វិញ្ញាសាត្រៀមប្រលងចូលបម្រើការងារមន្រ្តូីរាជការ (វិញ្ញាសាទី១ )

សំនួរ

១. នៅពេលដែលយកបេតិកភ័ណ្ឌជាតិរបស់យើងបានបញ្ចូលជាបេតិភ័ណ្ឌពិភពលោក តើខ្មែរយើងទទួលបានផលប្រយោជន៍អ្វីខ្លះ ?

២. ចំណេះដឹងស្តីពីសិទ្ធិមនុស្ស និងប្រជាធិបតេយ្យមានប្រយោជន៍អ្វីខ្លះ ចំពោះអ្នកជាសាស្រ្តចារ្យមួយរូប ?

៣. តើការសិក្សាពីវប្បធម៌ អរិយធម៌ខ្មែរ អាចឲ្យអ្នកមានចំណេះដឹង ចំណេះធ្វើ ចំណេះអប់រំនិងចំណេះចេះរស់នៅក្នុងសង្គមដូចម្តេចខ្លះ ?

៤. តើការសម្គាល់តម្លៃវប្បធម៌ខ្លួនឯងច្បាស់មានប្រ​យោជន៍អ្វីខ្លះចំពោះអ្នក ?

ចម្លើយ

១. ការបញ្ចូលបេតិកភ័ណ្ឌពិភពលោក ខ្មែរបានទទួលប្រយោជន៍ដូចជា ៖​

• ពិភពលោកទទួលស្គាល់នូវតម្លៃស្ថាបត្យកម្មខែរ
• ទទួលបានអ្នកជំនាញសម្រាប់ថែរក្សា ការពារកេរ្តិ៍តំណែលវប្បធម៌ខ្មែរជំនាន់ក្រោយ និងមនុស្សជាតិនៅលើពិភពលោក
• ខ្មែរខ្លួនឯងកាន់តែឲ្យតម្លៃលើវប្បធម៌ របស់ខ្លួនថែមទៀត
• ពិភពលោកជួយថែរក្សាការពារបេតិកភ័ណ្ឌខ្មែរ
• ផ្តល់កំណើនសេដ្ឋកិច្ចតាមរយៈវិស័យទេស ។

២. ចំណេះដឹងស្តីពីសិទ្ធិមនុស្សនិងប្រជាធិបតេយ្យក្នុងនាមជាសាស្រ្តចារ្យមួយរូប ប្រយោជន៍ដូចជាៈ

• អាចឲ្យយើងបានដឹងច្បាស់ស្តីពីដែនកំណត់នៃសេរីភាពរបស់ខ្លួន
• ធ្វើឲ្យយើងចេះគោរពសិទ្ធិខ្លួនឯង និងសិទ្ធិរបស់ោអ្នកដទៃ
• អាចឲ្យយើងហ៊ានបញ្ចេញមតិ
• យើងអាចប្រើប្រាស់សិទ្ធិរបស់យើងក្នុងការជ្រើសរើសអ្នកដឹកនាំដែលយើងពេញចិត្ត
• អាចឲ្យយើងប្រើចំណេះដឹងដែលមានជួយអភិវឌ្ឍន៍សង្គមជាតិ
• អាចឲ្យសិស្សចូលរួមសកម្មភាព សង្គមដូចជាការចូលរួមស្តីពីសិទ្ធិមនុស្ស និងប្រជាធិបតេយ្យជាដើម ។

ដូចនេះក្នុងនាមយើងជាសាស្រ្តាលចារ្យាម្នាក់ត្រូវតែសិក្សាស្វែងយល់អំពី គោលការណ៍សិទ្ធិមនុស្សនិងប្រជាធិបតេយ្យព្រោះជាដំណើរនៃការរស់នៅក្នុងសង្គមនិងវាយជួយយើងក្នុងការប​ង្រៀនសិស្សផងដែរ ។ 

៣. ការសិក្សាពីវប្បធម៌ អរិយធម៌ អរិយធម៌ខ្មែរអាចឲ្យអ្នកមានចំណេះដឹង ចំណេះធ្វើចំណេះអប់រំ និងចំណេះចេះរស់នៅនៅក្នុងសង្គមៈ

ក. ចំណេះដឹង

• អាចឲ្យយើងស្វែងយល់អំពីជំនឿ សាសនាទំនៀមទម្លាប់ការរីកចម្រើនក្នុ្ងសង្គម
• ប្រព័ន្ធផ្សព្វផ្សាយ៖ វិទ្យុ ទូរទស្សន៍ អ៊ីនធឺណិត ទូរស័ព្ទ
• អភិវឌ្ឍន៍ការអប់រំ៖ អាចឲ្យយើងយល់ដឹងពីសីលធម៌ គុណធម៌ កីឡា របាំប្រពៃណី ល្បែងប្រជាប្រិយកម្សាន្ត ... ។

ខ. ចំណេះធ្វើ

• មុខរបរវិជ្ជាជីវៈអាចឲ្យយើងស្វែងយល់ពីរបៀបធ្វើកសិកម្ម ឧស្សាហកម្ម
• អាចឲ្យដើរតួនាទីជាភ្នាក់ងារសង្គមលកិច្ច អាចធ្វើជាពាណិជ្ជករជាដើម
• អាចឲ្យយើងផលិតនូវអ្វីដែលជា តម្រូវការរបស់មនុស្ស
• អាចផលិតនូវអ្វីសម្រាប់ការពារការរស់នៅរបស់ពួកគេ

គ. អប់រំ

• អាចសម្របខ្លួនក្នុងការរស់នៅក្នុងបរិបទរបស់ពួកគេ
• ស្គាល់ពីតម្លៃនៃការរស់នៅក្នុងសង្គម
• អាចឲ្យគេរស់នៅតាមក្រឹតក្រមសង្គម ។

៤. ការស្គាល់ពីតម្លៃវប្បធម៌ខ្មែរឲ្យបានច្បាស់ មានប្រយោជន៍ដូចជា៖​

• ស្គាល់ខ្លួនឯងច្បាស់ ( ឧ. លទ្ធិ មេបា មេគឺស្រ្តី បាគឺប្រុស )
• បំពាក់ស្មារតីស្នេហាជាតិ
• ចេះស្រឡាញ់ថែរក្សាកេមរតកវប្បធម៌ជាតិ
• មិនប្រព្រឹត្តអ្វីខុសគន្លងប្រពៃណី
• កំណត់ច្បាស់ថាអ្វីលជាវប្បធម៌ របស់ខ្លួននិងអ្វីជាវប្បធម៌បរទេស
• ធ្វើខ្លួនក្លាយជាពលរដ្ឋល្អក្នុងសង្គម​ ។