មានពិធីជាច្រើនមុន និងឈានដល់ថ្ងៃរៀបការតាមទំនៀមខ្មែរពីបុរាណត្រូវឆ្លងកាត់ពិធីស៊ីស្លាដក់ស៊ីស្លាកន្សែង ស៊ីស្លាបញ្ចាប់ពាក្យ ។ តើចំណែកស៊ីស្លាកំណត់វិញតាមទំនៀមគេធ្វើអ្វីខ្លះ ?

តាមទំនៀមពិធីស៊ីស្លាកំណត់នេះ គឺឈានដល់ការកំណត់ថ្ងៃខែរៀបការ ។ ចំពោះខែរៀបមង្គលការដែលគេបានជ្រើសរើសនិងគន់គូរយ៉ាងហ្មតចត់ណាស់ “គេមិនជ្រើសយកខែដែលមាន២៩ថ្ងៃ (ខែឈ្មោល) ឬខែដែលព្រះសង្ឃចូលវស្សាទេ” ពេលរើសបានហើយត្រូវយកទៅចុះក្នុងក្រដាសមួយសន្លឹកហើយត្រូវរៀបរណ្តាប់កំដរដៃផង មានស្លាម្លូ ចេកទុំរងស្លាដែលដាក់គ្រឿងសព្វគ្រប់ ។ រួចអ្នកផ្លូវត្រូវយកក្រដាស់កំណត់ពេលនឹងរណ្តាប់ទៅជូនមេបាខាងស្រីមេបាខាងស្រីក៏បើកក្រដាសកំណត់ពេលនោះអានឱ្យភ្ញៀវស្តាប់ ។​ក្រោយពីជូនក្រដាសពេលារួចហើយអ្នកផ្លូវក៏ជូនស្លាកំណត់ទៅមេបាពិសា ។ ពិធីនេះហើយដែលគេហៅថា”ស៊ីស្លាកំណត់នេះ” ។ នៅទីបញ្ចប់អ្នកផ្លូវសុំឱ្យមេបាបង្គាប់នូវគ្រឿងបណ្ណាការសព្វសារពើដែលត្រូវជូន និងប្រើប្រាស់ក្នុងឳកាសធ្វើមង្គលការ ។