សំណួរ-ចម្លើយ ប្រវត្តិវិទ្យាថ្នាក់ទី ១២ ( វិញ្ញាសា ១៩ )

សំណួរ

១. បន្ទាប់ពីក្រុមងប្រឹក្សារាជានុសិទ្ធិរំលាយនៅថ្ងៃទី ១៣ ខែមិថុនា ឆ្នាំ ១៩៦០ ច្បាប់រដ្ឋធម្មនុញ្ញបានចេញមាត្រាពិសេសមួយ តើមាត្រានេះបានចែងដូចម្ដេច ?

២. តើព្រះបាទនរោត្តមសីហនុ បានចូលកាន់តំណែថជាប្រមុខរដ្ឋនៅថ្ងៃណា ខែណា ឆ្នាំណា ? ហើយនរណាជានិមិត្តរូបនៃព្រះរាជបល្លីង្ក ?

៣. ក្នុងវិស័យកសិកម្ម តើរាជរដ្ឋាភិបាលសម័យសង្គមរាស្រ្ដនិយម បានផ្ដោតការយកចិត្តទុកដាក់លលើផ្នែកអ្វីខ្លះ ?

៤. ចូរនិយាយពីវិស័យគមនាគមន៍នៅសម័យសង្គមរាស្រ្ដសនិយម ។

៥. នៅសម័យសង្គមរាស្រ្ដនិយម តើមានរោងចក្រ និងក្រុមហ៊ុនអ្វីខ្លះ ?

ចម្លើយ

១. បន្ទាប់ពីក្រុមប្រឹក្សារាជានុសិទ្ធិរំលាយ នៅថ្ងៃទី ១៣ ខែមិថុនា ឆ្នាំ ១៩៦០ ច្បាប់រដ្ឋធម្មនុញ្ញ បានចេញមាត្រាពិសេសមួយៗ ។ មាត្រានេះបានចែងថាក្នុងករណីដែលកាលៈទេសៈពុំអនុញ្ញាតឪ្យចាត់តាំងព្រះមហាក្សត្រថ្មី និងក្រុមប្រឹក្សារាជានុសិទ្ធិដោយអនុលោមទៅតាមបញ្ញត្តិ ៣០ និង ៣០ស្ទួន នៃរដ្ឋធម្មនុញ្ញសភាទាំងពីរ ត្រូវរួមគ្នាប្រជុំតាមសេចក្ដីអញ្ជើញពីប្រធានរដ្ឋសភាដោយអនុលោមទៅតាមឆន្ទៈរបស់ប្រជារាស្រ្ដសភាទាំងពីរអាចលើកអំណាច និងបុព្វសិទ្ធិទាំងឡាយរបស់ប្រមុខរដ្ឋប្រគល់ឪ្យឥស្សរៈជនមួយរូបដែលប្រជាពលរដ្ឋ ស្រឡាញ់ទុកចិត្ត ។

២. ព្រះបាទនរោត្តមសីហនុ បានចូលកាន់តំណែងជាប្រមុខខរដ្ឋនៅថ្ងៃទី ២០ ខែ មិថុនា ឆ្នាំ ១៩៦០ ដែលមានព្រះមហាក្សត្រ យានី កុសមៈ នារីរតន៍ ជានិមិត្តរូបនៃព្រះរាជបល្ល័ង្ក ។

៣. ក្នុងវិស័យកសិកម្ម រាជរដ្ឋាភិបាល សម័យសង្គមរាស្រ្ដនិយម បានផ្ដោតការយកចិត្តទុកដាក់លើផ្នែក ៖

• ពង្រីកផ្ទៃដីស្រែថ្មីៗ
• ការជ្រើសរើសពូជស្រូវថ្មីៗ
• ការធ្វើនយោបាយទឹក
• ចាត់តាំងក្រុមបសុពេទ្យ ឪ្យចាត់ថ្នាំបង្ការរោគសត្វពាហនៈគ្រប់ទីកន្លែង ។
• បង្កើតឪ្យមានរុក្ខទិវា នៅគ្រប់ទីកន្លែង ។

៤. វិស័យគមនាកមន៍នៅសម័យសង្គមរាស្រ្ដនិយមមានដូចតទៅ ៖

• នៅឆ្នាំ ១៩៥៤ បានពង្រីក កំពង់ផែ ហើយថែមទាំងកសាងកំពង់ផែទឹកប្រៃនៅក្រុងព្រះសីហនុ ។​
• នៅឆ្នាំ ១៩៤៦ កសាងផ្លូវជាតិលេខ ៤ ពីភ្នំពេញទៅក្រុងព្រះសីហនុប្រវៃង ២២៦ គម ។
• នៅឆ្នាំ១៩៥៩បានកសាងអាកាសដ្ឋានអន្តរជាតិខេត្តសៀមរាប ។
• ឆ្នាំ ១៩៦០ កសាងផ្លូវរថភ្លើងខ្សែទី ២ ពីភ្នំពេញទៅក្រុងព្រះសីហនុប្រវែង ២៧០ គម ។
• នៅឆ្នាំ ១៩៦០ បានកសាងស្ពានជ្រោយចង្វា ( មិត្តភាពកម្ពុជា ជប៉ុន ) ដែលឆ្លងទន្លេសាប ។
• នៅឆ្នាំ ១៩៦១ បានភ្ជាប់ខ្សែទូរស័ព្ទ ជាមួយក្រុងតូក្យូ សាន់ហ្រ្វាន់ស៊ីស្កូ អូសាកា...។

៥. សម័យសង្គមរាស្រ្ដនិយម មានរោងចក្រ និងក្រុមហ៊ុនជាច្រើនដូចជា ៖

• ក្រុមហ៊ុនអន្ដរជាតិ ញូហែមពួរ និងក្រុមហ៊ុន ប្រេងកាល់តិច អេសូសែល... ដែលជាក្រុមហ៊ុនបរទេស
• មានធនាគារទែរិដ ធនាគារហុងកុង ធនាគារអូហូតូក្យូ...ដែលជាក្រុមហ៊ុនអង់គ្លេស និងជប៉ុន
• នៅឆ្នាំ១៩៦៣ រាជរដ្ឋាភិបាលបានបង្កើតក្រុមហ៊ុនពាណិជ្ជកម្មមួយទៀតគឺក្រុមហ៊ុនអាហរ័ណ និហរណ័ ( សូណិចស៊ីម ) ដែលជារបស់រដ្ឋ និងឯកជន ។
• នៅឆ្នាំ១៩៦៤ រាជរដ្ឋាភិបាលបានបង្កើតក្រុមហ៊ុន ពាណិជ្ជកម្មរដ្ឋនិងឯកជនពីរគឺក្រុមហ៊ុន ខ្មែរនៃការទិញផលិតផលកសិកម្ម ( សូរ៉ាប៉ា )និងក្រុមហ៊ុនខ្មែរនៃការទិញផលិតផលកសិកម្ម ( សូណាព្រីម )
• រាជរដ្ឋាភិបាលក៏បានកសាងរោងចក្រស្រាបៀ រោងចក្រក្តារបន្ទះ រោងចក្រកែវ រោងចក្រសុម៉ង់ រោងចក្រ រោងចក្រក្រចៅ រោងចក្រដំឡើងត្រាក់ទ័រ ...។

( វិញ្ញាសាទី ២០ )