សំណួរ-ចម្លើយ ស្រាយបំភ្លឺ អំពី ច្បាប់រដ្ឋធម្មនុញ្ញ (ភាគ២០)

សំណួរ

៩៦- អ្វីទៅជា សាលក្រមរបៀប ?

៩៧- អ្វីទៅជា សាលដីកា ?

៩៨- អ្វីទៅជា សាលដីការរបៀប ?

៩៩- តើប្រភេទសេចក្តីសម្រេចខាងអង្គការនីតិប្រតិបត្តិមានអ្វីខ្លះ ?

១០០- អ្វីទៅជាអនុក្រឹត្យ ?

ចម្លើយ

៩៦- សាលក្រមរបៀប គឺជាសេចក្តីសម្រេចមួយមុនអង្គសេចក្តីរបស់ចៅក្រមជំនុំជម្រះនៃតុលាការជាន់ទាប ក្នុងគោលបំណងចាត់ចែងកិច្ចការណាមួយ តាមនីតិវិធីឲ្យបានពេញលេញមុននឹងជំនុំជម្រះលើអង្គសេចក្តីបន្តទៀត ។

៩៧- សាលដីការ គឺជាសេចក្តីសម្រេចចុងក្រោយបង្អស់របស់តុលាការជាន់ខ្ពស់រួមមាន សាលាឧទ្ធរណ៍ និងតុលាការកំពូល ។

៩៨- សាលដីការបៀប គឺជាសេចក្តីសម្រេចមួយមុនអង្គសេចក្តីរបស់ចៅក្រមជំនុំជម្រះនៃតុលាការជាន់ខ្ពស់ គឺសាលាឧទ្ធរណ៍ និងតុលាការកំពូល ។

៩៩- ប្រភេទសេចក្តីសម្រេចរបស់អង្គការនីតិប្រតិបត្តិមានដូចជា ៖

• អនុក្រឹត្យ
• ប្រកាស
• សារាចរ
• សេចក្តីសម្រេច

១០០- អនុក្រឹត្យ គឺជាលិខិតបទដ្ឋានគតិយុត្តដែលមានមុខងារប្រតិបត្តិច្បាប់បង្កើតស្ថាប័ន និងតែងតាំងមន្ត្រីជាន់ខ្ពស់កាន់អំណាចខាងអង្គការនីតិប្រតិបត្តិ ។ សមត្ថកិច្ចនេះ ចេញដោយរាជរដ្ឋាភិបាល ។

តភាគ