តើជាតកចែកចេញជាអ្វីខ្លះ ? ចូរឲ្យនិយមន័យនៃជាតកនីមួយៗ ។ តើរឿងព្រះវេស្សន្តរស្ថិតនៅក្នុងជាតកណា ? ក្នុងជាតិទីប៉ុន្មាន ? ព្រះអង្គបានបរិច្ចាគអ្វីខ្លះ ? តើយល់ដូចម្តេចចំពោះការផ្តល់ទាននេះ ?

ជាតកចែកជា៖

• ទសជាតក ជារឿងរ៉ាវពីជាតិមុនៗ ទាំងដប់ជាតិរបស់ព្រះពុទ្ធជាពោធិសត្វកំពុងសាបារមី ។
• បញ្ញាជាតក ជារឿងរ៉ាវទាំងហាសិបជាតិជាពោធិសត្វដែលខិតខំធ្វើអំពើល្អសាងបារមី ដូចបញ្ញាកម្មផលដែរ ។

                   រឿងព្រះវេស្សន្តជាតក ស្ថិតនៅក្នុងទសជាតកគឹ ជាតិទីដប់ដែលសាងបារមីធ្វើទាន ។

                   ព្រះអង្គបានបរិច្ចាគគឺ៖

• ធនបរិច្ចាគ
• បុត្របរិច្ចាគ
• អង្គបរិច្ចាគ
• ភរិយាបរិច្ចាគ
• និងជីវិតបរិច្ចាគ ។​

ចំពោះការបរិច្ចាគនេះយើងយល់ថា៖

• ធនបរិច្ចាគ ព្រះអង្គមានទ្រព្យជាកម្មសិទ្ធិច្រើនដាក់ទាន ការដាក់ទានមិនប្រកាន់វណ្ណៈ ពូជសាសន៍ ចាត់ទុកជាអ្នកមានទស្សនៈមនុស្សនិយម ។ ការដាក់ទានហាក់មានអត្តនោម័តដូចជា ការដាក់ទានដំរីបច្ច័យឲ្យអ្នកនគរកលិង្គរាស្រ្ត ដែលបង្កឲ្យមានវិបត្តិ​ ។
• បុត្របរិច្ចាគ និងភរិយាបរិច្ចាគ ជាទានមានជីវីត មានវិញ្ញាណមានមនោសញ្ចេតនា ។ នាំឲ្យប៉ះពាល់ដល់អារម្មណ៍ សញ្ចេតនា និងសិទ្ធិសេរីភាពអ្នកដទៃ ។
• ជីវីត និងអង្គបរិច្ចាគ ជាបរិច្ចាគផ្ទាល់នៃខ្លួន ព្រោះព្រះអង្គចាត់ទុកថាការលះបង់ទានកម្រិតខ្ពស់គ្មានជនណាអាចធ្វើបាន ។

ជារួមមក ព្រះវេស្សន្តរ ព្រះអង្គស្ថិតក្នុងជាព្រះពោធិសត្វនៅឡើយថាពុំមែនជាព្រះពុទ្ធ ដែលជាហេតុនាំឲ្យព្រះអង្គធ្វើការលះបង់ដោយលំបាក អត់ធ្មត់ព្យាយាមខ្លាំង ចំពោះអ្វីដែលទាក់ទងទៅនឹងសញ្ចេតនារបស់ព្រះអង្គ ។