សំណួរ-ចម្លើយ ស្រាយបំភ្លឺ អំពី ច្បាប់រដ្ឋធម្មនុញ្ញ (ភាគ១៨)

សំណួរ

៨៦- តើនណាជា ជនល្មើស ?

៨៧- តើប្រភេទនៃសេចក្តីសម្រេចរបស់អំណាចតុលាការមានអ្វីខ្លះ ?

៨៨- អ្វីទៅជា ដីកា ?

៨៩- អ្វីទៅជា សាលក្រម ?

៩០- អ្វីទៅជា សាលក្រមចំពោះមុខ ?

ចម្លើយ

៨៦- ជនល្មើស គឺជាជនដែលបានប្រព្រឹត្តបទល្មើស ឬប្រជាជនដែលប្រព្រឹត្តអំពើណាមួយនាំអោយមានគ្រោះថ្នាក់ដល់សង្គម។

៨៧- ប្រភេទនៃសេចក្តីសម្រេចរបស់អំណាចតុលាការមានដូចជា ៖

• ដីកា
• សាលក្រម
• សាលក្រមរបៀប
• សាលដីកា
• សាលដីការបៀប

៨៨- ដីកា គឺជាសេចក្តីសម្រេចរបស់អំណាចតុលាការដែលចេញដោយ ចៅក្រម ព្រះរាជអាជ្ញា ឬព្រះរាជអាជ្ញារង ។ អាចនិយាយម្យ៉ាងទៀតបានថា គឺជាប្រភេទនៃសេចក្តីសម្រេចមុនអង្គសេចក្តីរបស់តុលាការ ឬសម្រាប់បញ្ចប់នីតិវិធី ដោយមិនជំនុំជម្រះសេចក្តី ។ ឧទាហរណ៍ ដីកាតម្កល់រឿងទុកមិនចាត់ការ ដីកាលើកលែងការចោទប្រកាន់ ដីកាឃុំខ្លួន ដីកាចាប់ខ្លួន ។ល។

៨៩- សាលក្រម គឺជាសេចក្តីសសម្រេចចុងក្រោយបង្អស់របស់សាលាជម្រះក្តីជាន់ទាប រួមានតុលាការខេត្ត ក្រុង និងតុលាការយោធា ។ សាលក្រមមានច្រើនប្រភេទដូចជា ៖

• សាលក្រមចំពោះមុខ
• សាលក្រមកំបាំងមុខ
• សាលក្រមស្ថាពរ
• មូលសាលក្រម
• សម្រង់សាលក្រម
• សម្រង់សាលក្រមស្ថាពរ

៩០- សាលក្រមចំពោះមុខ គឺជាសាលក្រមដែលសម្រេចសេចក្តីចំពោះមុខគូរភាគីទាំងសងខាង នៅពេលដែលចេញសេចក្តីសម្រេច ។

តភាគ