វិញ្ញាសាសេដ្ឋកិច្ចនិងគណនេយ្យត្រៀមប្រឡងចូលបម្រើការងារនៅអគ្គនាយកដ្ឋានពន្ធដារ (វិញ្ញាសាទី១២)

សំនួរ

១. តើរដ្ឋត្រូវធ្វើដូមម្តេចដើម្បីអោយចំណូលពន្ធកើនឡើង ?

២. តើពន្ធមានឥទ្ធិពលអ្វីខ្លះ ដល់ផលិតផលក្នុងស្រុកសរុប ?

៣. តើការយកពន្ធរបស់រដ្ឋ លើបុគ្គលម្នាក់ៗ ឬអង្គការ និង ក្រុមហ៊ុន មានផលវិជ្ជមានអ្វីខ្លះ ?

 ៤. តើការយកពន្ធរបស់រដ្ឋ លើបុគ្គលម្នាក់ៗ ឬអង្គការ និង ក្រុមហ៊ុន មានផលអវិជ្ជមានអ្វីខ្លះ ?

៥. តើ Page setup សម្រាប់អ្វី ?

ចម្លើយ

១. ដើម្បីអោយចំណូលពន្ធកើនឡើងរដ្ឋត្រូវធ្វើដូចជា ៖

               ១. ពង្រឹងសមត្ថភាពប្រមូលពន្ធ (លុបបំបាត់ការកិបកេងរវាង មន្ត្រីពន្ធដារ ភ្នាក់ងារពន្ធដារ និងអ្នកជាប់ពន្ធ ) គឺប្រមូលពន្ធឱ្យបានត្រឹមត្រូវ

             ​ ២. ពង្រីកមូលដ្ឋានយកពន្ធ (កំណត់មូលដ្ឋានថ្មីដែលជាប់ពន្ធ )​

             ៣. បង្កើតអត្រាពន្ធ (លើទំនិញ និងសេវាមួយចំនួន)

             ៤. បង្កើតប្រភេទពន្ធថ្មី (ដែលមិនទាន់មាន ឬនៅខ្វះចន្លោះ) ។

២. ពន្ធមានឥទ្ធិពលទៅដល់ផលិតផលក្នុងស្រុកសរុបដូចជា ៖

• ប៉ះពាល់ការរប្រើប្រាស់ (Consumption)
• ប៉ះពាល់លើការវិនិយោគ (Investment)
• ប៉ះពាល់លើការចំណាយរបស់រដ្ឋ (Gov’t Expenditure)
• ប៉ះពាល់លើការនាំចេញសុទ្ធ(នាំចូល នាំចេញ ) (Net Export ) ។

៣. ការយកពន្ធរបស់រដ្ឋ លើបុគ្គលម្នាក់ៗ ឬអង្គការ និង ក្រុមហ៊ុន មានផលវិជ្ជមានដូចជា ៖

          ១. ការយកពន្ធធ្វើអោយអ្នកជាប់ពន្ធបានបំពេញកាតព្វកិច្ច ក្នុងការអភិវឌ្ឍប្រទេសជាតិហើយ មានអារម្មណ៍ថាខ្លួនឯងជាផ្នែកមួយរបស់ប្រទេស និង មានការទទួលខុសត្រូវចំពោះប្រទេសជាតិ ។

          ២. ថវិការដែលបានពីការយកពន្ធ គឺជាប្រភពចំណូលមួយដ៏សំខាន់នៃថវិការរដ្ឋ ហើយរដ្ឋអាចប្រើប្រាស់ថវិការទាំងនេះដើម្បីអភិវឌ្ឍប្រទេសអោយមានការរីកចម្រើន និងទ្រទ្រង់ដល់សេវាសាធារណៈ ។

          ៣.​ ថវិការដែលបានពីការយកពន្ធ រដ្ឋអាចយកទៅកសាងហេឋារចនាសម្ព័ន្ធ ដូចជា ៖​ផ្លូវថ្នល់ មន្ទីរពេទ្យ សាលារៀន ដែលមាន អត្ថប្រយោជន៍សម្រាប់សង្គមជាតិ ។

          ៤. ការយកពន្ធជួយទ្រទ្រង់ស្ថេរភាពសេដ្ឋកិច្ច និងកាត់បន្ថយអសមត្ថភាពក្នុងការបែងចែកធនធាននៅក្នុងសង្គម ។

          ៥. ការយកពន្ធ គឺជាការលើកទឹកចិ​ត្ត ឬបង្អាក់ទឹកចិត្តវិស័យសេដ្ឋកិច្ចណាមួយ ដែលរដ្ឋចង់ទប់ស្កាត់ ។

 ៤. ការយកពន្ធរបស់រដ្ឋ លើបុគ្គលម្នាក់ៗ ឬអង្គការ និង ក្រុមហ៊ុន មានផលអវិជ្ជមានដូចជា ៖

          ១.​ ការយកពន្ធ អាចជាឩបសគ្គ ក្នុងការទាក់ទាញ ឬរារាំងការវិនិយោគ ឬការធ្វើអាជីវកម្ម ផលិតកម្ម ឬសេវាកម្ម

          ២. ការយកពន្ធ អាចប៉ះពាល់ដល់ជីវភាពរស់នៅ របស់ប្រជាជន

          ៣​. ការយកពន្ធ អាចប៉ះពាល់ដល់តំលៃទំនិញ និងសេវា​

          ៤. ជាទូទៅ ទម្រង់បែបបទពន្ធមានភាពស្មុត្រស្មាញ និងពិបាកយល់

          ៥. ការយកពន្ធអាចប៉ះពាល់ដល់ការវិនិយោគ និកម្មភាព និងសេដ្ឋកិច្ច

          ៦. ការយកពន្ធ អាចរាំងស្ទះដល់ការអភិវឌ្ឍន៍ ។

៥. Page setup សម្រាប់កំណត់បោះពុម្ពទំព័រដោយកំណត់ ៖

• Size
• Margin
• Page
• Orientation
• Quality of print ។