គេថា “កិត្តិយស កិត្តិនាមរបស់គ្រូបង្រៀន ត្រូវផ្ដើមចេញពីសកម្មភាព និងសីលធម៌អាកប្បកិរិយារបស់ខ្លួនឯងផ្ទាល់”។ ចូរពន្យល់បកស្រាយ។

គេថា “កិត្តិយស កិត្តិនាមរបស់គ្រូបង្រៀន ត្រូវផ្ដើមចេញពីសកម្មភាព និងសីលធម៌អាកប្បកិរិយារបស់ខ្លួនឯងផ្ទាល់” ពន្យល់៖

1. កិត្តិយស ៖ កេរ្ដិ៍ឈ្មោះដ៏រុងរឿង យសសក្តិ
2. កិត្តិនាម ៖ កេរ្ដិ៍ឈ្មោះដ៏ល្បាញល្បី

ដូចនេះកិត្តិយស កិត្តិនាមរបស់គ្រូបង្រៀនត្រូវតែផ្ដើមចេញពីសកម្មភាព

និងសីលធម៌អាកប្បកិរិយារបស់ខ្លួនផ្ទាល់ ពីព្រោះ៖

1. គ្រូបង្រៀន ជាជនគំរូនៅក្នុងគ្រប់មជ្ឈដ្ឋានសង្គម
2. មុខរបរគ្រូបង្រៀនជាមុខរបរមួយថ្លៃថ្នូរ និងឧត្តុង្គឧត្តម
3. គ្រូបង្រៀនជាវិស្វករនៃព្រលឹង
4. ជាអ្នកកសាងសតិបញ្ញាញាណរបស់ជាតិ
5. ជាអ្នកការពារ និងដោះស្រាយបញ្ហាសង្គមជាអ្នកព្យាបាលនូវភាពល្ងង់ខ្លៅ
6. ជាឪពុកម្ដាយទីរបស់សិស្ស
7. ជាអ្នកកសាងគ្រឹះរបស់ជីវិតមនុស្សលោក
8. ជាអ្នកលះបង់ផលប្រយោជន៍ផ្ទាល់ខ្លួន ដើម្បីផលប្រយោជន៍មនុស្សជាតិ
9. សកម្មភាពរបស់គ្រូបង្រៀន ទាមទារនូវលក្ខណៈសីលធម៌ និងភាពអត់ធ្មត់ព្រមទាំងវាងវៃ ដើម្បីនាំមកនូវសតិអារម្មណ៍ បញ្ញាញាណដល់មនុស្សជាតិ
10. គ្រប់កាយវិការ ដេក ដើរ អង្គុយ និយាយស្ដី ឈរ នៅគ្រប់ទីកន្លែងដែលជាសកម្មភាពរបស់គ្រូត្រូវជាគំរូរបស់មហាជន

អាស្រ័យដូចការបកស្រាយខាងលើនេះហើយទើបបានជាគេនិយាយថា “កិត្តិយស កិត្តិនាម

របស់គ្រូបង្រៀនត្រូវផ្ដើមចេញពីសកម្មភាព និងសីលធម៌អាកប្បកិរិយារបស់ខ្លួនផ្ទាល់។