នីតិបញ្ញត្តិ និងនីតិប្រតិបត្តិ បើនីតិទាំងពីរនៅដាច់ដោយឡែកពីគ្នា ហេតុដូចម្ដេចបានជានៅក្នុងអាណត្តិសភាមុនៗកត់សម្គាល់ឃើញថា មានឯកឧត្តមខ្លួនគាត់ជាសមាជិករាជរដ្ឋាភិបាលផងនិងជាសមាជិកសភាផង ?

អំណាចចែកដាច់ពីគ្នា តែមនុស្សមិនបានចែកនោះទេ ។ រដ្ឋធម្មនុញ្ញបានចែងដូច្នេះថាតំណាងរាស្ត្រអាចធ្វើជាសមាជិករាជរដ្ឋាភិបាលផង ហើយសមាជិករាជរដ្ឋាភិបាលក៏អាចធ្វើជាតំណាងរាស្ត្រផង ។ តែវិសមិតភាពមានឧទាហរណ៍ បើជាមន្ត្រីរាជការស៊ីវិល ជាយោធិន ជាចៅក្រម ឬជាសមាជិកក្រុមប្រឹក្សាធម្មនុញ្ញ គេមិនឱ្យទៅធ្វើការងារពីរបានទេ ។ ធ្វើជានាយករដ្ឋមន្រ្តីបានមានលក្ខខណ្ឌធំណាស់ គឺគាត់ត្រូវជាតំណាងរាស្រ្តរបស់គណបក្សដែលឈ្នះឆ្នោត ហើយធ្វើជាសមាជិករាជរដ្ឋាភិបាលបាន គាត់ត្រូវជាសមាជិកគណបក្សដែលមានអាសនៈច្រើនជាងគេក្នុងរដ្ឋសភា ។