ពិធីសែនគួចដៃមានដូចខាងក្រោម៖
- ពិធីនេះគឺគេគោរពវិញ្ញាក្ខ័ន្ធ ជីដូនជីតា និងសុំឲ្យគាត់ ទទួលស្គាល់ថាខ្លួនបាន រៀបអាពាហ៍ពិពាហ៍ និងគោរពជីដូនជីតា នៅរស់ឲ្យគាត់យកអំបោះចង់ដៃ ទទួលស្គាល់ថាបានរៀបអាពាហ៍ពិពាហ៍ត្រឹមត្រូវ ។
- ពីបុរាណគួចដៃគឺ ជីដូនជីតា មាតាបិតា ម្តាយធំ ឪពុកធំ និងបងប្អូនទាំងអស់ ចាប់អំបោះឆៅពណ៌សចងដៃកូនស្រី ។ ហើយមានវត្ថុមានតម្លៃផ្សេងៗ ដូចជាមាស ប្រាក់ គោ ក្របី ដីស្រែចំការជាដើមទៅចងដៃជានិមិត្តរូបល្អបំផុត ។
- ពីដើមគេធ្វើឲ្យកូនស្រីរួច ទើបចុះទៅឲ្យកូនប្រុសនៅឯរោង
- ក្រោយមកឲ្យកូនប្រុស អង្គុយល្វែងឆៀងលើផ្ទះកូនស្រី ធ្វើខាងកូនស្រីមុន ទើបធ្វើខាងកូនប្រុស
- អាចារ្យរៀបចំក្រាលកន្ទេល ប្រឈមមុខទៅទិសត្បូង ដាក់ខ្នើយក្រាលសំពត់ស ពីលើខ្នើយ ផ្តឹលទឹកមានអំបោះឆៅពណ៌ស សម្រាប់ចងដៃ មាន់ស្ងោរ ឬទឹកស្ងោមួយគូ បាយសម្ល ទឹកតែស្រា ទៀនធូប ជាដើម ។
- ភ្លេងលេងបទនាងនាគ អញ្ជើញកូនស្រីមកចងដៃ កូនស្រីចេញមកអង្គុយលើកម្រាលបែរមុខទៅត្បូង
- មេបា ឲ្យភ្លេងលេងបទកងសោយ
- អាចារ្យចាប់សែននាំមុខគេ ទើបមេបាទាំងអស់ចាប់ផ្តើមសែនទាំងអស់គ្នា ។ សែនរួចភ្លេងបទបាយខុន អាចារ្យ មាតាបិតា ...ចូលចងដៃ ។
