តើស្ពានអាកាស ស្ទឹងមានជ័យ ដែលជាកិត្តិយសប្រវត្តិសាស្រ្ត ដំណាក់កាលទី៣ របស់ព្រះរាជាណាចក្រកម្ពុជាត្រូវបានបើកការដ្ឋានសាងសង់នៅថ្ងៃខែឆ្នាំណា ? ក្រោមអធិបតីភាពរបស់សម្តេចរូបណា ? ចូររៀបរាប់ពីលក្ខណៈបច្ចេកទេសកសាងសង់ ។ ស្ពាននេះមានប្រវែងបណ្តោយនិងទទឹងប៉ុន្មាន ? មានទីតាំងស្ថិតនៅត្រង់ណា ?

ស្ពានអាកាសស្ទឹងមានជ័យដែលជាកិត្តិយសប្រវត្តិសាស្រ្តដំណាក់កាលទី៣របស់ព្រះរាជាណាចក្រកម្ពុជាត្រូវបានបើកការដ្ឋានសាងសង់នៅថ្ងៃទី២៩ខែវិច្ឆិកាឆ្នាំ២០១២ក្រោមអធិបតីភាពរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។

ស្ពានអាកាសស្ទឹងមានជ័យនេះត្រង់បានសិក្សាប្លង់មេតាមលក្ខណៈបច្ចេកទេសដូចខាងក្រោម​ ៖

• សាងសង់ស្ពានអាកាសធំពីបេតុងអារមេស្របពីលើផ្លូវលេខ២៧១ត្រង់ចំណុចភ្លើងស្តុបមានទទឹង ១៤,៨០ម៉ែត្រ សម្រាប់ចរាចរទ្វេរទិសដោយមាន ២ខ្សែទៅនិង២ខ្សែមក ។
• សាងសង់ស្ពានអាកាសតូចពីរឯកទិសពីបេតុងអារមេមានទទឹង៦,៥០ម៉ែត្រនិងសាងសង់ស្ពានបេតុងមួយទៀត ជំនួសស្ពានបានឡេដែលមានទទឹង ៨ម៉ែត្រ ។
• អ៊ុតកៅស៊ូអមសង្ខាស្ពានទទឹងពី ៥,៥០ម៉ែត្រ ទៅ ៧ម៉ែត្រ និងចិញ្ចើម ៣ម៉ែត្រ
• កម្ពស់សុវត្ថិភាពក្រោមស្ពាន ៥,២០ម៉ែត្រ
• ក្រៅពីនេះការស្ថាបនាលូច្រាំបេតុងប្រឡាយជើងទេរសួនឡាខឿនបែងចែកទ្រូងស្ពាន ដំឡើងបង្គោលភ្លើងលាបគំនូសចរាចរដាក់ស្លាកចរាចរជាដើម ។

ប្រតិបត្តិការស្ថាបនានឹងបែងចែកជា ២ដំណាក់កាល ដែលក្នុងនោះមាន ៖

• ដំណាក់កាលទី១៖សាងសង់ស្ពានអាកាសមេ២ស្ពានរូងក្រោមដី១ដោយប្រើរយៈពេលសាងសង់ចំនួន ១៨ និងត្រូវចំណាយថវិកាអស់ប្រមាណជាង ១២ លានដុល្លារ
• ដំណាក់កាលទី២ ៖ សាងសង់ស្ពានបែងខ្នែងចំនួន ១ ស្ពានឆ្លងកាត់ប្រឡាយចំនួន ២ដោយប្រើរយៈពេលសាងសង់ចំនួន ៨ខែ និងចំណាយអស់ថវិកាប្រមាណជិត ៥លានដុល្លារ ។