តើវត្តមានបារាំងនៅលើទឹកដីខ្មែរផ្តល់ផលវិជ្ជមាន និងអវិជ្ជមានដូចម្តេច ?

វត្តមានបារាំងនៅលើទឹកដីខ្មែរផ្តល់ផលវិជ្ជមាន និងអវិជ្ជមានដូចជា ៖

+ផលវិជ្ជមាន ៖

• ជួយសិក្សាស្រាវជ្រាវអំពីវប្បធម៍ខ្មែរ ​និងជួសជុលប្រាសាទបុរាណ
• ជួយទាមទារយកខេត្តមួយចំនួនពីសៀមមកឲ្យខ្មែរវិញដូចជា ខេត្តម្លូព្រៃ ទន្លេពៅ និងខេត្តកោះកុង នៅឆ្នាំ ១៩០៤ ព្រមទាំងខេត្ត បាត់ដំបង និងមហានគរ សេរីសោភ័ណ្ឌតាមរយៈសន្ធិសញ្ញាបារាំងសៀមថ្ងៃ ២៣ ខែ មីនា ឆ្នាំ ១៩០៧ ។
• ជួយលើកស្ទួយវិស័យវប្បធម៍
• ជួយពង្រឹងវិស័យអប់រំនៅស្រុកខ្មែរ ដោយបានយកចិត្តទុកដាក់បង្កើត សាលា​រៀនវត្ត សាលាតាមឃុំ និងសាលាបឋមសិក្សាបារាំង ចំណែកឯមធ្យម សិក្សាបង្កើតដំបូងមានតែវិទ្យាល័យស៊ីសុវត្តិមួយគត់នៅឆ្នាំ ១៩០៤ ។
• នៅឆ្នាំ ១៩១៥ បង្កើតគណកម្មការរៀបចំវចនានុក្រមខ្មែរឡើង ដើម្បីធ្វើឲ្យភាសាជាតិមានលក្ខណៈប្រាកដនិយម ។
• វិស័យសេដ្ឋកិច្ច ធ្វើឲ្យវិស័យកសិកម្ម និងដំណាំ ឩស្សាហកម្ម មួយចំនួនដូចជាម្រេច ក្រចៅ ថ្នាំជក់ កៅស៊ូ មានការរីកចម្រើនគួរឲ្យកត់សម្គាល់ ។
• លើកស្ទួយជីវភាពកម្មករ និងបង្កើតមន្ទើរពេទ្យទំនើបៗសម្រាប់កម្មករ ។
• កសាងគមនាគមន៍ដូចជាស្ពាន ថ្នល់ ផ្លូ​វរថភ្លើង ។

+ផលអវិជ្ជមាន ៖

• ធ្វើឲ្យសង្គមខ្មែរកាន់តែក្រីក្រទ្បើង តាមរយៈទម្ងន់ពន្ធដារច្រើនប្រភេទ ចាប់ពីពន្ធស្រូវ ពន្ធខ្លួន រហូតដល់ពន្ធសត្វពាហ​នៈ ។ ​
• ធ្វើឲ្យប្រជាជនខ្មែរស្លាប់នៅក្នុងសង្រ្គាមលោកលើកទី១និងទី២
• ធ្វើឲ្យខ្មែរបាត់បង់វត្ថុកេតនភ័ណ្ឌ
• បាត់បង់ទឹកដីកម្ពុជាក្រោម និងតំបន់ដាឡាតដោយកាត់ឲ្យយួន ។ ខេត្តត្រាតត្រូវធ្លាក់ក្នុងកណ្តាប់ដៃសៀម ។