តើបុណ្យចូលឆ្នាំខ្មែរ មានរយៈពេលប៉ុន្មានថ្ងៃ ? ថ្ងែនីមួយៗឈ្មោះអ្វី ? តើប្រជាជនយើងមានទំលាប់ធ្វើអ្វីខ្លះ ក្នុងថ្ងៃនីមួយៗ ?

តាមទំនៀមទំលាប់បុណ្យចូលឆ្នាំ មានរយៈពេល៣ថ្ងៃ គឺថ្ងៃទី១ជាថ្ងៃទី១ជាថ្ងៃមហាសង្រ្កាន្ត ថ្ងៃទី២ ជាថ្ងៃវ័នបត ថ្ងៃទី៣ជាថ្ងៃឡើងស័ក ។

• ថ្ងៃមហាសង្រ្កាន្ត ៖ ប្រជាជនយើងមានទំលាប់យកចង្ហាន់ទៅប្រគេនព្រះសង្ឃនៅឯវត្ត ។​ពេលល្ងាច ពូនភ្នំខ្សាច់ ។ ពេលព្រលប់និមត្តព្រះសង្ឃចំរើនព្រះបរិត្តសំដែងធម្មទេសនា ។
• ថ្ងៃវ័នបត ៖ កូនចៅជូនសំលៀកបំពាក់ នំចំនី ម្ហូបអាហារប្រាក់កាស ផ្ងូតទឹកដល់មាតាបិតា ជីដូនជីតា អ្នកមានគុណរបស់ខ្លួន ។
• ថ្ងៃឡើងស័ក ៖ ពេលព្រឹកនិមន្តព្រះសង្ឃឆ្លងភ្នំខ្សាច់ ។ ពេលល្ងាចនិមន្តព្រះសង្ឃស្រង់ទឹក និងស្រង់ព្រះពុទ្ធរូប ។