វិញ្ញាសាមុខវិជ្ជាជីវៈវិទ្យា ( វិញ្ញាសាទី១ )

សំនួរ

១. តើផ្នែកផ្សេងៗរបស់ផ្កាមានអ្វីខ្លះ ?

២. តើសរីរាង្គបន្តពូជឈ្មោល និងសរីរាង្គបន្តពូជញីចែកចេញជាប៉ុន្មានផ្នែក ? អ្វីខ្លះ ?

៣. តើបាច់សរសៃនាំរបស់រុក្ខជាតិ​មានអ្វីខ្លះ  ? បាច់សរសៃទាំងនោះមានតួនាទីដូចម្តេច ?

៤. ដូចម្តេចដែលហៅថា រុក្ខជាតិឌីកូទីលេដូន ? តើរុក្ខជាតិឌីកូទីលេដូន មានលក្ខណៈសំគាល់ដូចម្តេចខ្លះ ?

៥. តើរុក្ខជាតិអង់ស្យូស្ពែមមានប្រយោជន៍អ្វីខ្លះ? ចូរលើកឧទាហរណ៍ឲ្យបានបី ។

ចម្លើយ

១. ផ្នែកផ្សេងៗរបស់ផ្កាមាន ត្របកផ្កា ស្រទាប់ផ្កា កញ្ចុំកេសរញី និងកញ្ចុំកេសសរឈ្មោល ។

២. សរីរាង្គបន្តពូជឈ្មោលគឺជា កេសរឈ្មោល មាន២ផ្នែកគឺ ទងកេសរឈ្មោល និងប្លោកលំអងដែលផ្ទុកគ្រាប់លំអង ។

សរីរាង្គបន្តពូជញីគឹជា កេសរញី មាន៣ផ្នែកគឺ ស្ទិចម៉ាត កេសរញី និងអូវែ ដែលផ្ទុកអូវុល ( មួយ ឬច្រើន ) ។

៣ . បាច់សរសៃនាំរបស់រុក្ខជាតិមានពីរប្រភេទគឺ ស៊ីឡែមនិងផ្លូអែម ។ បាច់សរសៃទាំងនោះមានតួនាទីៈ

• ស៊ីឡែម មាននាទីដឹកនាំទឹក និងអំបិលខនិជ ពីឬសទៅស្លឹករុក្ខជាតិ។
• ផ្លូអែមមាននាទីដឹកនាំអាហារពីស្លឹកទៅកាន់ផ្នែកផ្សេងៗរបស់រុក្ខជាតិ ។

៤. រុក្ខជាតិកូទីលេដូន ជារុក្ខជាតិដែលមានគ្រាប់មានកូទីលេដុងពីរ  ។

រុក្ខជាតិកូទីលេដូន មានលក្ខណៈសំគាល់ដូចជាៈ មានកូទីលេដុងពីរ ផ្ការបស់វា មានស្រទាប់៤ឬ៥ ឬពហុគុណនៃ៤ ឬ៥ ,ស្លឹកមានទ្រុនុងបែងខ្នែង ,ដើមបែកមែកសាខា និងមានបាច់សរសៃនាំស្ថិតនៅជារង្វង់ និងមានឬសជាឬសកែវ ។ ឧ. សណ្តែកបាយ ល្មុត ក្រូច ។

៥. រុក្ខជាតិអង់ស្យូស្ពែមមានប្រយោជន៍ដូចជាៈ

• ជាអាហាររបស់មនុស្ស និងសត្វ
• ជាគ្រឿងសង្ហារឹម
• ជាឱសថសម្រាប់ព្យាបាលជំងឺ
• ធ្វើជាកំណាត់ឬ សរសៃអំបោះ
• ធ្វើជាកង់រថយន្ត ។

ឧ.

• ជ័រកៅស៊ូ យកទៅស្លក្នុងរោងចក្រធ្វើជាកង់រងយន្ត
• កប្បាសច្នៃធ្វើជាសរសៃអំបោះ
• ឈើបេង នាងនួន ធ្វើជាគ្រឿងសង្ហារឹម ។