បន្ទាប់់ពីប្រទេសយើង អនុវត្តប្រព័ន្ធសេដ្ឋកិច្ចទីផ្សារសេរីចាប់ពីឆ្នាំ១៩៩៣មក ។ ប្រទេសយើងក៏បានជ្រើសតាំងសភាពាណិជ្ជកម្មឡើង ។ តើសភាពាណិជ្ជកម្មមានភារកិច្ចដូចម្តេចខ្លះ ?

សភាពាណិជ្ជកម្មមានភារកិច្ចដូចតទៅ៖

១. ធ្វើទំនាក់ទំនងជាមួយប្រភពសេដ្ឋកិច្ចក្នុងប្រទេស និងក្រៅប្រទេសដើម្បីស្រង់យកព័ត៌មានដែលពាក់ព័ន្ធនឹងកិច្ចអភិវឌ្ឍន៍សហគ្រាសជាតិ ។

២. បង្កើនប្រសិទ្ធភាពសហក្រា​សទាំងឡាយ ដើម្បីផលប្រយោជន៍ខាងវិស័យពាណិជ្ជកម្ម ឧស្សាហកម្ម កសិកម្ម សិប្បកម្ម និងសេដ្ឋកិច្ចទូទៅដូចជាការរៀបបចំផ្សព្វផ្សាយស្ថិតិពាណិជ្ជកម្ម និងសេដ្ឋកិច្ច ការសិក្សាស្រាវជ្រាវពិចារណាលើបញ្ហាសេដ្ឋកិច្ច និងពាណិជ្ជកម្មការលើកតំម្កើងផ្នែកទេសចរណ៍ ។

៣. ផ្តល់ជូនរាជរដ្ឋាភិបាលនឹងអាជ្ញាធរ​ខេត្ត ក្រុងនូវយោបល់និងព័ត៌មានទាំងឡាយស្តីពីបញ្ហាពាណិជ្ជកម្ម ឧស្សាហកម្ម កសិកម្ម សិប្បកម្ម និងសេវាកម្ម ។

៤. ធានារ៉ាប់រ៉ងការគ្រប់គ្រងសេវា ធានានិងអនុវត្តន៍ការងារចាំបាច់ ដែលជាផលប្រយោជន៍ក្នុងសមត្ថកិច្ចរបស់ខ្លួន... ។

៥. ដើរតួជាអាជ្ញាកណ្តាល ក្នុងដំណោះស្រាយវិវាទពាណិជ្ជកម្ម​។