វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី២)

សំណួរ

១. តើតំបន់ប្រាសាទសំបូរព្រៃគុកត្រូវបានដាក់បញ្ចូលក្នុងបញ្ជីបេតិភណ្ឌពិភពលោក នៅថ្ងៃ ខែ ឆ្នាំណា ? នៅឯណា ? ហើយទីតាំងនៅឯណា ?

២. តើមូលហេតុអ្វីខ្លះ ដែលនាំឪ្យមានការបង្កើតរណសិរ្សសាមគ្គីសង្រ្គោះជាតិកម្ពុជា ?

៣. តើសមាជជាតិមានសារៈសំខាន់អ្វីខ្លះ ?

៤. ចូរពណ៌នាពីទំនាក់ទំនងរវាងសន្ដិភាព និងការអភិវឌ្ឍ ។

៥. តើមូលហេតុអ្វីដែលនាំឪ្យរណសិរ្សនេះទទួលបានជ័យជម្នះនៅថ្ងៃទី ៧ ខែមករា ឆ្នាំ ១៩៧៩ ?

ចម្លើយ

១. តំបន់ប្រាសាទសំបូរព្រៃគុកត្រូវបានដាក់បញ្ចូលក្នុងបញ្ចីបេតិកភណ្ឌពិភពលោកនៅថ្ងៃទី៨ ខែកក្កដា ឆ្នាំ ២០១៧ នៅទី ក្រុង Krakow ប្រទេសប៉ូឡូញ ។ ហើយប្រាសាទនេះមានទីតាំងនៅក្នុងភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ ។

២. មូលហេតុដែលនាំឪ្យមានការបង្កើតរណសិរ្សសាមគ្គីសង្រ្គោះជាតិកម្ពុជា គឺដោយសារតែរបបប៉ុលពតនេះជារបបមួយដែល ៖

• កាប់សម្លាប់និងបង្អត់អាហារប្រជាជនកម្ពុជា
• សម្លាប់អ្នកចេះដឹង(បញ្ញវន្ដ)
• លុបបំបាត់ជំនឿសាសនា ប្រពៃណី ទំនៀមទម្លាប់របស់ជាតិ
• យកប្រជាជនកម្ពុជាជាវាលពិឃាត និងផ្ដាច់ទំនាក់ទំនងអន្តរជាតិ ។

៣. សមាជជាតិមានសារៈសំខាន់ដូចជា ៖

• ស្វែងយល់ពីការលំបាក និងតម្រូវការរបស់ប្រជារាស្រ្ដ ដើម្បីធ្វើការដោះស្រាយ
• ដឹងពីមន្ដ្រីពុករលួយ បក្សពួកនិយម តាមរយៈបណ្ដឹងរបស់ប្រជារាស្រ្ដ
• ស្វែងយល់ពីមន្ដ្រីចង់ក្បត់ និងមន្ដ្រីស្មោះត្រង់ ហើយអប់រំកែប្រែ
• វេទិកាតម្លាភាពអាចបើកចំហបញ្ហារួមដើម្បីដោះស្រាយទាំងអស់គ្នា
• អាចអភិវឌ្ឍជាតិឪ្យឆាប់រីកចម្រើន ព្រោះតំណាងរាស្រ្ដ មន្ដ្រី និងរាស្រ្ដយល់ចិត្ត ទុកចិត្តរួមសាមគ្គីកសាងជាតិ ។

៤. ពណ៌នាទីទំនាក់ទំនងរវាងសន្ដិភាព និងការអភិវឌ្ឍ ៖

+ សន្ដិភាពនឹងធ្វើឪ្យប្រជាជននិងប្រទេសជាតិទទួលបាននូវ ៖

• មានសេចក្ដីសុខទាំងផ្លូវកាយ និងផ្លូវចិត្តគ្មានអំពើហិង្សា គ្មានសង្រ្គាមទាស់ទែងគ្នា
• សន្ដិភាពផ្ដល់ឳកាស អភិវឌ្ឍខ្លួនឯង គ្រួសារ សង្គម
• ប្រទេសមាននីតិរដ្ឋ (ច្បាប់ សិទ្ធិសេរីភាព និងប្រជាធិបតេយ្យ)
• ធ្វើឪ្យមនុស្សរស់នៅនៅប្រកបដោយភាពសុខសាន្ដគ្មានការភ័យខ្លាច និងគំរាមកំហែង
• មានឳកាសទទួលបានការសិក្សារៀនសូត្រដ មានកិច្ចសហប្រតិបត្តិការល្អ
• មានការវិនិយោគនិងទាក់ទាញភ្ញៀវទេសចរណ៍
• ស្ថេរភាពនយោបាយ គោរពសិទ្ធមនុស្សគោរពច្បាប់
• សន្ដិភាពនាំឪ្យមានសេរីភាពពេញបរិបូរណ៍ ។

+ កាលណាមានសន្ដិភាពនឹងទទួលបានការអភិវឌ្ឍ ៖

• សំបូរធនធានមនុស្សដែលជាកម្លាំងចលករសម្រាប់អភិវឌ្ឍជាតិ
• ក្លាយជាអារ្យប្រទេស(ជឿនលឿន)
• មានការកសាងហេដ្ឋារចនាសម័្ពន្ធក្នុងសង្គម
• បង្កើតឪ្យមានការស្រាវជ្រាវវិទ្យសាស្រ្ដបច្ចេកទេសនិងបច្ចេកទេសទំនើប
• ពលរដ្ឋមានសមត្ថភាព ជំនាញច្បាស់លាស់
• សេដ្ឋកិច្ចគ្រួសារនិងសង្គមជាតិមានការរីកចម្រើន។

      ដូចនេះ យើងឃើញថា ទាល់តែមានសន្ដិភាព ទើបមានការអភិវឌ្ឍ បើសង្គមគ្មានសន្ដិភាព ទើបមានការអភិវឌ្ឍ។

៥.មូលហេតុដែលនាំឪ្យរណសិរ្សនេះទទួលបានជ័យជម្នះនាថ្ងៃទី ៧ ខែមករា ឆ្នាំ ១៩៧៩គឺ ៖

• ឆន្ទៈប្រជាជនកម្ពុជាចូលរួមមោះមុត
• កងទ័ពបដិវត្តន៍មានសេចក្ដីក្លាហាន
• ជំនួយឧបត្ថម្ភពីកម្លាំងកងទ័ពវៀតណាម
• វីរភាពនៃអ្នកដឹកនាំទ័ព
• ការគាំទ្រ និងទំនុកបម្រុងពីប្រទេសជិតខាង
• ប្រជាជនិងកងទ័ពអស់ជំនឿលើរបបប៉ុលពត។

វិញ្ញាសាទី៣​