Lights
Profile Head

ប្រវត្តិវិទ្យា

...

Ask question, post article, write experience get Point, learn more on Point Center

Page: 1 of 17

2019-07-23 07:06

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៤០)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ 

១. តើសម្ដេចនរោត្តម សុរាម្រឹក ចូលទិវង្គត់នៅថ្ងៃ ខែ ឆ្នាំណា?

២. តើពួកខ្មែរក្រហមចង់កសាងសង្គមគ្មានវណ្ណៈ តើនៅសម័យប៉ុលពតមានវណ្ណៈដែរឬទេ? បើមានអ្វីខ្លះ?

៣. តើការរីកចម្រើនខាងវិស័យសេដ្ឋកិច្ចនៅអាឡឺម៉ង់ខាងលិចអាស្រ័យលើកត្តាអនុគ្រោះអ្វីខ្លះ?

៤. តើហេតុអ្វីបានជាសហរដ្ឋអាមេរិកបានប្រកាសសង្រ្គាមជាមួយអាឡឺម៉ង?

៥. តើលក្ខណៈវិនិច្ឆ័យអ្វីខ្លះដែលអាចទទួលបានសម្បត្តិបេតិកភណ្ឌពិភពលោក?​

ចម្លើយ

១. សម្ដេចនរោត្តម សុរាម្រឹត ចូលទិវង្គត់នៅថ្ងៃទី ០៣ មេសា ឆ្នាំ ១៩៦០ ការចូលទីវង្គត់របស់ព្រះអង្គបង្កជាបញ្ហាស្មុគស្មាញបំផុតទាក់ទងដំណោះស្រាយអ្នកបន្ដរាជ្យ។

២. ពួកខ្មែរក្រហមចង់កសាងសង្គមគ្មានវណ្ណៈហើយនូវក្នុង២ វណ្ណៈគឺ៖

  • វណ្ណៈមូលដ្ឋានចាស់ (ប្រជាជនចាសា់)ក្រុងអ្នកតស៊ូពីមុនច១៣៩០ រហូតមក។
  • វណ្ណៈមូលដ្ឋានថ្មី (ប្រជាជនថ្មី) ពួក១៧មេសា ឬពួកអ្នកមកតាំងលំនៅក្រោយ ១៧ មេសា ១៧៥៧។

៣. ការរីកចម្រើនខាងវិស័យសេដ្ឋកិច្ចនៅអាឡឺម៉ង់ខាងលិចអាស្រ័យលើអនុគ្រោះមួយចំនួនដូចជា៖

  • តំបន់រួមជាតំបន់ធ្យូងថ្មដ៏ធំរបស់ប្រទេសអាឡឺម៉ង់ហើយក៏ជាប្រភពថាមពលសម្រាប់រោងចក្រធំៗដូចជារោងចក្រស្លែងដែកជាដើម។
  • ការសម្បូរហត្ថករដែលមានប្រាក់កំរ៉ែថោកជាពិសេសជនភៀសខ្លួនមកពីអាឡឺម៉ងខាងកើតនិងអឺរ៉ុបប៉ែកខាងត្បូង ដែលមានក្រិក យូហ្គោលស្លាវី និងតូកគីជាដើម។

៤. បានជាសហរដ្ឋអាមេរិក ប្រកាសង្រ្គាមជាមួយអាឡឺម៉ងពីព្រោះនៅថ្ងៃទៅ០៧ ខែធ្នូ ឆ្នាំ ១៩៤១ កងទ័ពជើងអាកាសជប៉ុនបានវាយប្រហារលើមូលដ្ឋានសឹកដ៏ធំរបស់សហរដ្ឋអាមេរិកប្រចាំប៉ាស៊ីហ្វីកនៅកំពង់ផែ ពាលហាប័រ នៅរដ្ឋហាវៃ។ ពេលនោះសង្រ្គាមលោកលើកទី២ បានរីករាលដាលយ៉ាងខ្លាំងនៅតំបន់ប៉ាស៊ីហ្វីក រវាងសហរដ្ឋអាមេរិក និងជប៉ុន ហើយក្រោយមកទៀតសហរដ្ឋអាមេរិកក៏បានប្រកាសសង្រ្គាមជាមួយ អាឡឺម៉ង់ ដែលជាដៃគូរបស់ជប៉ុន។

៥. គណៈកម្មធិការភណ្ឌពិភពលោកមានលក្ខណវិនិច្ឆ័យ១០ប្រការសម្រាប់ទទួលបានជាសម្បតិ្ដបេតិកភណ្ឌពិភពលោក មានដូចជា៖

  • ជាស្នាដៃ​ឯកនៃទេពកោសល្បដែលជាមនុស្សជាអ្នកបង្កើត
  • បង្ហាញពីការប្ដូរគ្នាពីតម្លៃរបស់មនុស្សក្នុងតំបន់វប្បធម៌ពិភពលោក ការបង្កើតនូវស្ថាបត្យកម្ម ឬ បច្ចេកវិទ្យា សិល្បៈដ៏មានៈសំខាន់ ការរៀបចំទីក្រុង ឬ វប្បធម៌ ឬ អរិយធម៌ ដែលកំពុងតែមានជីវិត ឬបានវិនាសទៅហើយ
  • ជាគំរូឆ្នើមនៃប្រភេទសំណង់ ទិដ្នភាពខាងស្ថាបត្យកម្ម ឬ បច្ចេកវិទ្យា ដែលបានបង្ហាញពីលក្ខណៈនៃដំណាក់កាសដ៏ប្រសើរ និងប្រវត្តិមនុស្សជាតិ។
  • ជាគំរូឆ្នើមនៃការ​តាំងទីតាំងទីលំនៅរបស់មនុស្សបែបនប្រពៃណី ការប្រើប្រាស់ ឬសមុទ្រ ដែលតំណាងឪ្យវប្បធម៌មួយ ឬច្រើន អន្តរកម្មជាមួយនឹងបរិស្ថានជាពិសេសនៅពេលដែលវាងាយនឹងរងគ្រោះ មានន័យថា កំពុងស្ថិតក្រោមផងប៉ះពាល់នៃការផ្លាស់ប្ដូរចៀសមិនផុត
  • មានទំនាក់ទំនងផ្ទាល់ ឬរូបិយជាមួយនឹងព្រិត្តិការណ៍ ឬប្រពៃណីនៃការរស់នៅ គំនិត ឬជំនឿ ស្នាដៃសិល្បៈ និងសអក្សរសាស្រ្ដដែលលេចធ្លោជាសកល។ អ្វីៗទាំងអស់នេះគណៈកម្មាធិការ ពិចារណាថា លក្ខណវិនិច្ឆ័យនេះគួរតែត្រូវបានគេប្រើប្រាស់ស្របនឹងលក្ខណៈវិនិច្ឆ័យផ្សេងទៀត
  • មានបាតុភូតធម្មជាតិដ៏វិសេសវិសាល ឬតំបន់ដែលមានសម្រស់ធម្មជាតិ វិសេសវិសាល និងសារៈសំខាន់ដែលពាក់ព័ន្ធនឹងសោភណភាព
  • គំរូឆ្នើមដែលតំណាងដំណាក់កាលធំៗនៃប្រវត្តិផែនដីរូមមានប្រវត្តិជីវិតមនុស្ស ដំណើរការកកើតភូមិសាស្រ្ដដែលកំពុងតែកើតមានសារៈសំខាន់ក្នុងការបង្កើតជាលក្ខណពិសេសនៃភូមិសណ្ឌានវិទ្យា ឬ ភូមិសាស្រ្ដ
  • ជាគំរូឆ្នើមដែលបង្ហាញពីដំណើរការនៃបរិស្ថាន និងជីវវិទ្យាដែលកំពុងតែបន្ដមានសារៈសំខាន់ក្នុងការវិវត្ត និងការបង្កើតប្រព័ន្ធបរិស្ថាន ផែនដី ទឹកសាប ឆ្នេរសមុទ្រ និងផ្លូវសមុទ្រ
  • មានលំនៅឋានធម្មជាតិ ដែលមានសារៈសំខាន់បំផុតសម្រាប់ការអភិរក្សជីវចម្រុះជាដើម។

Read More


2019-07-23 07:03

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៩)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ

១. តើសង្រ្គាមលោកលើកទី២ បានចាប់ផ្ដើមឡើងនៅថ្ងៃណា ខែណា ឆ្នាំណា? ដោយសារអ្វី?

