ដូចម្តេចដែលហៅថាទំនៀមទំលាប់ប្រពៃណី ? តើជនជាតិខ្មែរយើងមានទំនៀមទំលាប់អ្វីខ្លះ ? ចូររៀបរាប់ ។

ទំនៀម មកពីពាក្យទាម ។ ទំនៀមគួរសរសេរទំនាមទើបត្រឹមត្រូវជាង ។ ទាមមានន័យថា ការជប់ជាប់ រឺថ្ពក់ជាប់ដែលនៅជាប់មិនងាយយកចេញ ដូចជាឈ្លើងទាមជាដើម ។ វចនានុក្រមរបស់សម្តេចព្រះសង្ឃរាជ ជួន ណាត បានពន្យល់ថា ទំនៀម គឺ ធម្មតា សណ្តាប់ សណ្តាប់ ធ្នាប់ បែបបទ ។ ទំលាប់ រឺទម្លាប់ មានន័យថាការដែលធ្លាប់លំអាន ដែលធ្លាប់តែមានមក ។ ដូចនេះទំនៀមទំលាប់មានន័យថា ពិធីផ្សេង ដែលជនជាតិនីមួយៗ និយមប្រព្រឹត្តិធ្វើជាអចិន្រ្តៃយ៍នៅក្នុងជីវភាពរស់នៅរបស់ខ្លួនរៀងដរាបមកតាមអ្វីដែលធ្លាប់បានធ្វើ ។

ទំនៀមទំលាប់ខ្មែរយើងមានច្រើនដូចជា ៖

• ទំនៀមទំលាប់ក្នុងពិធីកើតកូន
• ទំនៀមទំលាប់នៃពិធីមង្គលការ
• ទំនៀមទំលាប់នៃពិធីរំលាយសព
• ពិធីចូលម្លប់ (សព្វថ្ងៃនេះគ្មានទេ)
• ពិធីកោរជុក (សព្វថ្ងៃនេះនៅមានតិច) និងមានពិធីបុណ្យផ្សេងៗដូចជា ៖
• បុណ្យភ្ជុំបិណ្ឌ
• បុណ្យចូលឆ្នាំ
• ​បុណ្យកឋិន
• បុណ្យចូលវស្សា ចេញវស្សា
• បុណ្យមាឃបូជា ពិសាខបូជា ។