គោលខន្តីសំខាន់ៗ ដែលត្រូវប្រកាន់មាន៖
- ខន្តីចំពោះការលំបាក គឺការអត់ធន់ចំពោះការលំបាករបស់ការងារ មិនរុញរាចំពោះឧបសគ្គ ការហត់នឿយ សេចក្ដីស្រេកឃ្លាន ក្ដៅត្រជាក់ជាដើម។
- ខន្តីចំពោះទុក្ខវេទនា ដូចជាការឈឺចាប់ ជំងឺតម្កាត់ ភាពសោកសៅ ការព្រាត់ប្រាស របួសជាដើម។
- ខន្តីចំពោះការឈឺចិត្ត ដូចជាការទទួលរងភាពអយុត្តិធម៌ ដោយត្រុវគេនិន្ទា មួលបង្កាច់ ចំអកឡកឡឺយ ប្រមាថមើលងាយ រារាំងមិនឱ្យសម្រេចកិច្ចការជាដើម។
- ខន្តីចំពោះអំណាចកិលេស ដូចជាអត់ធន់ចំពោះវត្ថុដែលមកជន្លកាមារម្មណ៍របស់យើងឱ្យស្រើបស្រាល។ អត់ធន់ចំពោះការបញ្ជោរ អួតលើកជើង ចង់បានអំណាចមិនត្រឹមត្រូវតាមធម៌។ ពិសេសអត់ធន់ចំពោះចិត្តដែលចង់ធ្វើស្រេចតែចង់ ខ្វះការពិចារណា ដូចជា « គូរមុនគិត »។
- ខន្តីចំពោះការបដិបត្តិធម៌គឺ ការបដិបត្តិតាមទសពិធរាជធម៌ទាំង១០ឱ្យបានត្រឹមត្រូវ។
- ខន្តីចំពោះភាពល្ងង់ខ្លៅរបស់ខ្លួនគឺ ត្រូវចេះអត់ធន់មិនបង្ខំធ្វើអ្វីដែលខ្លួនចង់បានទាំងងងើល គ្មានការសិក្សាឡើយ ព្រោះនាំឱ្យមានផលអាក្រក់។
- ខន្តីចំពោះអ្នកតូច ឬអ្នកក្រោមបង្គាប់ ដើម្បីចៀសផុតពីការបែកបាក់គ្នា។
