គ្រឿងញៀន ជាសារធាតុទាំងឡាយណាដែលបានចូលទៅក្នុងរាងកាយមនុស្សហើយធ្វើឲ្យមានការផ្លាស់ប្តូរមុខងារ ដំណើរការនៃរាងកាយ ។តើគ្រឿងញៀនវាបណ្តាលឲ្យមានការផ្លាស់ប្តូរនៃដំណើរការនៃរាងកាយ និងផ្លូវចិត្តយ៉ាងដូចម្តេច ?

ការពុល​ឬស្រវឹងគ្រឿងញៀនបានបង្ហាញឲ្យឃើញពីការផ្លាស់ប្តូរនៃរាងកាយ និងផ្លូវចិត្តដូចខាងក្រោម៖

ក. ផ្នែករាងកាយ

• បំផ្លាញសរសៃឈាមតូចៗនៅក្នុងខួសក្បាល និងបេះដូង
• មានជម្ងឺបេះដូង
• ជំងឺរលាក និងស្ទះសរសៃឈាម
• ជីពចរដើរញាប់តែមិនទៀងទាត់ កម្តៅក្នុងខ្លួនកើនឡើង និងបែកញើស
• ស្ងួតមាត់ និងសង្កៀតធ្មេញ
• ប្រសី្រភ្នែករីក កើតបូសភ្នែក
• ចុះស្គមជាខ្លាំង
• មានការកន្រ្តាក់សាច់ដុំ
• ដង្កូវស៊ីធ្មេញ និងពុកធ្មេញ
• រសាប់រសល់ ពិបាកអង្គុយស្ងៀម ប្រកាច់ ធ្វើទុក្ខនិងស្លាប់ ។

ខ. ផ្លូវចិត្ត

• ច្របូកច្របលក្នុងចិត្ត គិតផ្តេសផ្តាស់
• បែកអារម្មណ៍ ឆាប់ភ័យស្លន់ស្លោគិតអ្វីមិនទាន់
• វង្វេងវង្វាន់ ចេះសង្ស័យអ្នកដទៃ
• អារម្មណ៍អណ្តែតអណ្តូង
• ឆាប់ខឹង មួម៉ៅ ច្រឡោត
• បាត់បង់ការស្រេចឃ្លាន ។