២.​តើហេតុអ្វីបានជាប្រទេសអង់គ្លេសបានដាក់ឈ្មោះសុំចូលជាសមាជិកទីផ្សាររួមអឺរ៉ុប? ហើយបានទទួលលទ្ធផលដូចម្ដេច? ហេតុអ្វី?

៣. តើពួកប៉ុលពតរៀបអាពាហ៍ពិពាហ៍យ៉ាងដូចម្ដេច?

៤. នៅក្នុងវិស័យសង្គម តើរដ្ឋាភិបាលអាឡឺម៉ងខាងលិចបានយកចិត្តទុកដាក់អ្វីខ្លះ?

៥. ចូរនិយាយពីផលវិបាកនៃការប្រកាន់យកនយោបាយអព្យាក្រឹត្យរបស់កម្ពុជា។

ចម្លើយ

១. សង្រ្គាមលោកលើកទី២ បានចាប់ផ្ដើមឡើងនៅថ្ងៃទី០១ ខែកញ្ញា ឆ្នាំ ១៩៣៩ ដោយសារតែអាឡឺម៉ង់បានចូលលុកលុយប្រទេសប៉ូឡូញ។

២. បានជាប្រទេសអង់គ្លេសបានដាក់ឈ្មោះសុំចូលជាសមាជិកទីផ្សាររួមអឺរ៉ុប ពីព្រោះរាជរដ្ឋាភិបាលរបស់លោក ឌូក្លាសហូម បានយល់ឃើញថាការខូចជាសមាជិកទីផ្សាររួមអឺរ៉ុបអាចឪ្យប្រទេសអង់គ្លេសមានផលចំណេញច្រើនខាងសេដ្ឋកិច្ចជាពិសេស វិស័យពាណិជ្ជកម្ម ប៉ុន្ដែជាលទ្ធផលគឹត្រូវ បានទទួលបរាជ័យ។ នេះគឺដោយសារតែលោកប្រធានាធិបតីបារាំង ដឺហ្គោល បានប្រើសិទ្ធិវ៉េតូ នៅថ្ងៃទី១៤ ខែមករា ឆ្នាំ ១៩៦៣។

៣. ពួកប៉ុលពតបានចាប់ផ្ដើមរៀបអាពាហ៍នៅឆ្នាំ១៩៧៧៖

  • គូពិសេស ឬពិធីតូច ចាប់ពី៣ ទៅ១០គូ (កម្មាភិបាល ឬ មេកង)
  • ធម្មតា ឬពិធីធំចាប់ពី៣០ ទៅ៥០ ឬ ១០០គូ យុទ្ធជនឈរមួយផ្ទេរ យុវនារីឈរមួយជួរ បេ្តជ្ថាមួយចំពោះមុខអង្គការនិងទង់កុម្មុយនីស្ដ។

៤. នៅក្នុងវិស័យសង្គម រដ្ឋាភិបាលអាឡឺម៉ង់ខាងលិចបានយកចិត្តទុកដាក់លើ៖

  • ប្រាក់ធានារ៉ាប់រងខាងការងារ អ្នកគ្មានការងារធ្វើ និងមនុស្សចាស់ជរា
  • ផ្ដល់សិទ្ធិឪ្យស្រ្ដីស្មើគ្នានឹងបុរស
  • ស្រ្ដីមានផ្ទៃពោះត្រូវបានឈប់សម្រាករយៈពេល៦ខែក្រោយពីឆ្លងទន្លេរួច
  • រដ្ឋាភិបាលសង់ផ្ទះថ្មីចំនួន១២លានខ្នងបន្ថែម។

៥. ផលវិបាកនៃការប្រកាន់យកនយោបាយអព្យាក្រឹត្យរបស់កម្ពុជាដូចជា៖

+ ផលវិជ្ជមាន

  • ធ្វើឪ្យក្រិត្យានុភាពកម្ពុជាល្បីរីកសុសសាយក្នុងតំបន់ និងត្រូវបានពង្រីងបន្ថែម
  • ធ្វើឪ្យកម្ពុជារស់ដោយសន្ដិភាពរយៈពេល១៥ឆ្នាំ ក្នុងខណៈដែលប្រទេសជិតខាងកំពុងឆាប់ឆេះក្នុងភ្លើងសង្រ្គាមនៅវៀតណាម។

+ ផលអវិជ្ជមាន

  • ពុំមានលទ្ធភាពការពារខ្លួនឯងទប់ទល់នឹងការលុកលុយពីសំណាក់ប្រទេសមហាអំណាចឡើយ
  • ទំបំផុតត្រូវបញ្ចប់ដោយកម្លាំងខាងក្នុង គឺការធ្វើរដ្ឋប្រហារនៅថ្ងៃទី ១៨ មីនា ១៩៧០។

វិញ្ញាសាទី៤០

Read More


2019-07-23 07:02

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៨)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

១. តើនយោបាយរដ្ឋឧបត្ថម្ភគឺជាអ្វី?

២. តើលោកស្រី ម៉ាការ៉េត ថាតឆឺ បានកាន់តំណែង ជានាយករដ្ឋមន្ដ្រីប៉ុន្មានលើក? ឆ្នាំណាខ្លះ?

៣. ហេតុអ្វីបានជានយោបាយអព្យាក្រឹត្យមានចុះខ្សោយ?

៤. តើ់បេតិកភណ្ឌពិភពលោកចែកចេញជាប៉ុន្មាន?អ្វីខ្លះ?

៥. តើសន្និសីទយ៉ាល់តាមានទិសដៅដូចម្ដេចខ្លះ?

ចម្លើយ

១.​​ នយោបាយរដ្ឋឧបត្ថម្ភគឺជា នយោបាយរបស់គណបក្សការងារនិយម ដែលបានដឹកនាំ ប្រទេសចាប់ពីឆ្នាំ ១៩៤៥ ដល់ឆ្នាំ ១៨៥១។

២.​ បានជានយោបាយអព្យាក្រឹត្យមានចុះខ្សោយដោយសារតែ៖

  • ប្រទេសមហាអំណាចនៃប្លុកទាំងពីរប្រាដកជាមិនទុកឪ្យប្រទេសកម្ពុជាបានសន្និភាពតាមផ្លូវអព្យាក្រឹត្យរបស់ខ្លួន។
  • សកម្មភាពនយោបាយរបស់សហរដ្ឋអាមេរិក ថៃ និងវៀតណាមខាងត្បួង ប្រឆាំងនឹងនយោបាយរបស់សម្ដេច នរោត្តម សីហនុ។

៣. លោកស្រីម៉ាការ៉េត ថាត់ឆឺ បានកាន់តំណែងជានាយករដ្ឋមន្ដ្រី៣ លើកគឺ៖

  • លើកទី១ នៅឆ្នាំ១៩៧៩
  • លើកទី២ នៅឆ្នាំ ១៩៨៣
  • លើកទី៣ នៅឆ្នាំ ១៩៨៧។​

៤. បេតិកភណ្ឌពិភពលោកបែងចែកជា៣ គឺ៖

  • បេតិភណ្ឌវប្បធម៌ បណ្ដុំទីកន្លែងបូជនីយដ្ឋាន សំណល់ប្រវត្តិសាស្រ្ដ រូបភាពបែបវប្បធម៌ជាដើម។
  • បេតិកភណ្ឌធម្មជាតិ សណ្ថានដី និងភូមិសាស្រ្ដ ប្រព័ន្ធអេកូ ហើយរាប់បញ្ជូលតំបន់ជំរក សត្វ រុក្ខជាតិ ដែលជាបេតិកភណ្ឌមានជីវិតខ្លាចក្រែងមានការបំផ្លេចបំផ្លាញ។
  • បេតិកភណ្ឌរួម គឺជាឪ្យតម្លៃរួមទៅលើ បេតិភណ្ឌវប្បធម៌និងបេតិភណ្ឌធម្មជាតិ។

៥. សនិ្នសីទយ៉ាល់តាមានទិសដៅដូចជា៖

  • រៀបចំប្រទេសអាឡឺម៉ង់ជាបួនតំបន់សម្រាប់ត្រួតត្រា
  • នៅភាគខាងកើតសហភាពសូវៀតត្រួតត្រាលើតំបន់បាល់ទិច និងរំកិលព្រំដែន ចូលប្រទេសប៉ូឡូញ ចំនែកប្រទេសវិញបានបង្ខិតព្រំដែនបន្ដចូលប្រទេសអាឡឺម៉ង។
  • សហភាពសូវៀតបានសន្យា និងជួយវាយពួកជប៉ុនឪ្យជរាជ័យនៅក្រោយពេលដែលអាឡឺម៉ង់ចុះចាញ់ចំនួន៣ ខែ។

វិញ្ញាសាទី៣៩

Read More


2019-07-23 06:55

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៧)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ 

១. តើសង្រ្គាមត្រជាក់បានកើនឡើងនៅឆ្នាំណា ដល់ ឆ្នាំណា? ដោយសារអ្វី?
២. តើការដួលរលំរបបកម្ពុជាប្រជាធិបតេយ្យបណ្ដាលមកពីមូលហេតុអ្វី?

