នៅក្នុងគ្រួសារខ្មែរចាត់ទុកពិធីបុណ្យខ្មោច ឬបូជាជាសពជាករណីកិច្ចមួយដែលគ្រួសារត្រូវបំពេញ ។តើអ្នកយល់យ៉ាងណាចំពោះបញ្ហាដែលបានលើកឡើងបែបនេះ ?

នៅក្នុងគ្រួសារខ្មែរមិនខខុសពីគ្រួសារនៃជាតិសាសន៍ដទៃឡើយ​ កាលណាបើមានមនុស្សស្លាប់ គេតែងរៀបចំធ្វើបុណ្យជូនដំណើរខ្មោចនោះតាមទំនៀមទំលាប់ដែលប្រែប្រួលទៅតាមសម័យកាល និងប្លែកខ្លះៗទៅតាមតំបន់នីមួយៗ ។

          នៅក្នុងគ្រួសារខ្មែរយើងចាត់ទុកពិធីបុណ្យខ្មោចឬបូជាសពនេះជាភារកិច្ច និងកាតព្វកិច្ចគ្រួសារត្រូវតែបំពេញ ។ កាលណាគេរំលងប្រពៃណីនេះដោយទុកឲ្យឪពុក ម្តាយ ​បងប្អូន ជីមួយជីតា​ស្លាប់ដូចសត្វធាតុនេះនឹងត្រូវទទួលការរិះគន់ពីសង្គមហើយនឹងទទួលការស្តាយក្រោយជាមិនខាន ។ ម៉្យាងទៀតខ្មែរយើងមានជំនឿថាក្រោយពីធ្វើបុណ្យឧទ្ទិសដល់ឪពុក ម្តាយដូនជីតារួចហើយនឹងទទួលបានសព្ទសាធុគោរពតបវិញដោយមកនូវសេចក្តីសុខ សេចក្តីចំរើនដល់កូនចៅគ្រប់ប្រការ ។