ជំរឿនបានផ្តល់ទិន្នន័យដ៏មានប្រយោជន៍ និងតម្រង់ទៅរកតម្រូវ្ការចាំបាច់។តើការធ្វើជំរឿនផ្តល់ប្រយោជន៍អ្វីខ្លះដល់ក្រសួងអប់រំយុវជន និងកីឡា?

ជំនឿបានផ្តល់ទិន្នន័យដ៏មានប្រយោជន៍ដូចជាព័ត៌មានអំពីនិន្នាការកំណើនប្រជាជន រចនសម្ព័ន្ធមភេទ អាយុ កម្រិតអាយុកាល អត្រាមរណៈប្រមាណ អត្រាកំណើត ចលនាបម្លាស់ទី និន្នាការនគរូបនីយកម្មនិងចរិតលក្ខណៈដទៃទៀតរបស់ប្រជាជន ។

          ជំរឿនតម្រង់ទិសទៅរកការបំពេញតម្រូវការចាំបាច់របស់ប្រទេសជាតិមួយមានដូចជាតម្រូវការក្នុងការលុបបំបាត់អនក្ខរភាព តម្រូវការក្នុងការកាត់បន្ថយភាពក្រីក្រ តម្រូវកការក្នុងការអភិវឌ្ឍសហគមន៍ តម្រូវការក្នុងការប្រយុទ្ធប្រឆាំងនិងអំពើពុករលួយជាដើម ។ល។

          ការធ្វើជំរឿនបានផ្តល់ប្រយោជន៍ចំពោះក្រសួងអប់រំ យុវជននិងកីឡាតាមរយៈការផ្តល់ទិន្នន័យអំពី៖

• ចំនួនកុមារ ( ពី០ឆ្នាំដល់១៨ឆ្នាំ ) ​សរុបធៀបនឹងចំនួនមនុស្សពេញវ័យសរុប
• ចំនួនកុមារដែលដល់អាយុចូលរៀននិងចំនួនកុមារដែលបានរៀនចប់បឋមសិក្សា
• ចំនួនគ្រូបង្រៀនដែលមានធៀបនិងចំនួនសិស្សដែលកំពុងរៀនក្នុងសាលា
• ចំនួនសាលារៀនតាមកម្រិតសិក្សានីមួយៗដែលមាននៅតាមមូលដ្ឋាន ឬតំបន់នីមួយៗ
• ចំនួនបន្ទប់រៀនដែលមាននៅតាមសាលារៀននៅមូលដ្ឋាននីមួយៗ
• ចំនួនកុមារតាមកម្រិតអាយុនីមួយៗដែលកំពុងសិក្សា និងដែលនៅក្រៅសាលា
• កម្រិតជីវភាពរបស់ប្រជាជនទៅតាមមូលដ្ឋាននីមួយៗ
• សិស្សមានចំនួន​​ច្រើននៅតាមតំបន់មួយចំនួនដែលទាមទារបន្ទប់រៀន
• តាមរយៈការវិភាគទិន្នន័យសំខាន់ៗដែលទទួលបានពីការធ្វើជំរឿនក្រសួង អប់រំ យុវជន និងកីឡាមានលទ្ធភាព និងបំពេញបានតម្រូវការចាំបាច់របស់មូលដ្ឋានឬតំបន់នីមួយៗតាមរយៈការលើកនិងអនុវត្តផែនការបន្តសម្រាប់ការអភិវឌ្ឍវិស័យអប់រំ ។