យោងមាត្រា ១១៣ថ្មី នៃជំពូកទី ៨ថ្មី យើងពិនិត្យឃើញ រដ្ឋសភាហាក់ដូចជាមានសិទ្ធិអំណាចជាងព្រឹទ្ធសភា តើស្ថាប័នមួយណាមានអំណាចគ្របដណ្តប់ ?

និយាយក្នុងរដ្ឋធម្មនុញ្ញ ដែលជាកិច្ចសន្យាអំណាច យើងពិបាកនិយាយថា ស្ថាប័នណាមានអំណាចជាងស្ថាប័នណាណាស់ ពីព្រោះអ្នកសរសេរគេថ្លឹងថ្លែងអំណាចឱ្យមានតុល្យភាពគ្នា ។ ប៉ុន្តែជាគោលការណ៍ យើងមើលនៅក្នុងក្រុមប្រឹក្សារាជសម្បត្តិ អ្នកណានៅពីលើគេគឺប្រធានព្រឹទ្ធសភា ។ ពេលព្រះមហាក្សត្រអវត្តមាន ឬពេលទ្រង់ប្រឈួនខ្លាំងមិនអាចបំពេញព្រះរាជភារកិច្ចបានអ្នកណាធ្វើប្រមុខរដ្ឋស្តីទី ឬរាជានុសិទ្ធិ គឺប្រធានព្រឹទ្ធសភា ។ ពេលរាជរដ្ឋាភិបាល និងរដ្ឋសភាឈ្លោះគ្នា អ្នកណាជាអ្នកសម្របសម្រួលគឺព្រឹទ្ធសភា ។ បើនិយាយពីខ្ពស់ទាប ហើយជាគោលការណ៍ច្បាប់រដ្ឋធម្មនុញ្ញព្រឹទ្ធសភាគឺជាសភាជាន់ខ្ពស់ ។