៣. ដើម្បីកាត់បន្ថយទៅនឹងអតិផរណា តើរាជរដ្ឋាភិបាលរបស់លោកស្រី ម៉ាការ៉េត ថាត់ឆឺបានធ្វើដូចម្ដេច?

៤. តើដូចម្ដេចដែលហៅថាខ្មាំងរបស់អង្គការ?

៥. ចូរនិយាយពីសកម្មភាពនយោបាយរបស់សហរដ្ឋអាមេរិក ថៃ និងវៀតណាមខាងត្បូងក្នុងការប្រឆាំងនិងនយោបាយអព្យាក្រឹត្យរបស់សម្ដេច សីហនុ។

ចម្លើយ

១. សង្រ្គាមត្រជាក់ បានកើនឡើងនៅឆ្នាំ ១៩៤៧-១៩៩១ ដែលចំណុចសំខាន់នៃការចាប់ផ្ដើមសង្រ្គាមនេះគឺផ្ដើមចេញពីបញ្ហាអាឡឺម៉ង់ ដោយសារតែក្រោយសង្រ្គាមលោកលើកទី២ បានបញ្ចប់នេះត្រូវបានក្លាយទៅជាទីប្រសព្វមុខនៃមនោគមវិជ្ជាទាំងពីរ គឺអាឡឺម៉ង់ខាងលិច(សេរី) ដែលគ្រប់គ្រង់ដោយពួកសម្ព័ន្ធមិត្ត និងអាឡឺម៉ង់ខាងកើត (កុម្មុយនីស) គ្រប់គ្រងដោយសហភាពសូវៀត។ រីឯនិមិត្តរូបនៃសង្រ្គាមនេះគឺ ជញ្ជាំងប៊ែរឡាំង។

២. ការដួលរលំរបបកម្ពុជាប្រជាធិបតេយ្យបណ្ដាលមកពិមូលហេតុដូចជា៖

  • ប្រជាជនស្អប់របបប៉ុលពត ពួកប៉ុលពតធ្វើបាប បង្អត់អាហារ ធ្វើការធ្ងន់ អត់ថ្នាំព្យាបាល ខ្វះជម្រក សម្លាប់....
  • វិសុទ្ធកម្ម ពួកប៉ុលពតចម្រាញ់មនុស្សបដិវត្តន៍បរិសុទ្ធ ដូចនេះក៏ដើរចោទប្រកាន់និងសម្លាប់ឪ្យតែសង្ស័យ....
  • ធ្វើសង្រ្គាមជាមួយវៀតណាម វៀតណាមមានប្រជាជនច្រើន អាវុធទំនើប ក្បូនប្រយុទ្ធខ្លាំង...។

៣. ដើម្បីកាន់បន្ថយទៅនឹងអតិផរណា រាជរដ្ឋាភិបាលរបស់លោកស្រី ម៉ាការ៉េត ថាត់ឆឺ បានកាត់បន្ថយទៅលើការចំណាយមុខងារសាធារណៈដូចជា៖

  • កាត់បន្ថយទៅនឹងអតិផរណាក្រសួងអប់រំ ៦%
  • កាត់បន្ថយលើការចំណាយក្រសួងបរិស្ថាន ៩%
  • កាត់បន្ថយលើការចំណាយក្រសួងអភិវឌ្ឍ ៤៥% (កាត់បន្ថយលើការសាងសង់លំនៅដ្ឋាន)
  • តម្លើងទៅលើកងកម្លាំងសណ្ដាប់ធ្នាប់៣០%
  • តម្លើងទៅលើសេវាសុខភាព២១%។

៤. ខ្មាំងរបស់អង្គការ គឺរួមមាន៖

  • និយាយដើរអង្គការហូបមិនឆ្អែត មិនឆ្ងាញ់ មិនចូលចិត្តមនុស្សល្ងង់...គឺជាខ្មាំង
  • ឈឺ ត្អួញត្អែរ ទម្រង់ ពុត បាយបាន សើចសប្បាយមិនលេបថ្នាំរបស់អង្គការ “គ្រុនញាក់ គ្រុនញ័រ គ្រុនត្រាក់ទ័រ គ្រុនឡាន គ្រុនបាយបាន គ្រុនសតិអារម្មណ៍ “ គឺជាខ្មាំងរបស់អង្គការត្រូវកម្ទេចចោល។
  • ធ្វើឪ្យបាក់ ឬបាត់ស្ថាបព្រា ចាន ចប បង្គី ដងរែក នង្គ័ល...គឺជាខ្មាំង
  • តវ៉ាមិនធ្វើតាមអង្គការ មិនធ្វើការ មិនរៀបការ មិនស្លៀកពាក់ខ្មៅ...គឺជាខ្មាំង
  • វាយកូនចៅខ្លួន​ឯងក៏ជាខ្មាំងអង្គការ ព្រោះពួកវាជាកូនចៅអង្គការ
  • ឈ្លោះគ្នាប្ដីប្រព័ន្ធក៏ជាខ្មាំងអង្គការ ព្រោះប្រាសចាកសីលធម៌បដិវត្តន៍
  • ស្រឡាញ់គ្នាលួចលាក់ ខុសសីលធម៌បដិវត្តន៍...ជាខ្មាំងអង្គការ...។

៥. សកម្មភាពនយោបាយរបស់សហរដ្ឋអាមេរិក ថៃ និងវៀតណាមខាងត្បូងចំពោះនយោបាយអព្យាក្រឹត្យរបស់សម្ដេច សីហនុ មានដូចជា៖

  • សហរដ្ឋអាមេរិកផ្ដល់ជំនួយដល់កម្ពុជាមានទិសដៅចិញ្ចឹមពួកស្ដាំនិយមនៅកម្ពុជាដើម្បីធ្វើជាមធ្យាបាយសម្រាប់ផ្គួលរំលំសម្ដេច នរោត្តម សីហនុ។
  • ថៃ និងវៀតណាមខាងត្យូង បានធ្វើកម្មភាពយ៉ាងចំហប្រឆាំងនឹងកម្ពុជាដូចជា មានការបិទព្រំដែនសេដ្ឋកិច្ចការធ្វើវិទ្ធង្សនាយោធាតាមព្រំដែនជាដើម។
  • ថៃបានទ្រសកម្មភាពខ្មែរសេរី ដែលជាកងកម្លាំងឧទ្ទាមប្រឆាំងរដ្ឋាភិបាលកម្ពុជាដោយផ្ទល់ឪ្យកសាងជំរំទ័ពកសាងស្ថានីយ៍វិទ្យុផ្សាយសំឡេងឃោសនាប្រឆាំនិងនយោបាយសង្គមរាស្ដ្រនិយម
  • វៀតណាមបានធ្វើការឈ្លាពានក្នុងខេត្តនៅតាមព្រំដេន។

វិញ្ញាសាទី៣៨

Read More


2019-07-23 06:51

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៦)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ

១. ដូចម្ដេចដែលហៅថា សកលភាវូបនីយកម្ម?

២. តើអ្វីទៅជាសម្បត្តិបេតិកភណ្ឌជាតិ?

៣. នៅក្នុងខ្មែរក្រហម តើគុតឥតជញ្ជាំងមានន័យដូចម្ដេច?

៤. ចូរនិយាយពីសកម្មភាពនយោបាយរបស់កម្ពុជាក្នុងការពង្រីងនយោបាយអព្យាក្រឹត្យរបស់ខ្លួន។

៥. ហេតុអ្វីបានជាគេចាត់ទុកថាបញ្ហាអាឡឺម៉ង ជាស្នូលនៃសង្រ្គាមត្រជាក់?

