តើចំណុចណាខ្លះដែលបញ្ជាក់ពីតួនាទីនិងការទទួលខុសត្រូវរបស់ព្រះមហាក្សត្រចំពោះប្រជាពលរដ្ឋ ?

ចំណុចដែលបញ្ជាក់ពីតួនាទីនិងការទទួលខុសត្រូវរបស់ព្រះមហាក្សត្រចំពោះប្រជាពលរដ្ឋគឺនៅត្រង់មាត្រាទី៧ ជំពូក២វាក្យខ័ណ្ឌទី២ ដែលបានចែងថា “ព្រះមហាក្សត្រទ្រង់ជាប្រមុខរដ្ឋអស់មួយជីវិត” នៅត្រង់មាត្រាទី៨ជំពូក ២ “ព្រះមហាក្សត្រទ្រង់ជានិម្មិតរូបនៃការបង្រួបង្រួមជាតិ ផ្សះផ្សាជាតិ ឯកភាពជាតិ និងនិរន្តភាពជាតិ” ។ “ព្រះមហាក្សត្រទ្រង់ជាអ្នកធានាឯករាជ្យជាតិ អធិបតេយ្យភាព និងបូរណភាពទឹកដីនៃព្រះរាជាណាចក្រកម្ពុជា ទ្រង់ជាអ្នកធានាការគោពរពសិទ្ធិមនុស្ស សេរីភាពរបស់ប្រជាពលរដ្ឋ និងការគោរពសិទ្ធិសញ្ញាអន្តរជាតិ” ។ មាត្រា៩ ជំពូក២ បានចែងថា​ “ព្រះមហាក្សត្រទ្រង់មានតួនាទីខ្ពស់ជាអាជ្ញាកណ្តាលដើម្បីធានាការប្រព្រឹត្តិទៅនៃអំណាចសាធារណៈអោយមានភាពទៀងទាត់” ។