វិញ្ញាសា វប្បធម៌ទូទៅនៃមរតកខ្មែរ (វិញ្ញាសាទី២)

សំនួរ

១. ហេតុដូចម្តេចបានជាសម្តេច ព្រះនរោត្តម ស៊ីហនុ បង្កើតអង្គការនយោបាយ “សង្គមរាស្រ្តនិយម” ?

២. នៅសម័យសង្គមរាស្រ្តនិយម សមាជជាតិ ជាអ្វី ? តើសមាជជាតិសម័យសង្គមរាស្រ្តនិយម សម្រេចបានសមិទ្ធផលអ្វីខ្លះ ?

៣. ក្រោមព្រះរាជកិច្ចដឹកនាំរបស់ព្រះករុណា ព្រះបាទសម្តេចព្រះ នរោត្តម សីហនុ នៅក្នុងសម័យសង្គមរាស្រ្តនិយម តើប្រជានុរាស្រ្តព្រះអង្គថ្វាយនាមព្រះអង្គថាដូចម្តេច ?

៤. តើព្រះបាទ នរោត្តម សីហនុ មានស្នាព្រះហស្ថសំខាន់ៗអ្វីខ្លះសម្រាប់សង្គមខ្មែរ ?

៥. ក្រោមព្រះរាជកិច្ចដឹកនាំរបស់ព្រះករុណា ព្រះបាទសម្តេចព្រះនរោត្តម សីហនុ នៅក្នុងសម័យសង្គមរាស្រ្តនិយម តើមានសមិទ្ធផលធំៗអ្វីខ្លះ ដែលលោកបានកសាងឡើងនិងប្រារព្ធព្រះរាជពិធីសម្ពោធជាបន្តបន្ទាប់សម្រាប់ប្រជារាស្រ្តប្រើប្រាស់នៅតាមបណ្តាខេត្ត ក្រុងនានា ?

ចម្លើយ

១. បានជាសម្តេច ព្រះនរោត្តម សីហនុ បានបង្កើតអង្គការនយោបាយសង្គមរាស្រ្តនិយមពីព្រោះ ៖

• ដើម្បីបង្រួបបង្រួមជាតិ ដើម្បីកសាងជាតិឱ្យរីកចម្រើន
• ដើម្បីឱ្យព្រះអង្គមានអំណាចក្នុងការកសាងប្រទេស
• ដើម្បីឱ្យប្រទេសមានសន្តិភាព
• ដើម្បីប្រឆាំងអំពើពុករលួយ និងការកំណត់ភាសាខ្មែរជាផ្លូវការ ។

២. សមាជជាតិ ជាស្ថាប័ននយោបាយរបស់រដ្ឋខ្មែរ ដើម្បីផ្សារភ្ជាប់រវាងរដ្ឋាភិបាល សភា និងប្រជាជន ។ សមាជជាតិសម័យសង្គមរាស្រ្តនិយម សម្រេចបានសមិទ្ធផលដូចជា ៖

• ការប្រឆាំងអំពើពុករលួយ
• ការកំណត់ភាសាខ្មែរជាផ្លូវការ ។

៣. ព្រះបាទនរោត្តមសីហនុនៅសម័យសង្គមរាស្រ្តនិយមត្រូវបានប្រជារាស្រ្តព្រះអង្គថ្វាយនាមព្រះអង្គថា ៖

• ព្រះបិតាឯករាជ្យជាតិ
• ព្រះបិតាសិក្សាធិការជាតិ
• ព្រះបិតាកីឡាជាតិ
• ព្រះបិតាសុខាភិបាលជាតិ
• ព្រះបិតាស្ថាបនាជាតិ ...។