ចម្លើយ

១. សកលភាវូបនីយកម្ម គឺជាដំណើរវិវត្តន៍នៅក្នុងចរន្ដនៃការបង្កើតឡើងនូវ ប្រព័ន្ធតែមួយនៅក្នុងពិភពលោកទាំងមូល។

២. សម្បត្តិវប្បធម៌ ជាបេតិកភណ្ឌជាតិគេបានចាត់ទុកថា គឺជារបបមួយមានតម្លៃខ្លាំងណាស់មិនអាចកាត់ថ្លៃបាន ពីព្រោះវត្ថុទាំងអស់នោះគឺតំណាងឪ្យអត្តសញ្ញាណ ឬជាដួងព្រលឹងរបស់ជាតិ សាសន៍នីមួយៗ។ ចំណែកឯសម្បត្តិវប្បធម៌បេតិកភណ្ឌពិភពលោក វិញក៏គេទុកថាជាវត្ថុមួយដ៏ខ្ពង់ខ្ពស់និងមានតម្លៃបំផុតមិនអាចកាត់ថ្លៃបានដែរ ពីព្រោះវត្ថុនោះគឺជា កេរមរតករបស់មនុស្សជាតិជំនាន់មុនៗដែលបានកសាងទុកមកជាយូរអង្វែង។

៣. ក្នុងរបបខ្មែរក្រហមគុតឥតជញ្ជាំងមានន័យថាប្រជាជន៖

  • មិនមានសិទ្ធិបញ្ចេញមតិ
  • មិនមានសិទ្ធិបានហូបឆ្អែត និង  ឆ្ងាញ់
  • មិនមានសិទ្ធិដើរហើរដោយសេរី
  • មិនមានសិទ្ធិឈប់សម្រាកពីការងារ
  • មិនមានសិទ្ធិជួបជុំគ្រួសារ មិត្តភក្ដិ
  • មិនមានសិទ្ធិសួរសុខទុក្ខបងប្អូន ឬអ្នកភូមិជាមួយគ្នា។

៤. ក្នុងការពង្រីងនយោបាយអព្យក្រឹត្យរបស់ខ្លួនប្រទេសកម្ពុជាបានធ្វើសកម្មភាពលើឆាកអន្តរជាតិដូចជា៖

  • នៅថ្ងៃទី១៥ មីនា ឆ្នាំ ១៩៥៥ ឥណ្ឌា-កម្ពុជាបានចុះហត្ថលេខាទៅលើសេចក្ដីប្រកាសរួម ដែលនៅក្នុងនោះ សម្ដេច សីហនុ បានប្រកាសគាំទ្រដល់ការរួមរស់នៅជាមួយគ្នាដោយសន្ដិភាព។​
  • នៅខែមេសា ឆ្នាំ ១៩៥៥ ក្នុងឪកាសសន្និសីទប្រទេស អាស៊ី-អាហ្រ្វិច នាទិក្រុងបាឌុង (ឥណ្ឌូនេស៊ី) សម្ដេច សីហនុ បានធ្វើសេចក្ដីអះអាងអំពើពីកម្មវិធីនយោបាយអព្យាក្រឹត្យរបស់ប្រទេសកម្ពុជា។
  • នៅពេលចូលជាសមាជិកអង្កការសហប្រជាជាតិនៅថ្ងៃទី១៤ ខែធ្នូ ឆ្នាំ ១៩៥៥ តំណាងរដ្ឋាភិបាលកម្ពុជាបានធ្វើសេចក្ដីប្រកាសអំពីការប្រឹងប្រែងរបស់ខ្លួនក្នុងការដើរលើមាគ៌ាអព្យាក្រឹត្យ។

៥. បញ្ហាអាឡឺម៉ងជាស្នូលនៃសង្រ្គាមត្រជាក់ដោយសារ៖

  • ក្រោយសង្រ្គាមលោកលើកទី២ អាឡឺម៉ង់ត្រូវបែងចែកជាពីរ។ អាឡឺម៉ងខាងកើតត្រួតត្រាដោយសហភាពសូវៀត និងអាឡឺម៉ងខាងលិច មាន៣តំបន់ត្រួតត្រាដោយអាមេរិក អង់គ្លេស បារាំង។
  • សន្និសីទទីក្រុងឡុង ខែមិថុនា ១៩៤៧ អាឡឺម៉ង់ខាងលិចត្រូវបានបង្រួបបង្រួមទៅតំបន់តែមួយគឺ “សហព័ន្ធអាឡឺម៉ង់” ដោយប្រទេសសម្ព័ន្ធមិត្តមាន បារាំង អង់គ្លេស និងអាមេរិក រីឯ រូបិយប័ណ្ណត្រូវបានប្ដូរពីម៉ាកទៅដឹតម៉ាកវិញ។
  • នៅឆ្នាំ ១៩៤៨ សូវៀតបានបិទផ្លូវចេញចូលបែរឡាំងខាងលិច ផ្ដាច់ទឹក និងផ្ដាច់ភ្លើង។ ស
  • នៅឆ្នាំ ១៩៤៩ បារាំង អង់គ្លេស អាមេរិកបានរៀបចំការបោះឆ្នោត នៅអាឡឺម៉ង់ខាងលិច និងបង្កើតរដ្ឋាភិបាលអាឡឺម៉ងខាងលិច
  • នៅខែតុលាឆ្នាំ ១៩៤៩ សូរៀតបានបង្កើតសាធារណរដ្ឋប្រជាធិតេយ្យប្រជាមានិតអាឡឺម៉ង
  • នៅឆ្នាំ ១៩៥០ មហាអំណាចខាងលិចបានបំពាក់អាវុធឪ្យអាឡឺម៉ង ខាងលិចហើយអាឡឺម៉ងខាងលិចក្លាយជាសមាជិកអង្គការអូតង់ឆ្នាំ ១៩៥៥ ។
  • សូវៀតបានបំពាក់អាវុធឪ្យអាឡឺម៉ង់ខាងកើត ហើយអាឡឺម៉ងខាងកើតបានក្លាយជាសមាជិកវ៉ាសូវី ឆ្នាំ១៩៥៥។
  • នៅឆ្នាំ ១៩៦១ សួរៀតបានកសាងជញ្ជាំងបែរឡាំង ដើម្បីទប់ស្កាត់ជនភៀសខ្លួនអាឡឺម៉ងខាងកើត។

វិញ្ញាសាទី៣៧

Read More


2019-07-23 06:27

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៥)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ

១. តើបេតិកភណ្ឌពិភពលោកគឺជាអ្វី?

២. ហេតុអ្វីបានជា សម្ដេច សីហនុ  ប្រកាន់យកនយោបាយ អព្យាក្រឹព្យនៅក្នុងរបបសង្គមរាស្រ្ដនិយម?

៣. ក្រោយឯករាជ្យឆ្នាំ១៩៥៣ មកដល់បច្ចុប្បន្ននេះ តើប្រទេសកម្ពុជាបានឆ្លងកាត់របបអ្វីខ្លះ?

៤. តើបញ្ហាអ្វីខ្លះជាប្រភទមូលដ្ឋានដែលនាំឪ្យលេចឡើងនៅបញ្ហារួមនៅលើសកលលោក?

៥. តើជញ្ជាំងប៊ែរឡាំងជាអ្វី?

