ចូរពន្យល់ពីការទទួលបានសញ្ជាតិខ្មែរពីកំណើត និងដោយអាពាហ៍ពិពាហ៍ ។

ការទទួលបានសញ្ជាតិខ្មែរពីកំណើត និងដោយអាពាហ៍ពិពាហ៍មានដូចជា ៖

+ ត្រូវទទូលបានសញ្ជាតិខ្មែរ ដោយកើតនៅក្នុងព្រះរាជាណាចក្រកម្ពុជា

• កូនដែលកើតពីឪពុក ឬម្ដាយបរទេសដែលកើតនិងរស់នៅស្របច្បាប់នៅក្នុង ព្រះរាជាណាចក្រកម្ពុជា
• កូនដែលកើតពីម្តាយឬឪពុកដែលស្គាល់និងកូនទើបនិងកើតដែលគេរើសបាននៅក្នុងព្រះរាជាណាចក្រកម្ពុជា

+ ត្រូវបានសញ្ជាតិខ្មែរទោះបីកើតនៅទីណាក៏ដោយ

• កូនមានខាន់ស្លាដែលកើតពីឪពុក ឬម្ដាយដែលមានសញ្ជាតិជាខ្មែរ
• កូនឥតខាន់ស្លាដែលកើតពីឪពុកឬម្ដាយមានសញ្ជាតិខ្មែរទទួលស្គាល់
• កូនដែលឪពុកម្ដាយ​ មិនទទួលស្គាល់កាលបើតុលាការចេញសាលក្រមថាកូននោះ ពិតជាកើតពីឪពុកឬម្ដាយដែលមានសញ្ជាតិជាខ្មែរ

+ សញ្ជាតិខ្មែរដោយអាពាហ៍ពិពាហ៍ ស្រ្ដីឬបុរសបរទេសដែលយកប្ដីឬប្រពន្ធខ្មែរខ្មែរដោយបានរៀបអាពាហ៍ពិពាហ៍អាចទាមទារសញ្ជាតិខ្មែរបានលុះត្រាតែ ស្រ្ដីឬបុរសនោះរស់នៅជាមួយគ្នារយៈពេលបីឆ្នាំក្រោយពេលចុះសំបុត្រអាពាហ៍ពិពាហ៍ ។  បែបបទនិងនីតិវិធីនៃការងារទាមទារសញ្ជាតិខ្មែរ និងការផ្ដល់សញ្ជាតិខ្មែរត្រូវសម្រេចតាមច្បាប់កំណត់ ។ ប្រជាពលរដ្ឋខ្មែរមិនបាត់បង់សញ្ជាតិខ្មែរដោយសារការរៀបអាពាហ៍ពិពាហ៍ ជាមួយជនបរទេសឡើយ​ ។