សំណួរ-ចម្លើយ ស្រាយបំភ្លឺ អំពី ច្បាប់រដ្ឋធម្មនុញ្ញ (ភាគ១៤)

សំណួរ

៦៦- តើមន្រ្តីបំពេញការងារនៅសាលាជម្រះក្តីរួមមាននរណាខ្លះ ?

៦៧- អ្វីទៅជាចៅក្រម? ហើយចៅក្រមចែកចេញជាប៉ុន្មាន ? អ្វីខ្លះ ?

៦៨- អ្វីទៅជាចៅក្រមអង្គុយ ឬចៅក្រមជំនុំជម្រះ ?

៦៩- អ្វីទៅជា ចៅក្រមឈរ ឬចៅក្រមអយ្យការ ?

៧០- អ្វីទៅជា ព្រះរាជអាជ្ញា?

ចម្លើយ

៦៦- មន្ត្រីបំពេញការងារនៅសាលាជម្រះក្តីរួមមានដូចជា ៖

• ចៅក្រម
• ព្រះរាជអាជ្ញា
• ព្រះរាជអាជ្ញារង
• តំណាងអយ្យកា
• ក្រឡាបញ្ជីនាយក
• ក្រឡាបញ្ជី

៦៧- ចៅក្រម គឺជាអ្នកច្បាប់ដែលសម្រេចសេចក្តី ហើយមានតួនាទីជាអាជ្ញាកណ្តាល ។ ចៅក្រមចែកចេញជាពីរគឺដូចជា៖

• ចៅក្រមអង្គុយ ឬចៅក្រមអយ្យកា
• ចៅក្រមឈរ ឬចៅក្រមអយ្យការ

៦៨- ចៅក្រមអង្គុយ ឬចៅក្រមជំនុំជម្រះ គឺជាចៅក្រមដែលមានសមត្ថិកិច្ចជំនុំជម្រះវិវាទ ដោយសារមានបណ្ដឹងមកតុលាការ ។

៦៩- ចៅក្រមឈរ ឬចៅក្រមអយ្យការ គឺជាចៅក្រមដែលមានតួនាទីការពារផលប្រយោជន៍សង្គម និងផលប្រយោជន៍ទូទៅ ។

៧០- ព្រះរាជអាជ្ញា គឺជាអ្នកដែលផ្តួចផ្តើមធ្វើបណ្តឹងអាជ្ញាក្នុងការចោទប្រកាន់បទល្មើសណាមួយ ទៅលើជនណាម្នាក់អោយតុលាការផ្ដន្ទាទោស ។

តភាគ