វិញ្ញាសា វប្បធម៌ទូទៅនៃមរតកខ្មែរ (វិញ្ញាសាទី២៣)

សំណួរ

១. តើសមាគមអាស៊ានមានសមាជិកទាំងអស់ប៉ុន្មានប្រទេសគិតមកដល់ឆ្នាំ ២០១៣ ?

២. តើសមាគមអាស៊ានបង្កើតឡើងដំបូងមានប៉ុន្មាន​ប្រទេស​ ? មានប្រទេសណាខ្លះ ? នៅថ្ងៃខែឆ្នាំណា ?

៣. តើប្រទេសជាសមាគមអាស៊ានត្រូវមានតួនាទីដូចម្តេចខ្លះ ?

៤. គេនិយាយថា “សេចក្តីស្នេហាជាមិត្តភាពមួយ” ចូរពន្យល់ ។

៥. តើសង្គមប្រជាជាតិជាអ្វី ? សង្គមប្រជាជាតិបង្កើតឡើងនៅថ្ងៃខែឆ្នាំណា ? ផ្តួចផ្តើមគំនិតដោយអ្នកណា ? មានស្នាក់ការនៅឯណា ? ដើម្បីអ្វី មានប្រសិទ្ធិភាពឬទេ ? រំសាយវិញនៅខែឆ្នាំណា ?

ចម្លើយ

១. សមាគមអាស៊ានមានសមាជិកទាំងអស់ចំនួន ១០ ប្រទេសគិតមកដល់ឆ្នាំ ២០១៣ ។

២. សមាគមអាស៊ានបង្កើតឡើងដំបូងមានចំនួន ៥ គឺ ឥណ្ឌូនេស៊ី ម៉ាឡេស៊ី សិង្ហបុរី ថៃ និងភីលីពីន នៅទីក្រុងបាងកក ថ្ងៃទី ០៨ ខែសីហា ឆ្នាំ ១៩៦៧ ។

៣. ប្រទេសដែលជាសមាជិកអាស៊ានមានតួនាទី ៖

• ការបង់ភាគទាន ជាសមាជិកក្នុងទឹកប្រាក់មួយលានដុល្លារសហរដ្ឋអាមេរិក
• បង់មូលនិធិវិទ្យាសាស្ត្រប្រាំម៉ឺនដុល្លារសហរដ្ឋអាមេរិក
• បង់ថ្លៃចំណាយរដ្ឋបាល ប្រហែលជិត ៣០០ លើកក្នុងមួយឆ្នាំ ។

ភារកិច្ចចំពោះមុខ របស់អាស៊ាន ៖

• អភិវឌ្ឍសេដ្ឋកិច្ចសេរី និងការប្រឹងប្រែងជម្រុញល្បឿននៃដំណើរកំណែទម្រង់ និងទំនើបកម្មសម្រាប់លើកស្ទួយវឌ្ឍនភាពសេដ្ឋកិច្ច
• ទំនាក់ទំនងល្អរវាងប្រទេស អាស៊ាន និងមហាអំណាចសេដ្ឋកិច្ចពិភពលោកដូចជាជប៉ុន សហរដ្ឋអាមេរិក សហគមន៍ អឺរ៉ុប និងអូស្តា្រលីជាដើម
• លើកទឹកចិត្តប្រទេសអ្នកមានឱ្យជួយប្រទេសក្រីក្រ ។

៤. សុភមង្គលក្នុងជីវិតរបស់យើងភាគច្រើនអាស្រ័យជម្រៅនិងភាពស្ថិតស្ថេរនៃទំនាក់ទំនងស្នេហារបស់យើង ហើយត្រូវហ្វឹកហាត់មួយជីវិត ដើម្បីរៀនស្គាល់វិធីផ្តល់ការស្រលាញ់និងទទួលការស្រលាញ់ ។ សេ្នហាមានលក្ខណៈសម្គាល់ដោយគុណធម៌ដ៏ឧត្តុង្គឧត្តមដូចជា ការប្តូរផ្តាច់ ការព្រមព្រៀង ការគោរព ការឆាប់ទទួលអារម្មណ៍ និងការគិតពិចារណា ។ ស្នេហាប្រសើរបំផុតនៅពេលមានចិត្តសណ្តោសគ្នាទៅវិញទៅមក ។ ការញជ្រើសរើសសុភមង្គលក៏ផ្តោតលើសេចក្តីស្នេហានោះដែរ ដោយសារតែសេចក្តីស្នេហាបង្កើតនូវចំណងផ្លូវចិត្តយ៉ាងស្អិតមួតដូចជា ៖

• មនោសញ្ចេតនា ជាធម្មតាដំណាក់កាលនៃការចាប់ចិត្តស្រលាញ់កើតចេញពីចំណងមិត្តភាពហើយវិវត្តទៅរកសេចក្តីស្នេហា ។ សេចក្តីគ្រប់ដណ្តប់លើមនោសញ្ចេតនា អារម្មណ៍ និងគំនិតដែលបាញ់ឆ្ពោះទៅរកអ្នកណាម្នាក់ ។
• ការទាក់ទាញចិត្ត ជាអារម្មណ៍ធ្វើឱ្យអ្នកមានភាពសិ្នទ្ធស្នាល និងស៊ីចង្វាក់គ្នាកាន់តែខ្លាំងឡើងជាមួយនរណាម្នាក់ ។
• អារម្មណ៍ជ្រាលជ្រៅ កើតមាននៅក្នុងឥន្ត្រីយារមណ៍ គេអាចបញ្ចេញ ឬបង្ហាញតាមវិធីណាមួយដែលគេអាចធ្វើបាន ។
• ចិត្តទូលាយ ជាការគិតទៅលើភាពរីកចម្រើន និងការអភិវឌ្ឍរបស់នរណាម្នាក់ដោយមិនគិតពីផលប្រយោជន៍ផ្ទាល់ខ្លួន ។

៥. សង្គមប្រជាជាតិ ជាអង្គការអន្តរជាតិមួយ ដែលបានបង្កើតឡើងក្រោយ សង្រ្គាមលោកលើកទី១ ដើម្បីបង្ការកុំឱ្យមានសង្រ្គាមជាថ្មី ។ សង្គមប្រជាជាតិត្រូវបានបង្កើតឡើងជាផ្លូវការនៅថ្ងៃទី២៩ មេសា ១៩១៩ ដោយប្រធានាធិបតី សហរដ្ឋអាមេរិក លោកវីល សុន ដែលមានទីស្នាក់ការ នៅទីក្រុង សឺណែវ ប្រទេស ស្វីស ។ បង្កើតឡើងក្នុងគោលបំណងដើម្បីធាននូវសន្តិភាពរវាងប្រជាជាតិនានា ។ អង្គការសង្គមប្រជាជាតិនេះ គ្មានប្រសិទ្ធិភាពទេ ព្រោះបានធ្វើឱ្យសង្រ្គាម លោកកើតឡើងមង្តទៀតឆ្នាំ ១៩៣៩ ព្រោះតែអង្គការខ្លួនគ្មានកងទ័ពរក្សាសន្តិសុខ ។ អង្គការនេះត្រូវបានរំសាយនៅខែមេសា ១៩៤៦ ។