ក្នុងលទ្ធិព្រះពុទ្ធសាសនាពាក្យ “ត្រៃភព” និង”ត្រៃលក្ខណ៍”សំរាប់សំគាល់អ្វីខ្លះ ?

ពាក្យថា “ត្រៃភព” ភពបី ដែលជាទីសំរាប់សត្វកើត មានបីផ្នែកគឺ ៖

+ ផ្នែកទី១ ៖

កាមភព មាន១១ ឋានគឺ ៖

• ឋានសួគ៌ ៦ជាន់ (ចាតុម្មហាជិកា ត្រៃត្រឹង្ស យាម តុសិត និម្មានរតី បរនិម្មិតវសវត្តី) ។
• ឋានមនុស្ស ១ ។
• អបាយភូមិ ៤ (នរក ប្រេត តិរច្ឆាន អសុរកាយ) ។

+ ផ្នែកទី២

• រូបភព មាន១៦ជាន់ (១. ព្រហ្មបរិសជ្ជា ២. ព្រហ្មបុរោហិតា ៣. មហាព្រហ្មា ៤. បរិត្តាភា ៥. អប្បមាណាភា ៦. អាភស្សរា ៧. បរិត្តសុភា ៨. អប្បមាណសុភា ៩. សុភកិណ្ណា ១០. វេហប្ជលា ១១. អសញ្ញិសតា ១២. អវិហា ១៣. អតប្បា ១៤. សុទស្សា ១៥. សុទស្សី ១៦. អកនិដ្ឋា) ។

+ ផ្នែកទី៣

• អរូបភព មាន៤ជាន់ (១. អាកសានញ្ចាយតនភូមិ ២. វិញ្ញាណញ្ចាយតនភូមិ ៣. អកិញ្ចញ្ញាយតនភូមិ ៤. នេវសញ្ញានាសញ្ញាយតនភូមិ ) ។
• ពាក្យថា “ត្រៃលក្ខណ៍ រឺត្រៃលក្សណ៍” មានលក្ខណៈបីយ៉ាងគឺ ៖

១. អនិច្ចំ = សេចក្តីមិនទៀងទាត់ ។

២. ទុក្ខំ = សេចក្តីព្រួយលំបាក ។

៣. អនត្តា = ដំណើរមិនមែនលុះក្នុងបង្គាប់ចិត្ត ។