តើកត្តាអ្វីខ្លះ ដែលធ្វើអោយសម័យអង្គររុងរឿងបំផុតនៃប្រវត្តិសាស្ត្រខ្មែរ ។

កត្តាដែលធ្វើអោយសម័យអង្គររុងរឿង ​មានច្រើនយ៉ាង ៖

• ពិធីទេវរាជ ​៖ ជាពិធីមួយ​ធ្វើអោយប្រជាពលរដ្ឋមានឯកភាពជាតិ មានចំនុកទុកចិត្ត និង គោរពចំពោះមហាក្សត្រ ។ ព្រះមហាក្សត្រ គឺជាអាទិទេព អាទិទេពគឺជាស្តេច ​។ រាល់បទបញ្ហាទាំងឡាយរបស់ព្រះមហាក្សត្រ ជាបទបញ្ជារបស់អាទិទេព ។ នេះជាកត្តាមួយដ៏សំ​ខាន់ ​ដែលព្រះមហក្សត្រមានលទ្ធភាពក្នុងការគ្រប់គ្រង និងកសាងប្រាសាទធំៗបាន ។

• វិស័យយោធា ៖ កងទ័ពសម័យអង្គរជាកងទ័ពខ្លាំងក្លា ។ ព្រះរាជាអ្នកបញ្ជាកងទ័ពផ្ទាល់ ។ពេលប្រយុទ្ធជាមួយខ្មាងសត្រូវ ព្រះមហាក្សត្រចេញប្រយុទ្ធផ្ទាល់ព្រះអង្គរ ។ ព្រះគំរូដ៏ល្អនេះបាន ធ្វើអោយកងទ័ពក្លាហាន និង ខ្លាំងពូកែ ​។

• វិស័យរដ្ឋបាល ៖មានការរៀបចំ និងការគ្រប់គ្រងត្រឹមត្រូវ តាំងពីថ្នាក់លើរហូតដល់ថ្នាក់ក្រោម ។

• វិស័យតុលា​ការ ៖ យុត្តិធម៌សង្គមត្រូវបានធានា ។ ព្រះរាជាទ្រង់កាត់សេចក្តីជូនប្រជាពលរដ្ឋ ។

• វិស័យកសិកម្ម ៖ មានការរីកចំរើនដោយសារធ្វើទំន​ប់ទឹក ប្រឡាយទឹក ដើម្បីបំរើវិស័យកសិកម្ម ។ ផលស្រូវត្រូវបាននាំចេញទៅលក់នៅក្រៅប្រទេស ​។

• វិស័យសេដ្ឋកិច្ច ៖ មានការរីកចំរើនដោយនាំទិន្នផលយកទៅលក់នៅក្រៅប្រទេស ។

• វិស័យវប្បធម៌ ៖ មានការរីកចំរើន មានរហូតដល់សាកវិទ្យាល័យ ។ ក្រៅពីកត្តាដូចបានរៀបរាប់ខាងលើ នៅមាន ​​​​​ កត្តាផ្សេងៗទៀត ដែលបង្ករលក្ខណៈធ្វើអោយសម័យអង្គររុងរឿងទៀតដូចជា៖

  ព្រះមហាក្សត្រនៃសម័​យអង្គរ បានប្រកាស​នយោបាយពង្រីក ​ទឹកដីលើរដ្ឋតូចតាច ហើយចង់សម្ព័ន្ធជាមួយប្រទេសធំ ​។ នយោបាយនេះមានលទ្ធភាព អាចប្រមូលទ្រព្យសម្បត្តិពីបណ្តារដ្ឋតូចៗ ដើម្បីកសាងប្រទេស ។

  ម៉្យាងទៀតសម័យអង្គរ មានលក្ខណៈងាយស្រួលក្នុងការកសាងប្រទេសជាតិ ​ដោយសារទីក្រុងនៃសម័យនោះ នៅចំកណ្តាលប្រទេស ហើយជនជាតិជិតខាងនៃយើង ពុំទាន់មានលទ្ធភាព បង្កការរំខានដល់ការកសាងជាតិរបស់យើងនៅឡើ​យ ។