តើរូបអប្សរាតំណាងអ្វី ? តាមរយៈរូបអប្សរា តើគេអាចយល់ដឹងចរិតលក្ខណៈរបស់ជនជាតិខ្មែរដូចម្តេចខ្លះ ? តើរបាំអប្សរាមានប្រភពពីរបាំអ្វី ? គេអាចលេងរបាំនេះក្នុងពិធីអ្វីខ្លះ ?

រូបអប្សរា ជានិម្មិតរូបនៃសិល្បៈខ្មែរ ។ តាមរយៈរូបអប្សរា គេអាចឆ្លុះបញ្ចាំងពីចិត្តគំនិតរបស់ខ្មែរថា ជាជនជាតិមួយដែលមានលក្ខណៈច្នៃប្រឌិត ទន់ភ្លន់ សុភាពរាបសា និងស្រលាញ់សន្តិភាពជាទីបំផុត ។ របាំអប្សរាគឺជារបាំទេពអប្សរាដែលមានប្រភពយកតាមគំរូរបាំព្រះរាជទ្រព្យនៃព្រះរាជាខ្មែរតាំងពីយូរយារណាស់មកហើយ ។ របាំតន្រ្តីនេះពុំទទួលឥទ្ធិពលពីបរទេសឡើយ ហើយជារបាំដ៏មានតំលៃ រឺជារបាំមង្គល សំរាប់លេងក្នុងពិធីបួងសួងថ្វាយអាទិទេព រឺថ្វាយដល់វិញ្ញាណកូន្ធព្រះរាជានានា ដែលសោយទិវង្គតទៅហើយ ។ ដោយសារ សារៈសំខាន់ និងតំលៃនៃរបាំនេះគួ​បផ្សំនឹងលក្ខណៈល្អប្រណីតនៃរបាំនេះផង ទើបនៅសម័យ អង្គរ គេបានឆ្លាក់រូបទេពអប្សរ ដែលជាស្រីរបាំចុះពីស្ថានសួគ៌មករេរាំនៅតាមជញ្ជាំងប្រាសាទអង្គរវត្ត ដែលយើងសព្វថ្ងៃនេះហៅថា របាំអប្សរា រឹហៅត្រឹម “អប្សរា”តែម្តង ។