- សិទ្ធិមានការងារធ្វើគឺសង្គម និងរដ្ឋមានភារកិច្ចបង្កបង្កើតការងារសំរាប់ពលរដ្ឋធ្វើដើម្បីចិញ្ចឹមជីវីត ។ បើពេលរដ្ឋគ្មានការងារធ្វើកំហុសត្រូវធ្លាក់លើសង្គម និងរដ្ឋ ។
- សិទ្ធិជ្រើសរើសការងារ គឺមិនបង្ខំឲ្យធ្វើការងារដោយផ្ទុយនិងឆន្ទៈឬផ្ទុយនឹងមុខជំនាញឡើយ ។
- សិទ្ធិការពារទ្រព្យសម្បត្តិកម្មសិទ្ធិ ការដាក់ជាសម្បត្តិរួមដូចសម័យខ្មែរក្រហមគឺជាការរំលោភមួយ ។
- សិទ្ធិមានកំរិតជីវភាពរស់នៅសមរម្យ ក្រៅពីបុគ្គលផ្ទាល់សង្គម និងរដ្ឋមានកាតព្វកិច្ចបង្កលក្ខណៈឲ្យមនុស្សគ្រប់គ្នាអាចរស់នៅបានក្នុងសេចក្តីថ្លៃថ្នូរ ។
- សិទ្ធិមានលទ្ធភាពក្នុងការសិក្សា បុគ្គលត្រូវតែមានចំនេះដឹងសង្គមនិងរដ្ឋត្រូវមានកាតព្វកិច្ចចាំបាច់ធ្វើឲ្យគ្រប់គ្នារៀនសូត្រ
- សិទ្ធិបង្កើតគ្រួសារការរៀបចំគ្រួសារត្រូវមានការព្រមព្រៀងដោយសេរីពីភាគីទាំងសង់ខាង មិនត្រូវបង្ខំឡើយ
- សិទ្ធិគោរព និងការពារគ្រួសារទុកជាក្រុមដ៏សំខាន់សំរាប់សង្គម រដ្ឋត្រូវមានច្បាប់ការពារខ្លឹមសារនេះ ។
- សិទ្ធិមានសន្តិសុខសង្គម សង្គមនិងរដ្ឋមានកាតព្វកិច្ចផ្តល់សន្តិសុខ និងនិរភ័យដល់មនុស្សក្នុងសង្គមពោលគឺត្រូវជួយដោះទុក្ខដោយឧបត្ថម្ភនូវសេចក្តីការចាំបាច់របស់មនុស្សក្នុងសង្គម ។
- សិទ្ធិមានការធានារ៉ាប់រង់ គយរឲ្យមានប្រព័ន្ធធានារ៉ាបរងលើគ្រប់វិស័យជាពិសេសគឺការធានារ៉ាប់រងលើសុខភាព ។
- សិទ្ធិមានកិច្ចឧបត្ថម្ភខាងសង្គមកិច្ច និងពេទ្យគឺត្រូវមានប្រព័ន្ធឧបត្ថម្ភក្នុងវិស័យកិច្ចការសង្គម និងសុខាភិបាល ។
- សិទ្ធិមានម្ហូបអាហារគ្រប់គ្រាន់ សង្គមនិងរដ្ឋត្រូវមានផែនការផលិត និងណែនាំមនុស្សឲ្យផលិតស្បៀងឲ្យបានគ្រប់គ្រាន់តាមសេចក្តីត្រូវការ ។
- សិទ្ធិទទួលការការពារខាងសុខភាព ដូចជាការចាក់ថ្នាំការពារ និងការពិនិត្យមើលភាវៈនៃរោគរាតត្បាត ។
- សិទ្ធិមានកិច្ចការពារសតិស្មារតី គឺសង្គមនិងរដ្ឋត្រូវមានផែនការបង្ការនិងទប់ស្កា
ត់កុំឲ្យមនុស្សខូចអារម្មណ៍ឬបាក់ស្មារតី ។
- សិទ្ធិមានការសម្រាក និងកំសាន្តកាយគឹ ជនណាក៏ដោយមានសិទ្ធិធ្វើការមានកំណត់ពេលម៉ោងត្រឹមត្រូវ និងមានពេកសំរាកកំសាន្ត ។
- សិទ្ធិចូលរួមដោយសេរីក្នុងជីវភាពវប្បធម៌ ។