ចម្លើយ

១. បេតិកភណ្ឌពិភពលោក គឺជាអ្វីៗដែលវត្ថុរូបិយ និងអរូបិយរបស់មនុស្សជាតិធម៌និងធម្មជាតិ។ចំពោះសម្បត្តិវប្បធម៌រូបិយ គឺជាសំណង់ផ្សេងៗដូចជា ប្រាសាទបុរាណ ឬវត្តអារាម ។ ល។ រីឯ សម្បត្តិវប្បធម៌អរូបិយវិញមាន សិល្បៈ របាំផងទាំងឡាយដូចជា របាំបុរាណ របាំអប្សរា ជាដើម។

២. បានជា សម្ដេច សីហនុ  ប្រកាន់យកនយោបាយ អព្យាក្រឹព្យនៅក្នុងរបបសង្គមរាស្រ្ដនិយមពីព្រោះ៖

  • សេចក្ដីសម្រេចចិត្តនៃសន្និសីទទីក្រុង សឺណែវ ឆ្នាំ ១៩៥៤ ដែលជាការទាមទាររបស់ចិន និងសហភាពសូវៀតដើម្បីបញ្ចៀសមិនឪ្យសហរដ្ឋអាមេរិកកសាងមូលដ្ឋានទ័ពនៅកម្ពុជា
  • ដឹកនាំប្រទេសកម្ពុជាគេចពីការដណ្ដើមឥទ្ធិពលរបស់ប្រទេសមហាអំណាចនៃប្លុកទាំងពីរ។

៣. ក្រោយពីសង្រ្គាមទទួលបានឯករាជ្យឆ្នាំ ១៩៥៣ មកដល់បច្ចុប្បន្ននេះ ប្រទេសកម្ពុជាបានឆ្លងកាត់របបមួយចំនួយដូចជា៖

  • សង្គមរាស្រ្ដនិយម
  • សាធារណរដ្ឋខ្មែរ
  • កម្ពុជាប្រជាធិបតេយ្យ
  • សាធារណរដ្ឋប្រជាមានិតកម្ពុជា
  • រដ្ឋកម្ពុជា
  • គ្រប់គ្រង់ដោយអង្គការសហប្រជាជាតិ(អ៊ុនតាក់)
  • រាជាណាចក្រកម្ពុជា។

៤. ប្រភពមូលដ្ឋាននាំឪ្យលេចឡើងបញ្ហារួមលើសកលលោករួមមាន៖

  • កំណើននិងទំហំសេដ្ឋកិច្ចសកលលោកមិនស៊ីចង្វាក់ទៅនឹងលទ្ធភាពពិតប្រាកដដែលផ្ដល់ពីធនធាននៅលើដី។
  • ការរីកចម្រើននៃបដិវត្តន៍នៃវិទ្យាសាស្រ្ដបច្ចេកទេស។
  • កំណើនប្រជាជនទាមទារឪ្យមានការផ្គត់ផ្គងនូវគ្រឿងឧបភោគកាន់តែច្រើនដោយប្រើប្រាស់ធម្មជាតិ ដែលចេះតែរីកចម្រើនដែលចេះតែរេចវីលទៅៗ។
  • ការចំណាយធនធានយ៉ាងច្រើនសន្ធឹកសន្ធាប់ទៅលើសព្វាវុធ និងកងទ័ព។
  • ភាពយឺតយ៉ាវរបស់ស្ថាប័នអំណាចជាតិក្នុងការឆ្លើយតបនិងស្វែងរកវិធីដោះស្រាយ បញ្ហាឪ្យបានទាន់ពេលវេលា។

៥. ជញ្ជាំងប៊ែរឡាំងជា៖

  • ជញ្ជាំងប៊ែរឡាំង ជាជញ្ជាំងពិតមួយ ដែលពុះចែកទីក្រុងប៊ែរឡាំងជាពីរ គឺប៊ែរខាងកើត (សាធារណរដ្ឋប្រជាធិបតេយ្យអាឡឺម៉ង) និងប៊ែរឡាំងខាងលិច (សហព័ន្ធអាឡឺម៉ង់)
  • ក្រោយពីអាឡឺម៉ងចាញ់សង្រ្គាមលោកលើកទី២ ពួកសម័្ពន្ធមិត្តមាន បារាំង អង់គ្លេស អាមេរិក និងសូវៀត បានបែងចែកអាឡឺម៉ង និងក្រុងប៊ែរឡាំងជា៤ ចំណែក តាមរយៈសនិ្នសីទយ៉ាលតា នៅថ្ងៃទី៤-១១ ខែកុម្ភៈ ឆ្នាំ ១៩៤៥ ដោយផ្នែកខាងកើតគ្រប់គ្រង់ដោយសូវៀត និងផ្នែកខាងលិចគ្រប់គ្រងដោយអាមេរិក អង់គ្លេស និងបារាំង។
  • ខ្សែបន្ទាត់ព្រំដែនទាំងពីរ នៅជញ្ជាំងប៊ែរឡាំងនេះ បានក្លាយជានិមិត្ត​រូបនៃសង្រ្គាមត្រជាក់ “វាំងននដែក” ដែលបានខណ្ឌចែករវាងអឺរ៉ុងខាងលិចនិងអឺរ៉ុបខាងកើត។
  • ជញ្ជាំងនេះត្រូវបានពុះចែកអាឡឺម៉ង់ជា ២ ចំណែកអស់រយៈពេល២៨ឆ្នាំ ដោយគិតចាប់ផ្ដើមសាងសង់នាថ្ងៃ ១៣ ខែសីហា ឆ្នាំ ១៩៦១ រហូតដល់កការចាប់ផ្ដើមរំលាយចោលនៅថ្ងៃទី១១ ខែវិចិ្ឆកា ឆ្នាំ ១៩៨៩។
  • ក្នុងកំឡុងពេលសង្រ្គាមនេះ យ៉ាងហោចណាស់មានមនុស្សយ៉ាងតិចពី ១៣៦ ទៅ ២០០ នាក់ត្រូវបានគេសម្លាប់ និងមានការរត់គេចប្រមាណ ៥០០០ ករណី ក្នុងការប៉ុនប៉ងឆ្លងកាត់រត់គេចពីប៊ែរឡាំងខាងកើតទៅកាន់ប៊ែកឡាំងខាងលិច។
  • ជញ្ជាំងប៊ែរឡាំងមានប្រវែងសរុបប្រមាណ ១៥៥ គ.ម ក្នុងនោះ ៤៣ គ.ម សង់កាត់ពុះចែកក្រុងប៊ែរឡាំង ចំណែកនៅតំបន់ផ្សេងនៃជញ្ជាំង ខណ្ឌចែកប្រទេសអាឡឺម៉ង់ជា២ មានប្រវែង ១៤០០ ​​គ.ម ជាចម្រឹងដែក ជាខ្សែលួសឆក់ ឬគ្រាន់មីន
  • ជញ្ជាំងប៊ែរឡាំងមានកម្ពស់ ៣.៦ម៉ែត្រ មានប៉ុស្ដិ៍យាម ៣០២ កន្លែង មានបំពាក់ស៊ីរ៉ែនអាសន្ន និងបំពាក់បន្លាចង្អុលមេឃ មានឆ្មាំការពារចំនួន ១៦០០នាក់ និងឆ្កែ ៤០០ក្បាល ដើរល្យាតតាមផ្លូវ ជាប់ជញ្ជាំងជាប់ជាប្រចាំ។

វិញ្ញាសាទី៣៦

Read More


2019-07-23 06:06

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៤)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ

១. តាមរដ្ឋធម្មនុញ្ញសម័យនោះតើសមាជជាតិជាអ្វី?

២. តើសកម្មភាពធំៗអ្វីខ្លះដែលបានបង្កឡើងដោយស្នាដៃពួកភេវកម្មកន្លងមក?

៣. តើសង្រ្គាមលោកលើកទី២ ចាប់ផ្ដើមនៅពេលណា? បញ្ចប់នៅពេលណា? មានមូលហេតុអ្វីខ្លះ?

៤. តើការបង្រួបបង្រួមអាឡឺម៉ងមានប៉ុន្មានដំណាក់កាល?

៥. តើប្រទេសអាឡឺម៉ងបែកបាក់ជាពីរនៅថ្ងៃខែឆ្នាំណា?មកពីមូលហេតុអ្វី?

