បើធ្វើខ្នាត់ទទឹងឬស តើអ្នកសង្កេតឃើញកោសិកាអ្វីខ្លះ ? ចូរពន្យល់និងបញ្ជាក់ពីនាទីរបស់កោសិកាប្រភេទនីមួយៗ ។

បើធ្វើខ្នាត់ទទឹងឬស យើងសង្កេតឃើញកោសិកាអេពីឌែម សំបកដែលមានអង់ដូឌែមនិងស៊ីឡាំងកណ្តាល ( ស៊ីឡែមនិង ផ្លូអែម​ ) ។

អេពីឌែមៈ ជាស្រទាប់ក្រៅបង្អស់កើតឡើងពីកោសិកាក្រាស់មួយស្រទាប់ ។ កោសិកាទាំងនេះច្រើនមានរោមឆ្មារៗហៅថារោមជញ្ជក់ ។ រោមជញ្ជក់បង្កើនផ្ទៃឬសក្នុងការស្រូបទឹក ។

សំបកៈ ស្ថិតនៅក្រោមអេពីឌែម ។ វាមាននាទីដឹកនាំទឹក និងអំបិលខនិជទៅកាន់ជាលិកានាំកណ្តាលឬសដោយស្រូបតាមរោមជញ្ជក់ ។

អង់ដូឌែមៈ ជាស្រទាប់ក្នុងបង្អស់នៃសំបក ។ កោសិកាទាំងឡាយនៃសំបកមាននាទីត្រួតពិនិត្យចលនាទឹកនៅក្នុងស៊ីឡាំងកណ្តាល ។

ស៊ីឡាំងកណ្តាលៈ ត្រូវបានព័ទ្ធជុំវិញ ដោយកោសិកាមួយស្រទាប់ដែលស្ថិតនៅផ្នែកខាងក្រោមជាប់នឹងអង់ដូឌែម ។