៤. ព្រះបាទ នរោត្តម សីហនុ មានស្នាព្រះហស្ថដ៏ថ្លៃថ្លាបំផុតសម្រាប់សង្គមខ្មែរ ដូចជា ៖

១. ការការពារជាតិ ៖ ព្រះអង្គបានការពារប្រទេសជាតិមិនឱ្យប្រទេសជិតខាងរំលោភបំពានលើទឹកដីខ្មែរ ។ ក្រៅពីនេះព្រះអង្គបានទាមទារដាច់ខាតមកវិញនូវខេត្ត៤ របស់កម្ពុជាដែលព្រះរាជាណាចក្រថៃឡង់បានយកក្នុងអំឡុងសង្គ្រាមលោកលើកទី២ គឺខេត្ត បាត់ដំបង ខេត្តកំពង់ធំ ខេត្តសៀមរាប និងខេត្តស្ទឹងត្រែង ។

• ទាមទារនូវប្រាសាទព្រះវិហារដោយព្រះអង្គបានប្តឹងទៅតុលាការអន្តរជាតិនៅទីក្រុង ឡាអេ ឱ្យជួយរកយុត្តិធម៌ឱ្យខ្មែរពីបញ្ហាដែលទ័ពរបស់ថៃ ចូលកាន់កាប់ប្រាសាទព្រះវិហារខ្មែរទាំងកំរោល ។ ជាលទ្ធផលតុលាការអន្តរជាតិបានបញ្ជាឱ្យថៃដកទ័ពចេញពីប្រាសាទព្រះវិហារនៅថ្ងៃទី ១៥ មិថុនា ឆ្នាំ ១៩៦២ (នៅទីក្រុង ឡាអេ ប្រទេស ហូឡង់) ។

២. ទាមទារឯករាជ្យ ៖ ព្រះអង្គបានទាមទារឯករាជ្យពីប្រទេសបារាំងជូនមកឱ្យកម្ពុជាវិញ ( ៩ វិច្ឆិកា ១៩៥៣ ) ។

៣. កសាងនិងអភិវឌ្ឍន៍ប្រទេសជាតិលើគ្រប់វិស័យ ៖

(សូមមើលសមិទ្ធផលរបស់ព្រះនៅសម័យសង្គមរាស្រ្តនិយម) ។

៤. បង្រួបបង្រួមជាតិ ៖ ព្រះអង្គបានប្រមូលជនជាតិខ្មែរឱ្យមូលគ្នាមិនឱ្យទាស់ទែងគ្នា និងសាមគ្គីគ្នាជាធ្លុងមួយ ។

៥. ក្រោមព្រះរាជកិច្ចដឹកនាំរបស់ព្រះករុណា ព្រះបាទនរោត្តមព្រះនរោត្តម សីហនុ នៅក្នុងសម័យសង្គមរាស្រ្តនិយម គឺមានសមិទ្ធផលធំៗជាច្រើន ដែលលោកបានកសាងឡើង និងប្រារព្ធព្រះរាជពិធីសម្ពោធជាបន្តបន្ទាប់សម្រាប់ប្រជារាស្រ្តប្រើប្រាស់នៅតាមបណ្តាខេត្ត ក្រុងនានា ដូចជា ៖