 ចម្លើយ

១.​ តាមរដ្ឋធម្មនុញ្ញសម័យនោះសជជាតិគឺជា ស្ថាប័ននយោបាយរដ្ឋ ដែលទាមទារឪ្យមានជំនួបប្រជាពលរដ្ឋជាមួយនិងមន្ដ្រីរដ្ឋាភិបាល ដើម្បីពិភាក្សាអំពីប្រយោជន៍ជាតិរួម។

២. ក្រៅពីសម្លាប់ឥស្សរៈជនសំខាន់ៗនិងប្រជាជន ពួកភេវរកអន្តជាតិបានបង្ក វិនាសកម្មមួយចំនួន ដល់សន្ដិសុខ និងស្ថេរភាពសង្គមដូចជា៖

  • បើកយន្ដហោះបំផ្លាញអាគារពាណិជ្ជកម្មពិភពលោក នៅទីក្រុងញ៉ូយ៉ល នៅថ្ងៃទី១១ ខែកញ្ញាឆ្នាំ ២០០១។
  • ធ្វើសកម្មភាពពាក់ព័ន្ធនឹងការជួញដូរថ្នាំញៀន និងជួញដូរមនុស្ស
  • ធ្វើចចរាចរលុយក្លែងក្លាយ និងក្លែងឯកសារលុយពីធនាគារ។

៣. សង្រ្គាមលោកលើកទី២ បានចាប់ផ្ដើមពីឆ្នាំ ១៩៣៩ ដល់ឆ្នាំ ១៩៤៥ ។ មូលហេតុសំខាន់ៗ ដែលធ្វើឪ្យសង្រ្គាមនោះកើតឡើងគឺ៖

  • បញ្ហាសេដ្ឋកិច្ច អាឡឺម៉ង់បានក្លាយជាអំណាចមួយយ៉ាងរឹងមាំ នៅក្នុងចំណោមប្រទេសនៅអឺរ៉ុប ហើយស្វែងរកទីផ្សារពិភពលោក ដើម្បីលក់ផលិតផលរបស់ខ្លួន ដែលធ្វើឪ្យប៉ះពាល់ទីផ្សារពិភពលោករបស់ពួក អង់គ្លេស បារាំងនិងអាមេរិក។
  • បញ្ហានយោបាយ ការចុះខ្សោយនៃសង្គមប្រជាជាតិធ្វើឪ្យ អាឡឺម៉ង ហែកសន្ធិសញ្ញាក្រុងវែសៃចោល ដើម្បីសម្រេចនយោបាយត្រួតត្រាពិភពលោក។
  • បញ្ហាយោធា កងទ័ពអាឡឺម៉ង បានប្រែក្លាយទៅជាកងទ័ពមួយយ៉ាងសាហាវឃោឃៅខ្លាំងពូកែ បំពាក់ដោយអាវុធយុទ្ធភណ្ឌទំនើបៗមានការហ្វឹកហាត់យ៉ាងតឹងរឹង។

៤. ការបង្រួបបង្រូមមានបីដំណាក់កាលគឺ ៖

  • ដំណាក់កាលទី១ ថ្ងៃទី០១ កក្កដា ១៩៩០ ធ្វើឪ្យរូបិយប័ណ្ណមានឯកភាពតែមួយគឺប្ដូរប្រាក់ម៉ាក់ (ខាងកើត) មកជាដឺតម៉ាក់ (អាឡឺម៉ង់ខាងលិច) វិញ។       
  • ដំណាក់កាលទី២ នៅថ្ងៃ ០៣ តុលា ឆ្នាំ ១៩៩០ ប្រកាសឪ្យមានឯកភាពខាងផ្នែកនយោបាយ ហើយអតីតសាធារណរដ្ឋប្រជាធិបតេយ្យ អាឡឺម៉ងបានចូលរួមជាមួយសហព័ន្ធអាឡឺម៉ង់ដោយរំលាយរដ្ឋទាំង៥។
  • ដំណាក់កាលទី៣ តាមរយៈសន្ធិសញ្ញាថ្ងៃ​១២ កញ្ញា ១៩៩០ ពួកចសម្ព័ន្ធមិត្តដែលបានឈ្នះសង្រ្គាមលោកទាំងបួន រួមមានសហរដ្ឋអាមេរិក សហភាពសូរៀត ចក្រភពអង់គ្លេស និងបារាំង ត្រូវបានដកកងទ័ពទាំងអស់ចេញពីទឹកដីអាឡឺម៉ង់ទាំងពីរ ដើម្បីដោះលែងប្រទេសអាឡឺម៉ងឪ្យមានសេរីភាពខាងនយោបាយពោលគឺ អធិបតេយ្យភាពនិងឯករាជ្យឡើងវិញ។

. ប្រទេសអាឡឺម៉ង់ត្រូវបានមបែកបាក់ជាពីរនៅថ្ងៃទី១២ ខែសីហា ឆ្នាំ ១៩៤៨ ដោយសារ៖

  • ការប្រឈមដាក់គ្នារវាងមហាអំណាចទាំងពីរ រួមមានសហភាពសូវៀត និងសហរដ្ឋអាមេរិក
  • សន្និសីទក្រុងយ៉ាល់តាបែងចែកប្រទេសអាឡឺម៉ងជាបួនតំបន់ត្រួតត្រា ដើម្បីកុំឪ្យប្រទេសនេះមានលទ្ធភាព
  • បង្កសង្រ្គាមទៀត
  • ព្រះអង្គមានការព្រួយបារម្ភ ចំពោះការប៉ុនប៉ងបែងចែកទឹកដី កម្ពុជាពីសំណាក់ពួកសៀម និងពួកយួន ដោយយកទន្លេមេគង្គជាព្រំប្រទល់នៃប្រទេសទាំងពីរ ដែលអាចនឹងធ្វើឪ្យប្រទេសកម្ពុជាបាត់បង់ទឹកដី និងឈ្មោះពីផែនទីពិភពលោក
  • ដើម្បីបញ្ចៀសប្រទេសកម្ពុជាឪ្យរួចផុតពីមហិច្ចតារបស់សៀម និងយួន ដំណោះស្រាយតែមួយគត់គឺ ត្រូវមានប្រទេសមហាអំណាចមួយជាបង្អែកដើម្បីជួយការពារកម្ពុជា ពោលគឺបារាំងនេះឯង។

វិញ្ញាសាទី៣៥

Read More


2019-07-23 06:03

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣៣)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ

១. តើចក្រអង់គ្លេស សម្រេចចាកចេញពីទីផ្សារសហភាពអឺរ៉ុបនៅថ្ងៃខែឆ្នាំណា?

២. តើប្រាសាទបុរាណខ្មែរមានឈ្មោះអ្វីខ្លះ?តើមានផលប៉ះពាល់អ្វីខ្លះ?

៣. តើកត្តាអ្វី្លះដែលធ្វើឪ្យប្រទេសអាឡឺម៉ង់បង្រួបបង្រួមគ្នាវិញ?

៤.  ចូររៀបរាប់អំពីសមាជជាតិ?

៥. តើស្ថានភាពបរិស្ថានធម្មជាតិលើកសកលលោកបានទទួលការគំរាមកំហែងអ្វីខ្លះ?

ចម្លើយ

១.​ ចក្រភពអង់គ្លេសសម្រេចចាកចេញពីទីផ្សារសហភាពអឺរ៉ុបនៅថ្ងៃទី២៣ ខែមិថុនា ឆ្នាំ២០១៦។

២. ប្រាសាទបុរាណខ្មែរ ដែលរាជរដ្ឋភិបាលបញ្ចូលទៅក្នុងបញ្ជីបេតិកភណ្ឌពិភពលោកមាន៖

  • ប្រាសាទអង្គរវត្ត ស្ថិតក្នុងខេត្ត សៀមរាប បញ្ចូលនៅថ្ងៃទី២៤ ខែ ធ្នូ ១៩៩២។
  • ប្រាសាទព្រះវិហារ ស្ថិតក្នុងខេត្ត ព្រះវិហារ បញ្ចូលនៅថ្ងៃទី ០៧ ខែកក្កដា ឆ្នាំ ២០០៨
  • ប្រាសាទសំបូរព្រៃគុក ស្ថិតក្នុងខេត្ត កំពង់ធំ បញ្ចូលនៅថ្ងៃទី ០៨ ខែកក្កដា ឆ្នាំ ២០១៧។

៣. ប្រទេសអាឡឺម៉ង់បង្រួបបង្រួមគ្នាវិញដោយសារកត្តា៖

  • សហភាពសូវៀតពុំមានលទ្ធភាពក្នុងការជួយដល់អាឡឺម៉ងចខាងកើតដោយសារតែវិបត្តិសេដ្ឋកិច្ចដ៏ធ្ងន់ធ្ងរ
  • កំណែទម្រង់ពេរ៉េស្រ្ដួយកា ឆ្នាំ​ ១៩៤៥ លោកមីខាអីល ហ្គោបាឆូវ
  • ប្រជាអាឡឺម៉ង់ចង់បានសន្នភាពសេរីភាព អធិបតេយ្យភាព ឯករាជ្យ
  • ពួកសម្ព័ន្ធមិត្តដែលឈ្នះសង្រ្គាមទាំងបួន (បារាំង អង់គ្លេស សូវៀត និងសហរដ្ឋអាមេរិក) បានយល់ព្រមដោះលែងប្រទេសអាឡឺម៉ង់ឪ្យមានសេរីភាព ខាងនយោបាយ ពោលគឺ អធិបតេយ្យភាព និងឯករាជ្យឡើងវិញ។

