វប្បធម៌សង្គមទូទៅខ្មែរក្រសួងសាធារណការនឹងដឹកជញ្ជូន(វិញ្ញាសាទី៣៥)

សំនួរ

១. តើសញ្ញាចរាចរណ៍ផ្លូវគោកមានប៉ុន្មាន ? អ្វីខ្លះ ?

២. នៅក្នុងការថែទាំសណ្តាប់ធ្នាប់និងសន្តិសុខសង្គម តើសិស្សានុសិស្សមានភារកិច្ចដូចម្តេចខ្លះ ?

៣. តើសង្គ្រាមបាននាំមកនូវផលអាក្រក់ដល់មនុស្សជាតិ ?

៤. ដើម្បីឲ្យលំនៅដ្ឋានស្អាតនិងមានសុខុមាលភាព តើអ្នកត្រូវធ្វើយ៉ាងដូចម្តេចខ្លះ ?

៥. តើមួកសុវត្ថិភាពផ្តល់ប្រយោជន៍អ្វីខ្លះ ដល់អ្នកធ្វើចរាចរណ៍តាមម៉ូតូ ?

៦. តើច្បាប់ចរាចរណ៍មានអត្ថប្រយោជន៍អ្វីខ្លះដល់មនុស្ស​​និងសង្គមជាតិ ? តើអ្នកត្រូវធ្វើដូចម្តេច ដើម្បីចៀសវាងគ្រោះថ្នាក់នេះ ?​

ចម្លើយ

១. សញ្ញាចរាចរណ៍ផ្លូវគោកថ្មី(២០១៥)មាន៤គឺ៖

• ភ្លើងសញ្ញាចរាចរណ៍
• គំនូសចរាចរណ៍នៅលើផ្លូវ
• សញ្ញាបញ្ជារបស់ភ្នាក់ងារចរាចរណ៍
• សញ្ញាផ្សេងៗទៀត ។

២. ក្នុងថែទាំសណ្តាប់ធ្នាប់និងសន្តិសុខសង្គម សិស្សានុសិស្សមានភារកិច្ចដូចតទៅ៖

• ខិតខំសិក្សារៀនសូត្រឲ្យពូកែ
• ចេះគោរពឲ្យបា​នល្អនូវបទបញ្ជាផ្ទៃក្នុងសាលា
• ចេះគោរពតាមដំបូន្មានមាតាបិតា
• ចេះគោរពសិទ្ធគ្នាទៅវិញទៅមក
• គោរពឲ្យតម្លៃឲ្យបានល្អនូវច្បាប់ទាំងឡាយ
• ចូលរួមក្នុងសកម្មភាពយាមកាមសាលារៀន
• ចូលរួមបម្រើរាល់ភារកិច្ចការពារសាលា
• ចូលរួមកសាងសង្គមជាតិនិងអភិវឌ្ឍន៍ ។

៣. សង្គ្រាមបាននាំមកនូវផលអាក្រក់ដល់មនុស្សជាតិដូចតទៅ៖

• បំផ្លាញនូវជីវីតមនុស្ស សត្វ ព្រៃ ឈើ
• បង្កឲ្យមានការបំផ្លាញនូវប្បធម៌ អរិយធម៌ ប្រពៃណី
• បំផ្លាញនូវទ្រព្យសម្បត្តិរបស់ប្រជាជន
• បង្កឲ្យមានការរំលោភសិទ្ធមនុស្ស
• បំផ្លាញគ្រប់ហេដ្ឋរចនាសម្ព័ន្ធនានា
• ធ្វើឲ្យខឿនសេដ្ឋកិច្ច ខឿនកសិកម្ម ខឿនប្រឡាយទឹក ខ្ចេចខ្ខីទាងស្រុង
• ធ្វើឲ្យសង្គមវប្បធម៌ សង្គមធម្មជាតិ មនុស្សជាតិ ត្រូវរលាយអស់ជាដើម ។

៤. ដើម្បីឲ្យលំដ្ឋានស្អាតនិងមានសុខុមាលភាព យើងត្រូវ៖

• ត្រូវចេះសម្អាតបន្ទប់ផ្សេងៗខាងក្នុងផ្ទះ
• ចេះរៀបចំរបស់របរក្នុងផ្ទះឲ្យមានរបៀប
• ចេះរៀបចំប្រព័ន្ធទឹក​ ភ្លើង ឲ្យបានត្រឹមត្រូវ
• សំរាមត្រូវទុកដាក់ក្នុងធុងឲ្យល្អ
• រៀបចំប្រព័ន្ធលូ បង្ហូរទឹកស្អុយ
• ចេះរៀឲបចំបង្គន់អនាម័យ ​ឲ្យបានត្រឹមត្រូវ
• ត្រូវដាំផ្កា ស្មៅ កូនឈើជុំវិញផ្ទះតា​មលទ្ធភាព
• ត្រូវកម្ចាត់សត្វល្អិតចង្រៃ ដែលមានក្នុងផ្ទះ ។

៥. មួកសុវត្ថិភាពផ្តល់អត្ថប្ររយោជន៍ដល់អ្នកធ្វើចរាចរណ៍តា​មម៉ូតូ ដូចតទៅ៖

• ការពារអាយុជីវីតរបស់អ្នកឬការពារជាមនុស្សឬការពារជីវីតមនុស្ស
• ធ្វើឲ្យមានសុវត្ថិភាពដល់ការធ្វើដំណើរ
• ការពារបានឬចំណេញលុយកាក់
• ការពារពន្លឺថ្ងៃចាំង
• ការពារការហុយដៃ ផ្សែងចូលភ្នែក
• ការពារការប៉ះទង្គិចផ្សេងៗ
• ការពារការខ្ទាតថ្ម ដុំផ្សេងៗ ប៉ះក្បាល... ។

៦ . ច្បាប់ចរាចរណ៍មានអត្ថប្រយោជន៍៖

ក. ចំពោះមនុស្ស

• ការ​ពា​រឬធានាអាយុជីវីត
• ការពារឬធានាទ្រព្យសម្បត្តិ
• ចំណេញពេលវេលាផ្សេងៗ
• ធានាសុវត្ថិភាពក្នុងការធ្វើដំណើរ
• មានភាពស្មើគ្នាក្នុងការបើកបរ ។

ខ. ចំពោះសង្គម

• មានសណ្តាប់ធ្នាប់ របៀបរៀបរយ
• ការពារឬធានាសម្បត្តិ រដ្ឋលនិងឯកជន
• មានសុវត្ថិភាពចរាចរណ៍សាធារណៈ
• មានការរីកចម្រើនយ៉ាងឆាប់រហ័ស

ដើម្បីចៀសវាងគ្រោះថ្នាក់ចរាចរណ៍យើងគប្បីត្រូវ៖

• ត្រូវរៀនសូត្រច្បាប់ចរាចរណ៍ ឲ្យចេះចាំស្ទាត់
• ត្រូវគោរពច្បាប់ចរាចរណ៍ឲ្យបានម៉ឹងម៉ាត់
• ពិនិត្យប្រព័ន្ធយានយន្តមុនចេញដំណើរ
• ត្រូវមានការប្រុងប្រយ័ត្នខ្ពស់
• មិនត្រូវទទួលទានគ្រឿងស្រវឹងគ្រប់ប្រភេទ
• គោរពសិទ្ធិគ្នាក្នុងពេលបើកបរ
• មានសីលធម៌ខ្ពស់និងប្រកាន់ជំហរក្នុងការបើកបរ ។