តើអ្វីទៅជា ឋានៈរបស់គោលការណ៍ណែនាំ ?

នៅថ្ងៃទី​​ ១៦ ខែ មិថុនា ឆ្នាំ ២០១១ក្រុមប្រឹក្សាសិទ្ធិមនុស្សរបស់អង្គការសហប្រជាជាតិបានអនុម័តជាឯកច្ឆ័ន្ទលើគោលការណ៍ណែនាំ ( សេចក្តីសម្រេចចិត្តលេខ ១៧/ ៤ ) ខណៈដែលឯកសារនេះមិនចង់ភ្ជាប់កាតព្វកិច្ចផ្លូវច្បាប់ ប៉ុន្តែការអនុម័តិរបស់ក្រុមប្រឹក្សាសិទ្ធិមនុស្ស បានបង្កើតឲ្យគោលការណ៍ណែនាំនេះក្លាយទៅជាចំណុចយោងជាសាកលសម្រាប់អនុវត្តបានចំពោះធុរកិច្ច និងសិទ្ធិមនុស្ស ។ នៅពេលអនុម័តគោលការណ៍ណែនាំនេះក្រុមប្រឹក្សាសិទ្ធិមនុស្ស ( A/HRC ១៧/៤ កថាខណ្ឌ ៦ ) ក៏បានបង្កើតផងដែលនូវក្រុមការងារស្តីពីធុរកិច្ច និងសិទ្ធិមនុស្ស ( មានសមាសភាពអ្នកជំនាញការឯករាជ្យចំនួនប្រាំរូប ) ដើម្បីលើកស្ទួយការអនុវត្តន៍គោលការណ៍ណែនាំ ព្រមទាំងបង្កើតឲ្យមានឡើងនូវវេទិកាប្រចាំឆ្នាំស្តីពីធុរិកិច្ចនិងសិទ្ធិមនុស្សដោយស្ថិតក្រោមការណែនាំរបស់ក្រុមការងារ ។