៤. នៅថ្ងៃទី ២៥ ខែកញ្ញា ឆ្នាំ ១៩៥៥ អង្កការសង្គមរាស្រ្ដនិយមបានរៀបចំសមាជ ដែលក្នុងនោះមានការចូលរួមពីសំណាក់មហាជនគ្រប់ស្រទាប់ រួមទាំងតំណាងគណបក្សផ្សេងៗទៀត។ សមាជដើរតួជាវេទិការចំហរសម្រាប់មហាជនអ្នកដឹកនាំចោទសូរដេញដោលគ្នាជុំវិញបញ្ហានយោបាយក្នុង និងក្រៅប្រទេស។ ចាប់ពីពេលនោះមកគេហៅថាសមាជថាជា “សមាជជាតិ”។ សមាជជាតិត្រូវបានរៀបចំនិងដឹកនាំដោយគណៈកម្មាធិការកណ្ដាលនៃអង្កការសង្គមរាស្រ្ដនិយមដែលមាន សម្ដេច សីហនុ ជាប្រធាន។ រដ្ឋាភិបាល និងសភាជាតិត្រូវបំពេញតាមនូវអ្វីដែលជាសេចក្ដីសម្រេចបានសមិទ្ធផលជាច្រើនដូចជា៖

  • ការប្រឆាំងនឹងអំពើពុករលួយ
  • ការកំណត់ភាសាខ្មែរជាភាសាផ្លូវការ
  • គែលំអសកម្មភាពរដ្ឋបាល
  • ទាមទារឪ្យដាក់ទណ្ឌកម្មទៅលើមន្ដ្រីរាជការណាដែលអសកម្ម។​

៥. ស្ថានភាពបរិស្ថានធម្មជាតិលើសសកលលោកបានទទួលការគំរាមកំហែងដូចជា៖

  • ការបំពុលអាកាស ដែលកើតឡើងដោយកាកសំណល់ពីរោងចក្រ និងផ្សេងយានយន្ដ
  • ការបាត់បងងស្រទាបអូសូននៅក្នុងបរិយាកាស ដែលបណ្ដាលមកពិសារធាតុពុល ពិកាកសំណង់រោងចក្រ
  • ការឡើងកម្ដៅផែនដី ដែលបង្កគ្រោះថ្នាក់ដល់ភាវៈរស់នៅលើផែនដី​
  • សកម្មភាពមនុស្សដូចជាដុតព្រៃ សារធាតុក្លរ៉ូភ្លុយអរ៉ូកាបូន(CFCS) កើតពីហ្គាស ទូទឹកកក ម៉ាស៊ីនត្រជាក់ រថយន្ដ ជាដើម ការធ្វើឪ្យទឹកកង្វក់...
  • ការចោលសម្រាប់ជាកាកសំណល់ពីរោងចក្រ ដែលនាំឪ្យខូច បរិស្ថាននៅក្នុងទឹក និងលើគោក
  • ការធ្វើឪ្យសឹករិចរឹលនៃស្រទាប់ដី
  • ការបំផ្លាញព្រៃឈើធ្វើឪ្យបាត់បង់ជីវិតចម្រុះលើដី។

វិញ្ញាសាទី៣៤

Read More


2019-07-23 06:00

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣២)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ 

១. តើអង្គការសង្គមរាស្រ្ដនិយមដឹកនាំរដ្ឋាភិបាលពីពេលណា? ដល់ពេលណា?

២. តើUNTCបានធ្វើសកម្មភាពអ្វីខ្លះនៅកម្ពុជា?                           

៣. នៅឆ្នាំ១៩៦៥ អាឡឺម៉ង់ខាងកើតមានកំណើតប្រជាជនយឺតដូច្នេះ តើរដ្ឋភិបាលបានប្រើគោលនយោបាយដូចម្ដេចខ្លះ?

៤. តើក្រោយសង្រ្គាមត្រជាក់ ប្រទេសនៅអឺរ៉ុបខាងកើតមាសនការប្រែប្រួលដូចម្ដេច?

៥.  ហេតុអ្វីបានគេចាត់ទុកសម្ដេច សីហនុ និង សម្ដេច ហ៊ុន សែន ជាអ្នកនាំមកនូវសន្ដិភាពនៅកម្ពុជា?

ចម្លើយ

១. អង្គការសង្គមរាស្រ្ដនិយមដឹកនាំរដ្ឋាភិបាលចាប់ពីការបោះឆ្នោតខែ កញ្ញា ឆ្នាំ ១៩៥៥ រហូតដល់ថ្ងៃទី ១៨​ មីនា ឆ្នាំ ១៩៧០ ដែលជាថ្ងៃលោកសេនាប្រមុខ លន់ នល់ ធ្វើរដ្ឋប្រហារទម្លាប់ព្រះប្រមុខរដ្ឋ នរោត្តម សីហនុ ពីអំណាច។

២. UNTCបានធ្វើសកម្មភាពអ្វីខ្លះនៅកម្ពុជាដោយបានចំណាយថវិកា ៣០០០០ ដុល្លារ ដើម្បីបំពេញសកម្មភាព៤ យ៉ាងនៅកម្ពុជា មាន៖

  • ដកអាវុធពីភាគីខ្មែរទាំង៤ភាគី
  • បញ្ជូលរដ្ឋអំណាចទាំង៤ឪ្យចូលគ្នា
  • រៀបចំការបោះឆ្នោតដោយសេរីនៅកម្ពុជា
  • នាំជនតភៀសខ្លួនខ្មែរចូលមាតុភូមិវិញ។

៣. នៅឆ្នាំ១៩៦៥ អាឡឺម៉ង់ខាងកើតមានកំណើនប្រជាជនយឺតដូច្នេះ រដ្ឋាភិបាលបានប្រើគោលនយោបាយដូចជា៖

  • បើកសិទ្ធិឪ្យបុរស និងស្ដ្រីមានសិទ្ធិស្មើគ្នា
  • លើកទឹកចិត្តស្រ្ដី ដែលចង់បានកូនច្រើនដោយរដ្ឋផ្ដល់ថវិកា ១០០០ម៉ាកចំពោះស្ដ្រីមានកូនដំបូងព្រមទាំងទទួលសិទ្ធសម្រាករយៈពេល៦ខែដោយមិនកាត់ប្រាក់ខែទៀតផង។ បើស្ដ្រីមានកូនទី២ ត្រូវមានច្បាប់ឈប់សម្រាកមួយឆ្នាំនិងកូនទី៣ ចំនួន១៨ ខែដោយរក្សាប្រាក់បៀវត្សពី៧០% ទៅ៨០%។

៤. ក្រោយសង្រ្គាមត្រជាក់ប្រទេសនៅអឺរ៉ុបខាងកើតមានការប្រែប្រួលដូចជា៖

  • អង្គការកូមេកុងត្រូវបាបបញ្ចប់នៅខែមិថុនា ឆ្នាំ១៩៩១
  • កតិកាសញ្ញាវ៉ាសូរីត្រូវរំសាយនៅថ្ងៃទី១ ខែកក្កដា ឆ្នាំ ១៩៩១
  • លែងទទួលបាជំនួសពីសហភាពសូវៀត
  • របបដឹកនាំតាមបែបរបបសេដ្ឋកិច្ចទីផ្សារសេរីបានចូលមកជំនួសលទ្ធិផ្ដាច់ការកុំមុយនីស្ដ និងរបបសេដ្ឋកិច្ចមូហភាព
  • អឺរ៉ុមខាងកើតត្រូវខ្ចីទុនវិនិយោគច្រើនពីប្រទេសខាងលិច​
  • ប្រទេសមួយចំនួនបានប្រកាសឯករាជ្យរបស់ខ្លួន។

៥. បានជាគេចាត់ទុកសម្ដេច នរោត្តម សីហនុ និងសម្ដេច ហ៊ុន សែន ជាអ្នកនាំមកនូវសន្ដិភាពនៅកម្ពុជាព្រោះ៖

