តើអ្វីទៅជាបទល្មើស ? អ្វីទៅជាបទល្មើសព្រហ្មទណ្ឌ ? តើបទល្មើសមួយកើតឡើងមានធាតុផ្សំប៉ុន្មានយ៉ាង ? អ្វីខ្លះ ?

បទល្មើស គឺជាអំពើប្រឆាំងនឹងរដ្ឋ អំពើដែលនាំអោយមានគ្រោះថ្នាក់ដល់សង្គម អំពើប្រឆាំងនឹងច្បាប់ព្រហ្មទណ្ឌជាធរមាន នឹងត្រូវផ្តន្ទាទោសក្នុងបទឧក្រឹដ្ឋ បទមជ្ឈិម ឬបទលហុ ។ បទល្មើសព្រហ្មទណ្ឌ គឺជាអំពើដែលត្រូវផ្តន្ទាទោសដោយច្បាប់ព្រហ្មទណ្ឌ ហើយជាកំហុសរបស់ចារីផ្ទាល់ ។ ប្រសិនបើច្បាប់ពុំចាត់ទុក្ខថាអំពើណាមួយជាបទល្មើសទេ អំពើនោះពុំចាត់ទុកជាបទល្មើសបានឡើយ យោងតាមគោលការណ៍នីត្យានុគោលភាពដែលមានចែងនៅក្នុងមាត្រា ៣ នៃក្រមព្រហ្មទណ្ឌ ។ បទល្មើសមួយកើតឡើងត្រូវមានធាតុផ្សំបីយ៉ាងគឺ ៖

• ធាតុផ្សំនីត្យានុកូល ៖ ច្បាប់ដែលចាត់ទុកអំពើណាមួយជាបទល្មើស
• ធាតុផ្សំសត្យានុម័ត ៖ សកម្មភាព ឬអសកម្មភាពប្រព្រឹត្តដោយជនល្មើស
• ធាតុផ្សំអត្តនោម័ត ៖ កំហុសចេតនា ឬអចេតនារបស់ជនល្មើស ។