ខ្ញុំបាទសូមអនុញ្ញាតស្នើសុំការពន្យល់មាត្រា ៥១ ថ្មី ចំណុចត្រង់ថា ប្រជាពលរដ្ឋប្រើអំណាចរបស់ខ្លួនតាមរយៈរដ្ឋសភា ព្រឹទ្ធសភា រាជរដ្ឋាភិបាល និង សាលាជម្រះក្តី ។ តើប្រើអំណាចរបស់ខ្លួនតាមវិធីណា ?

ប្រទេសកម្ពុជាជាប្រទេសដែលកាន់របបប្រជាធិបតេយ្យដោយតំណាង មិនមែនប្រជាធិបតេយ្យដោយផ្ទាល់នោះទេ ។ ឧទាហរណ៍ ប្រជាពលរដ្ឋបោះឆ្នោតជ្រើសរើសក្រុមប្រឹក្សាឃុំ សង្កាត់ អ៊ីចឹងក្រុមប្រឹក្សាឃុំ សង្កាត់នោះហើយជាតំណាងប្រជាពលរដ្ឋក្នុងឃុំនោះ ។ ប្រជាពលរដ្ឋអាចប្រើអំណាចរបស់ខ្លួនតាមរយៈឃុំ សង្កាត់ ហើយឥឡូវនេះយើងមាន ក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ ដែលជាតំណាងប្រជាពលរដ្ឋក្នុងមន្ទេលរបស់ខ្លួន ។ ជាងនេះទៅទៀត យើងមានតំណាងរាស្ត្រដែលជាតំណាង ប្រជាពលរដ្ឋទូទាំងប្រទេស ។ រាជរដ្ឋាភិបាល តុលាការជាតំណាងប្រជាពលរដ្ឋ ដូច្នេះ រាជរដ្ឋាភិបាល តុលាការ បំពេញសមត្ថកិច្ចក្នុងនាមតំណាងឱ្យប្រជាពលរដ្ឋ ។