ផ្នែកខាងត្បូងនៃផ្ទៃព្រះបរមរាជវាំងមានវត្តមួយ ។ តើវត្តនោះឈ្មោះអ្វី ? កសាងនៅឆ្នាំណា ? ព្រះរាជាព្រះនាមអ្វី ? គេដាក់ព្រះនាមវត្តនេះតាមអ្វី ? ហើយប្លែកពីវត្តដទៃត្រង់ណា ? ចូរពណ៌នាខ្លីៗព្រះបដិមា និងវត្ថុដែលមានតំលៃជាងគេនៅក្នុងព្រះវិហារនេះអោយបានពីរ ។

ផ្នែកខាងត្បូងនៃផ្ទៃព្រះបរមរាជវាំងមានវត្តមួយ ។ វត្តនោះមានឈ្មោះថា “វត្តព្រះកែវមរកត” កសាងពីឆ្នាំ ១៨៩២​ដល់ ១៩០២ ដោយព្រះបាទនរោត្តម ។

• ឈ្មោះវត្តតាមព្រះនាមព្រះពុទ្ធរូបមួយអង្គក្នុងព្រះវិហាដែលសាងឡើងអំពីត្បូងមរកតមានតំលៃ ។
• គ្មានព្រះសង្ឃគង់នៅជាប្រចាំទេ ។
• ព្រះបដិមា និងវត្ថុដែលមានតំលៃជាងគេគឺ ៖
• ព្រះបដិមាទ្រង់ឈរមួយអង្គធំ សាងអំពីមាសទំងន់៩គ.ករួមទាំងជើងទំរ និងឆ័ត្ររួតខាងលើ ព្រមទាំងមានដាំពេជ្រចំនួន ២០៦គ្រាប់ ។ ពេជ្រដែលធំជាងគេ គឺស្ថិតនៅលើម្កុដមានទំហំ២៥លី និងបន្ទាប់មក ពេជ្រនៅលើព្រះសុរងទំហំ២០ លី ។
• កំរាលព្រះវិហារធ្វើអំពីប្រាក់សុទ្ធមានចំនួន៥៣២៩ សន្លឹក ១សន្លឹកទំរង់ ១.១២៥គ.ក ។