ពាក្យចាស់លោកបានពោលថា “ខ្មៅចុះឱ្យតែសក្រចុះឱ្យតែមាន” ។ តើមានន័យដូចម្តេច ? ចូរបកស្រាយ ។

ពាក្យចាស់លោកបានពោលថា “ខ្មៅចុះឱ្យតែស ក្រចុះឱ្យតែមាន” គឺ

• ពាក្យ “ខ្មៅចុះឱ្យតែស” មានន័យថា ៖ មនុស្សយើងកើតមកមានសម្បុរខ្មៅ មានរូបអាក្រក់មិនមែនជាបញ្ហាទេ ឱ្យតែមានចិត្តល្អសប្បុរស ស្មោះត្រង់ មានគុណធម៌ មានកិរិយាមារយាទថ្លៃថ្នូរ សុភាពរាបសា មានទឹកចិត្តសណ្តោសប្រោសប្រណី អាចរស់នៅចុះសម្រុងនឹងគេ និងជាគំរូល្អដល់អ្នកដទៃ ។
• ពាក្យ “ក្រចុះឱ្យតែមាន” មានន័យថា ៖ បើក្រទ្រព្យសម្បត្តិក្របុណ្យស័ក្តិអំណាចឱ្យតែមានគំនិតឆ្លាតវៃ ចេះគិតគូរដោះស្រាយបានគ្រប់បញ្ហា និងមានស្មារតីប្រឹងប្រែងព្យាយាម តស៊ូអំណត់ក្នុងការងារ ពិតជាធ្វើឱ្យគ្រួសារមានជីវភាពធូរធារមានកិត្តយស កេរិ៍ឈ្មោះ មានករស្រឡាញ់រាប់អានពីអ្នកដទៃ ។