វិញ្ញាសាវប្បធមទូទៅសម្រាប់ប្រឡងចូលបម្រើការងារ ជាមន្រ្តីរាជការនៃក្រសួងរៀបចំដែដីនគរូបនីយកម្ម និងសំណង់(វិញ្ញាសាទី៥)

សំនួរ

១. ដូចម្តេចដែលហៅថាផ្លូវជនបទ ?

២. ចូរអ្នកបង្ហាញអំពីវិបាកនៃកការប្រើប្រាស់គ្រឿងញៀន ?

៣. តើមានកត្តាអ្វីខ្លះដែលបង្កឱ្យមានគ្រោះថ្នាក់ចរាចរ ? តើអ្នកមានវិធានការយ៉ាងណាខ្លះ ដើម្បីបង្ការគ្រោះថ្នាក់ទាំងនោះ ?

៤. តើប្រាសាទព្រះវិហារ ត្រូវបានកសាងដោយព្រះមហាក្សត្រណា​ ? នៅគ្រឹស្តសករាជណា ? តើប្រទេសថៃបានលើកកងទ័ពចូលកាន់កាប់ប្រាសាទព្រះវិហារមកប្រទេសកម្ពុជាវិញនៅឆ្នាំណា ? ហើយត្រូវបានបញ្ជូនជាបេតិកភ័ណ្ឌពិភពលោកនៅថ្ងៃ ខែ ឆ្នាំ ណា ?

ចម្លើយ

១. ផ្លូវជនបទ សំដៅដល់ផ្លូវដីដែលតភ្នាប់ពីផ្លូវជាតិ ឬផ្លូវខេត្ត ឆ្ពោះទៅភូមិ ឬឃុំនៅជនបទ ។

២. អំពីវិបាកនៃកការប្រើប្រាស់គ្រឿងញៀនរួមមានដូចខាងក្រោម ៖

• ធ្វើឱ្យបាត់បង់ស្មារតី (បណ្តាលឱ្យខ្សោយ)
• បាត់បង់មិត្តភក្តិ បងប្អូន ឪពុកមម្តាយ និងគ្រួសារ ជាដើម
• បាត់បង់កិត្តិយសខ្លួនឯង គ្រួសារ និងសង្គមស្អប់ខ្ពើម
• បាត់បង់ទ្រព្យសម្បត្តិ
• កម្លាំងពលកម្មខ្សោយ ស្លេកស្លាំង
• ក្លាយជាចោរលួច ចោរប្លន់ និងអាចក្លាយជាឃាតករជាដើម
• បាត់បង់ការសិក្សា
• អាចក្លាយជាមនុស្សវិកលចរិក ឬឆ្កួតជាដើម ។

៣. កត្តាដែលបង្កឱ្យមានគ្រោះថ្នាក់ចរាចរ គឺ ៖

• មិនចេះច្បាប់ចរាចរ
• មិនគោរពច្បាប់ចរាចរ
• ប្រើប្រាស់គ្រឿងញៀន ឬគ្រឿងស្រវឹង
• បើកបរហួសល្បឿនកំណត់ ពិសេសនៅក្នុងទីប្រជុំជន
• អ្នកបើកបរមិនទាន់គ្រប់អាយុប្រើប្រាស់យាន្តយន្ត
• ផ្ទុកឥវ៉ាន់ ឬទំនិញធ្ងន់ហួសកំណត់
• មិនគោរពសិទ្ធិអាទិភាព មិនយោគយល់អធ្យាស្រ័យគ្នា
• ធ្វេសប្រហែស
• មិនបានត្រួតពិនិត្យសុវត្ថិភាពយានយន្តមុនពេលបើកបរឱ្យបានម៉ត់ចត់
• ហេដ្ឋារចនាសម្ព័ន្ធមិនសមស្រប ​។

វិធានការបង្ការគ្រោះថ្នាក់

• បណ្តុះបណ្តាល និងបង្រៀនច្បាប់ចរាចរឱ្យបានទូលំទូលាយដល់គ្រប់ស្រទាប់ប្រជាជន ជាពិសេសនៅតាមសាលារៀន និងសហគមន៍
• ពង្រឹងការគោរពច្បាប់ចរាចរឱ្យបានតឹងតែង
• ចាត់វិធានការយ៉ាងតឹងរឹងក្នុងការត្រួតពិនិត្យប័ណ្ណបើកបរ និងមួកសុវត្ថិភាពសម្រាប់អ្នកបើកបរទោចក្រយានយន្ត
• ពិន័យដល់យានយន្តណាដែលផ្ទុកឥវ៉ាន ឬដាក់មនុស្សធ្ងន់ហួសកំណត់
• ពិន័យដល់អ្នកបើកបរណាដែលបើកហួសល្បឿនកំណត់
• ពិន័យដល់អ្នកបើកបរណាដែលមិនទាន់គ្រប់អាយុប្រើប្រាស់យានយន្ត
• ពិន័យដល់អ្នកបើកបរណាដែលប្រើប្រាស់ទូរស័ព្ទនៅពេលកំពុងបើកបរយានយន្ត
• គោរពសិទ្ធិអាទិភាព និងយោគយល់អធ្យាស្រ័យគ្នា
• ត្រួតពិនិត្យសុវត្ថិភាពយានយន្តមុនពេលបើកបរឱ្យបានម៉ត់ចត់
• ជួសជុល ស្ថាបនា ហេដ្ឋារចនាសម្ព័ន្ធដឹកជញ្ជូនឱ្យបានសមស្រប និងដាក់ផ្តល់សញ្ញាឱ្យបានត្រឹមត្រូវតាមបទដ្ឋានបច្ចេកទេសនៃច្បាប់ចរាចរ ។

៤. ប្រាសាទព្រះវិហារត្រូវបានកសាងឡើងដោយព្រះមហាក្ស​ត្រ ៣ ជំនាន់គឺ ៖

• កសាងលើកទី១ ដោយព្រះបាទយសោវរ្ម័នទី១ ពីគ.ស ដល់ គ.ស ៩០០
• កសាងលើកទី ២ ដោយព្រះបាទសូរ្យវរ្ម័នទី ១ ពី គ.ស ១០០២ ដល់ គ.ស ១០៥០
• កសាងលើកទី ៣ ដោយព្រះបាទសូរ្យវ័រ្មនទី ២ ពី គ.ស ១១១៣ ដល់ គ.ស ​១១៥០
• ប្រទេសថៃបានលើកកងទ័ពចូលកាន់ប្រាសាទព្រះវិហារមកប្រទេសកម្ពុជាវិញនៅឆ្នាំ ២០០៧ ។
• ប្រាសាទព្រះវិហារ ត្រូវបានអង្គការ UNESCO បញ្ចូលជាបេតិកភ័ណ្ឌពិភពលោកនៅថ្ងៃទី ០៧ ខែកក្កដា ឆ្នាំ ២០០៨ នៅទីក្រុងកេបិច ប្រទេសកាណាដា ។