡាអេ បានចេញបញ្ជាឱ្យថៃដកកងទ័ព និងតម្រូវឱ្យចេញពីប្រាសាទព្រះវិហារនៅថ្ងៃទី ១៥ ខែ មិថុនា ឆ្នាំ១៩៦២។

២.ប្រាសាទព្រះវិហារ ត្រូវបានបញ្ចូលក្នុងបញ្ជីបេតិកភណ្ឌពិភពលោក នៅថ្ងៃទី ០៧ ខែ កក្កដា ឆ្នាំ ២០០៨។

III.(៦ពិន្ទុ) នៅឆ្នាំ ​១៩៧០ សហរដ្ធអាមេរិក ប្រឈមមុខនឹងបញ្ហា៖

• បញ្ហាសេដ្ធកិច្ចៈ រកទីផ្សារលក់ផលិតផលឧស្សាហកម្ម និងសញ្វាវុធ។
• បញ្ហាទីក្រុង
• ៈ គ្រឿងញៀន ឆក់ប្លន់ ពេស្យាចា របៀបរស់នៅរបស់យុវជនបែបហ៊ឺពី
• បញ្ហារបបៈ ជម្លោះក្នុងរង្វង់អ្នកដឹកនាំ ពីបញ្ហានីតិកម្មរវាងប្រធានាធិបតី និង សភា។

IV.(៦ពិន្ទុ) នៅក្រោយសង្គ្រាមលោកលើកទី ២ សាធារណរដ្ធប្រជាមានិតចិន បានស្តារសេដ្ធកិច្ចជាថ្មីឡើងវិញ ដោយពឹងផ្នែកលើវិស័យ ឧស្សាហកម្ម កសិកម្ម និងពាណិជ្ជកម្ម។

V.(៨ពិន្ទុ) ចលនាតស៊ូទាមទារឯករាជ្យពីនឹមអាណានិគមនិយមអឺរ៉ុប របស់ប្រជាជននៅទ្វីបអាស៊ី និងទ្វីបអាព្រិចទទួលបានជោគជ័យនៅក្រោយសង្គ្រាមលោកលើកទី២ ដោយសារ៖

• ប្រជាជនទាំងអស់មានមនសិការ និងមានវីរភាពជាពិសេសកម្មករ និងកសិករនៅបណ្តាប្រទេសនៅទ្វីបអាស៊ី អាព្រិច និងអាមេរិកឡាទីនបានរួមដៃសាមគ្គីគ្នា។
• ឥទ្ធិពល និងជំនួយឧបត្ថម្ភពីបណ្តាប្រទេសសង្គមនិយមនានា ពិសេសសហភាពសូវៀត
• ការរីកចម្រើននៃលទ្ធិកុំម្មុយនីស្តនៅលើពិភពលោក
• ការចុះខ្សោយ និងការជួបវិបត្តិសង្គម សេដ្ធកិច្ច របស់ពួកអាណានិគមក្រោយសង្គ្រាមលោកលើកទី២។
• ការសន្យារបស់ប្រទេសមហាអំណាចអាណានិគមនៅក្នុងសង្គ្រាមលោកលើកទី២
• ការជួយឧបត្ថម្ភគាំទ្រពីរសំណាក់អង្គការសហប្រជាជាតិ និង សហរដ្ធអាមេរិក
• មានមគ្គុទេសដឹកចលនាជាតិនិយមត្រឹមត្រូវ និសាមមគ្គីភាព និងអន្តរជាតិ។

VI.(៨ពិន្ទុ)

១.អង្គការសហប្រជាជាតិមានស្ថាប័នសំខាន់ៗចំនួន ៦គឺ៖

• មហាសន្និបាត
• ក្រុមប្រឹក្សាសេដ្ធកិច្ច និងសង្គម
• អគ្គលេខាធិការដ្ធាន
• ក្រុមប្រឹក្សាសន្តិសុខ
• តុលាការអន្តរជាតិ
• ក្រុមប្រឹក្សាភិបាល

២.រាប់ឈ្មោះអង្គការអន្តរជាតិ ដែលចំណុះឱ្យក្រុមប្រឹក្សាសេដ្ធកិច្ច និងសង្គមឱ្យបានចំនួនពីរ និងបញ្ជាក់ពីតួរនាទីរបស់វា

• អង្គការសុខភាពពិភពលោក (WHO) មានទិសដៅជួយអភិវឌ្ឃវិស័យសុខាភិបាលដល់ប្រទេសក្រីក្រទាំងឡាយ។
• អង្គការយូនីសែហ្វ (UNICEF) ជួយកុមារផ្នែកចំណីអាហារ ថ្នាំពេទ្យ ព្រមទាំងឧបករណ៍ផ្សេងៗដែលទាក់ទងដល់ការបណ្តុះបណ្តាលកុមារ។