វិធីសាស្រ្តនៃការសម្រេចចិត្ត

         ប្រសិនបើយើងព្យាយាមគេចវេះពីការសម្រេចចិត្ត ព្រោះតែខ្លាចការទទួលខុសត្រូវលទ្ធផលអាក្រក់ដែលនិងកើតមាននោះចុងក្រោយត្រូវធ្លាក់មកយើងវិញជាំដដែលព្រោះការមិនព្រមសម្រេចចិត្ត ក៏ជាការសម្រេចចិត្តតែមួយបែបផងដែរចុះហេតុអ្វីបានជាយើងមិ​នព្រមសម្រេចចិត្តភឹងៗឲ្យហើយ ដោះស្រាយបញ្ហាឲ្យទាន់ពេលវេលា ដើម្បីលើកកម្ពស់ឋានៈអំណាចនិងផលប្រយោជន៍ដែលយើងមានស្រាប់តែម្តងទៅ ? 

       សង្គមបច្ចុប្បន្នទាមទារឲ្យមនុស្សមានសមត្ថភាពគិតនិងសម្រេចចិត្តឲ្យបានត្រឹមត្រូវ ជាពិសេសបណ្តាអាជីវករ អ្នកវិនិយោគ ចាំបាច់ត្រូវតែគិតគូរឲ្យបានល្អិតល្អន់បំផុតដែលមិនត្រឹមតែសម្រេចចិត្តឲ្យបានត្រឹមត្រូវម្យ៉ាងងប៉ុណ្ណោះទេគឺថែមទាំងឲ្យ ៉ រហ័ស ៉ ទៀតផង ។ ដោយឡែកកម្រិតអ្នកដែលត្រូវចង្អុលទិសដល់អ្នកដទៃការគិតពិចារណានិងការសម្រេចចិត្តគឺជាភារកិច្ចសំខាន់បំផុតរបស់ពួកគេ ។