ការកើនកម្តៅនៅលើផែនដី

សំណួរ

១ ចូរឲ្យនិយមន័យផលផ្ទះកញ្ចក់ ។

២.ចូររាប់ឈ្មោះនិងសរសេររូបមន្តនៃឧស្ម័នផ្ទះកញ្ចក់ ។

៣.តើកត្តាអ្វីខ្លះ ដែលនាំឲ្យមានការកើនកម្តៅនៅលើភពផែនដី ?      

៤.តើយើងទាំងអស់គ្នា មានវិធានការអ្វីខ្លះ ដើម្បីកាត់បន្ថយការកើនកម្តៅនៅលើភពផែនដី ?               

៥. ដើម្បីការពារប្រភពទឹកកុំឲ្យមានការបំពុលតើយើងត្រូវធ្វើដូចម្តេចខ្លះ ?

ចម្លើយ

១. និយមន័យផលផ្ទះកញ្ចក់គឺជា កាំរស្មីក្រហមអាំងប្រាភាយចេញពីផែនដីដោយមិនអាចឆ្លងកាត់បរិយាកាសចូលក្នុងលំហបាន ហើយឧស្ម័នកាបូឌីអុកស៊ីត និងឧស្ម័នផ្សេងៗទៀតដែលមានក្នុងបរិយាកាសបានស្រូបយកកាំរស្មីនេះ បង្កើតបានជាកម្តៅព័ទ្ធជុំវិញផែនដី ។

២. រាប់ឈ្មោះនិងសរសេររូបមន្តនៃឧស្ម័នផ្ទះកញ្ចក់មានដូចជា៖ ឧស្ម័នការបូនិច្ច(CO2) មេតាន (CH4 )អាសូត (NO) ។

៣. កត្តា ដែលនាំឲ្យមានការកើនកម្តៅនៅលើភពផែនដីគឺ៖

• ការកាប់ព្រៃឈើ
• កំណើនឧស្សាហកម្ម
• ការប្រើប្រាស់ឥន្ធនៈផូស៊ីលមានសារធាតុបំពុល
• ការអភិវឌ្ឍទីប្រជុំជននិងទីក្រុង
• ចរាចរណ៍មមាញឹក...។

៤. យើងទាំងអស់គ្នា មានវិធានការដើម្បីកាត់បន្ថយការកើនកម្តៅនៅលើភពផែនដី គឺ៖

• កាត់បន្ថយការប្រើប្រាស់ឥន្ធនៈផូស៊ីល
• ដាំដើមឈើឲ្យបានច្រើន និងការជួយការពារព្រៃឈើ
• ការគ្រប់គ្រងសំណល់ឧស្ម័នកាបូនិចនៅកន្លែងផ្សេងៗ ក្រៅពីបរិយាកាសដូចជា មហាសមុទ្រ ដង្ហើមទឹកជ្រៅ នៅក្រោមដី
• ប្រើប្រាស់វត្ថុផ្សេងៗ ដែលមិនបង្កគ្រោះថ្នាក់ចំពោះបរិស្ថានសម្រាប់ជំនួសប្រេងឥន្ធនៈផូស៊ីល...។

៥. ដើម្បីការពារប្រភពទឹកកុំឲ្យមានការបំពុលយើងត្រូវធ្វើដូចជា៖

• មិនសង់បង្គន់ក្បែរទឹក និងប្រភពទឹក
• មិនសង់ប្រព័ន្ធបង្ហូទឹក ស្អុយចូលក្នុងប្រភពទឹក
• មិនចោលសំរាមផ្សេងៗទៅក្នុងទឹក
• មិនប្រើប្រាស់ថ្នាំគីមី ក្នុងវិស័យកសិកម្ម
• ធ្វើរបងព័ទ្ធជុំវិញប្រភពទឹកដែលប្រើប្រាស់ប្រចាំថ្ងៃ
• មិននេសាទហួសកម្រិត ព្រោះត្រីក៏ធ្វើឲ្យទឹកថ្លាដែរ
• ដាំដើមឈើឲ្យបានច្រើនបន្ថែមទៀត
• ថែរក្សាបរិវេណជុំវិញប្រភពទឹកឲ្យមានអនាម័យ...។