នៅពេលដែលកម្ពុជាបានចុះហត្ថលេខា និងបានផ្តល់សច្ចាប័នលើអនុសញ្ញាស៊ី-ដនេះរួច តើនឹងមានអ្វីកើតឡើងតទៅទៀត ?

នៅពេលដែលកម្ពុជាបានចុះហត្ថលេខា និងបានផ្តល់សច្ចាប័នលើអនុសញ្ញាស៊ី-ដនេះរួច គឺ ៖

បើការរើសអើងប្រឆាំងនឹងនារីនៅតែកើតមាននោះរដ្ឋាភិបាលកម្ពុជាត្រូវតែមានវិធានការដោះស្រាយឱ្យបានសមស្រប រដ្ឋភាគីត្រូវមានកាតព្វកិច្ចការពារ និងបំពេញនូវសិទ្ធិរបស់នារី ។ រដ្ឋភាគីត្រូវមានកាតព្វកិច្ច ៖

• លុបចោលច្បាប់ និងគោលនយោបាយទាំងឡាយណា ដែលមានការរើសអើងចំពោះនារី (Women)
• អនុម័តគោលនយោបាយ ប្រឆាំងនឹងការរើសអើង និងផ្តល់នូវយន្តការ និងដំណោះស្រាយប្រកប។ដោយប្រសិទ្ធភាព ដែលអាចឱ្យស្រ្តីស្វែងរកបាន
• ជម្រុញឱ្យមានសមភាព តាមរយៈមធ្យោបាយសមស្របនានា
• ធ្វើរបាយការណ៍ជាតិ រៀងរាល់៤ឆ្នាំម្តងដើម្បីឱ្យរដ្ឋភាគីចាត់វិធានការនានា ស្របទៅនឹងកាតព្វកិច្ចសន្ធិសញ្ញា ។