បើសិនជាមានការប្រកែកមិនទទួលស្គាល់សិទ្ធិមនុស្ស និងសេរីភាពជាគ្រឹះ តើអាចមានផលវិបាកអ្វីខ្លះ ?

សិទ្ធិមនុស្ស ព្រមទាំងសេរីភាពជាគ្រឹះទាំងឡាយ អាចធ្វើអោយយើងមានការរីកចំរើន ហើយអាចអោយយើងប្រើប្រាស់បានយ៉ាងពេញលេញនូវតម្លៃជាមនុស្សរបស់យើងប្រាជ្ញាសា្មរតីរបស់យើង ហើយអនុញ្ញាតអោយយើងអាចប្រើប្រាស់បាន តាមសេចក្តីត្រូវការទាំងក្នុងផ្នែកចេតនារម្មណ៍ និងផ្នែកផ្សេងៗទៀត ។ បើសិនមានការប្រកែកមិនទទួលស្គាល់សិទ្ធិមនុស្ស និងសេរីភាពជាគ្រឹះ មិនត្រឹមតែជាសោកនាដកម្មដល់បុគ្គលម្នាក់តែប៉ុណ្ណោះទេ គឺជាកត្តានាំអោយមានការរំជើបរំជួលក្នុងសង្គម និងលើវិស័យនយោបាយ រួមមានអំពើឃោរឃៅ និងជម្លោះ ទាំងរវាងសង្គមប្រជាជាតិ ទាំងរវាងសង្គមមួយនិងសង្គមមួយទៀតផង ។ ដូចមានចែងនៅក្នុងឃ្លាទីមួយនៃសេចក្តីថ្លែងការណ៍ជាសាកលស្តីពីសិទ្ធិមនុស្សថា ៖ ការគោរពសិទ្ធិហើយនិងសេចក្តីថ្លៃថ្នូររបស់មនុស្ស “បង្កើតបានជាគ្រឹះនៃសេរីភាព យុត្តិធម៌ ហើយនឹងសន្តិភាពនៅលើពិភពលោក” ។