• វិមានឯករាជ្យ
• វិមានរដ្ឋចំការមន
• ចំណតអាកាសយាន្តដ្ឋាន អន្តរជាតិពោធិ៍ចិនតុង ឆ្នាំ ១៩៥៨
• ចំណតអាកាសយានដ្ឋាន សៀមរាប ឆ្នាំ ១៩៥៩
• ចំណតអាកាសយាន្តដ្ឋាន បែកចាន ខេត្តបាត់ដំបង
• ផ្លូវជាតិលេខ ៤ពីភ្នំពេញទៅក្រុងព្រះសីហនុ ប្រវែង ២២៦គីឡូម៉ែត្រ ឆ្នាំ ១៩៥៦
• ផ្លូវដែកក្រុងភ្នំពេញទៅទីក្រុងព្រះសីហនុ ប្រវែង ២៧០គីឡូម៉ែត្រ ឆ្នាំ ១៩៦០
• កំពង់ផែអន្តរជាតិក្រុងព្រះសីហនុ ឆ្នាំ ១៩៥៤
• សណ្ឋាគារឯករាជ្យក្រុងព្រះសីហនុ
• សាលមហោស្រពជាតិ ព្រះសុរាម្រឹត ភ្នំពេញ
• សាលសន្និសីទ ចតុមុខ
• ពហុកីឡាដ្ឋានជាតិ អូឡាំពិក ភ្នំពេញ
• ស្ពានព្រះមុនីវង្សទី២
• កសាងស្ពានជ្រោយចង្វា (មិត្តភាពកម្ពុជា ជប៉ុន ) ឆ្លងទន្លេសាប
• ស្ពានសង្គមរាស្រ្តនិយម ឆ្លងកាត់ទន្លេសាប
• សាកលវិទ្យាល័យ “សង្គមរាស្រ្តនិយម” ភ្នំពេញ
• សាកលវិទ្យាល័យភូមិន្ទបច្ចេកទេស
• សាកលវិទ្យាល័យភូមិន្ទរដ្ឋបាល
• មហាវិទ្យាល័យ នីតិសាស្រ្ត និងវិទ្យាសាស្រ្តសេដ្ឋកិច្ច
• មហាវិទ្យាល័យគរុកោសល្យ
• ពុទ្ធិកសាកលវិទ្យាល័យ ព្រះសីហនុរាជ
• មហាវិទ្យាល័យ សិល្បៈនិងមុខរបរ
• សាកលវិទ្យាល័យភូមិន្ទវិចិត្រសិល្បៈ
• សាកលវិទ្យាល័យភូមិន្ទ កំពង់ចាម
• សាកលវិទ្យាល័យភូមិន្ទតាកែវ កំពត
• សាកលវិទ្យាល័យភូមិន្ទ​ បាត់ដំបង
• រោងភាពយន្តរដ្ឋ
• ស្ថានីយ៍ទូរទស្សន៍ខេមរភូមិន្ទ
• មន្ទីរពេទ្យមិត្តភាពខ្មែរ សូវៀត
• រោងចក្រ ចម្រាញ់ប្រេងកាត ក្រុងព្រះសីហនុ
• រោងចក្រ ស្រាបៀវ ក្រុងព្រះសីហនុ
• រោងចក្រ “ព្រះនរោត្តម” តម្លើងត្រាក់ទ័រ និងរថយន្តធំក្រុងព្រះសីហនុ
• រោងចក្រ ស្គសរ កំពង់ត្រាំ ខេត្តកំពង់ស្តឺ
• រោងចក្រ វាយនភណ្ឌ ខេត្តកំពង់ចាម
• រោងចក្រ បាវក្រចៅ ដូនទាវ ខេត្តបាត់ដំបង
• រោងចក្រ ស៊ីម៉ង់ត៍ចក្រីទីង ខេត្តកំពត
• រោងចក្រ កែវជើងឯក រាជធានីភ្នំពេញ
• រោងចក្រ ក្រដាសឆ្លូង ខេត្តក្រចេះ
• រោងចក្រ ជីផូស្វាតទូកមាស​ ខេត្តកំពត
• រោងចក្រ កង់ឡាតាខ្មៅ ខេត្តកណ្តាល
• រោងចក្រ ត្រីខប្រអប់ ខេត្តកោះកុង
• រោងចក្រ ផលិតជ័រកៅស៊ូជប់ ខេត្តកំពង់ចាម
• រោងចក្រ វារីអគ្គិសនីគិរីរម្យ ខេត្តកំពង់ស្តឺ និងសមិទ្ធផលជាតិជាច្រើនទៀតនៅតាមបណ្តាស្រុក ខេត្តក្រុង ដូចជា សាលារៀន មន្ទីរពេទ្យ ទំនប់ទឹក ស្រះទឹកប្រឡាយ ផ្លូវថ្នល់ ស្ពានជាដើម ។