+ សម្ដេច នរោត្តម សីហនុ

  • ជាអ្នករួមគំនិតឪ្យមានក្រុងប្រឹក្សាជាតិជាន់ខ្ពស់ឡើង
  • ជាអ្នកផ្ដើមគំនិតឪ្យមានកិច្ចព្រមព្រៀង សន្ដិភាព ក្រុងប៉ារីសនៅថ្ងៃទី ២៣ តុលា ឆ្នាំ១៩៩១
  • ជាអ្នកសម្របសម្រួលរវាង ភាគីចលនាតស៊ូភាគី និង​ភាគីសាធារណៈរដ្ឋប្រជាមានិតកម្ពុជា ដើម្បីបញ្ចប់វិបត្តិ
  • អ្នកអ្នកនាំឪ្យមានការបោះឆ្នោត ពីថ្ងទី ២៣ ដល់ ២៨ ខែឧសភា ឆ្នាំ ១៩៩៣ ដែលរៀបចំដោយ អ៊ុន តាក់
  • ជាអ្នកស្វែងរកដំណោះស្រាយ វិបត្តិនយោបាយដែលបានកើតឡើងក្រោយពីការបោះឆ្នោតឆ្នាំ ១៩៩៣ ឆ្នាំ ១៩៩៨ ឆ្នាំ ២០០៣ និងឆ្នាំ២០០៨។

+ សម្ដេច ហ៊ុន សែន

  • ជាអ្នកផ្ដើមគំនិតឪ្យមានកិច្ចព្រមព្រៀងសន្ដិភាពក្រុងប៉ារីសនៅថ្ងៃ ២៣ ខែតុលា ឆ្នាំ១៩៩១
  • ជាអ្នកនាំឪ្យមានការបោះឆ្នោតពីថ្ងៃទី ២៣ ដល់ ២៨ ខែ ឧសភា ឆ្នាំ ១៩៩៣ ដែលរៀបចំដោយ អ៊ុន តាក់
  • ជាអ្នកបង្រួបបង្រួមជាតិ ផ្សះផ្សារជាតិ សម្រូបសម្រួលជាតិតាមអង្គព្រះមហាក្សត្រក្រោយការបោះឆ្នោត។
  • ជាអ្នកបញ្ចប់សង្រ្គាមស៊ីវិល តាមរយៈយុទ្ធសាស្រ្ដឈ្នះ ឈ្នះ ដែលបានរំលាយអង្គការចាត់តាំងខ្មែរក្រហម។

វិញ្ញាសាទី៣៣

Read More


2019-07-23 05:56

វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣១)

#Tages: វិញ្ញាសា ត្រៀមប្រឡង បាក់ឌុប ប្រវត្តិវិទ្យា

សំណួរ

១. តើការបោះឆ្នោតខែកញ្ញា ឆ្នាំ ១៩៥៥ អង្គការសង្គមរាស្រ្ដនិយមទទួលបានការគាំទ្រយ៉ាងដូចម្ដេច?

២. នៅក្នុងសង្រ្គាមលោកលើកទី២ តើប្រទេសប៉ូឡូញបានរងវិនាសកម្មអ្វីខ្លះ?​

៣. ហេតុអ្វីបានជាអាមេរិកក្លាយជាមហាអំណាចធំជាងគេនៅក្រោយសង្រ្គាមលោកលើកទី២?

៤.ហេតុអ្វីបានជាពួកខ្មែរក្រហមជម្លៀសប្រជាជនចេញពីទីក្រុងភ្នំពេញ និងទីប្រជុំជននានា?

៥. តើកិច្ចព្រមព្រៀងសន្ដិភាពទីក្រុងប៉ារីស បានផ្ដល់ផលប្រយោជន៍អ្វីខ្លះដល់កម្ពុជា?
ចម្លើយ

១. ក្នុងការបោះឆ្នោតខែកញ្ញា ឆ្នាំ ១៩៥៥ អង្គការសង្គមរាស្រ្ដនិយមទទួលបានការគាំទ្រជាង ៨៣% ដែលអាចឪ្យអង្គការនេះបង្កើតរដ្ឋាភិបាលឯកតាភាគី។

២. ក្នុងសង្គ្រាមលោកលើកទី២ ប្រទសប៉ូឡូញបានរងវិនាសកម្មដូចតទៅ៖

  • ប្រជាជនប៉ូឡូញ៦ លាននាក់បាសនស្លាប់
  • ប្រជាជន២លាន៥សែននាក់ត្រូវបាhmនជម្រុញឪ្យធ្វើការជាទម្ងន់នៅប្រទេសអាឡឺម៉ង
  • ប្រជាជនជិត ១លាននាក់ ត្រូវបានសម្លាប់នៅក្នុងជំរំប្រមូលផ្ដុំនៅ អូសិច ប្លាំងការ និងម៉ាសេដាណែក។
  • ទ្រព្យសម្បត្តិប្រមាណ៥០ កោដិដិល្លារ បានត្រូវខូចខាត។

៣. សហរដ្ឋអាមេរិក ក្លាយជាមហាអំណាចធំជាងគេ នៅក្រោយសង្រ្គាមលោកលើកទី២​ដោយសារ៖

  • គេចផុតពីការខ្ចេចខ្ចាំងសេដ្ឋកិច្ចដោយសារសង្រ្គាមលោកលើកទី២
  • មហាអំណាចអឺរ៉ុបភាគច្រើន ត្រូវការមូលធន និងជំនួយពីអាមេរិកដើម្បិស្ដារសេដ្ឋកិច្ចឡើងវិញ
  • កសិករអាមេរិក ខិតខំពង្រីកវិស័យកសិកម្មដើម្បីបំពេញតម្រូវការ ទីផ្សារដ៏ធំនៅអឺរ៉ុប។
  • ប្រជាជនអាមេរិកបានកែច្នែជីវភាពឪ្យក្លាយជាសង្គមសម្គារៈ ស្របតាមការរីកចម្រើននៃបច្ចេកវិទ្យា
  • សម្បូរទីផ្សារនៅពិភពលោក។

. បានជាពួកខ្មែរក្រហមជម្លៀសប្រជាជនចេញពីទីក្រុងភ្នំពេញ និងទីប្រជុំជននានាព្រោះ៖

  • ដើម្បីសម្អាតសត្រូវនិងបំបែកក្រុមចារកិច្ចខ្មាំងក្នុងក្រុង
  • ដើម្បីប្រែក្លាយប្រទេសកម្ពុជា ជាប្រទេសរបស់កសិករ
  • ដើម្បីបញ្ចូនប្រជាជនទៅធ្វើស្រែចម្ការ
  • យកលេសថាខ្លាចអាមេរិកទម្លាក់គ្រាប់បែក
  • ហេតុផលខ្លះមធ្យោបាយដឹកស្បៀងឪ្យប្រជាជនក្នុងក្រុង។

៥. កិច្ចព្រមព្រៀងសន្ដិភាពទីក្រុងប៉ារីស បានផ្ដល់ប្រយោជន៍ជាច្រើនដល់កម្ពុជាដូចជា៖

  • បញ្ចប់វិបត្តិនយោបាយនៅកម្ពុជា
  • រៀបការបោះឆ្នោតជាសកល
  • ជាការចាប់កំណើននៃលទ្ធប្រជាធិបតេយ្យសេរីពហុបក្ស
  • ពលរដ្ឋមានសិទ្ធិទទួលបានព័ត៌មាន និងការបញ្ចេញមតិ
  • វិនិយោគទុនបរទេសកាន់តែច្រើនមកបណ្ដាក់ទុនរកស៊ី
  • សេដ្ឋកិច្ចជាតិមានការរីកចម្រើនឆាប់រហ័ស
  • ទំនាក់ទំនងការបរទេសកាន់តែល្អប្រសើរ
  • ប្រទេសជាតិទាំងមូលមានសនិ្ដភាព
  • កម្រិតជីវភាពរបស់ពលរដ្ឋមានការប្រែប្រួល
  • មានការប្រែប្រួលគ្រប់វិស័យ
  • មានដៃគូសហការណ៍ អភិវឌ្ឍដ៍សង្គមកាន់តែច្រើន អង្គការសង្គមស៊ីវិល។

វិញ្ញាសាទី៣២

Read More


About ប្រវត្តិវិទ្យា

Question: 4440

Article: 162


More

×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login