សំណួរ-ចម្លើយ ប្រវត្តិវិទ្យាថ្នាក់ទី ១២ ( វិញ្ញាសា ២៦ )

សំណួរ

១. តើក្រុមខ្មែរក្រហមទាំងនោះមានឯកសណ្ឋានដូចម្ដេច ? មានអាយុប្រហែលប៉ុន្មាន ? មានទឹកមុខដូចម្ដេច ?

២. ចូរនិយាយជារួម តើរបបសាធារណរដ្ឋខ្មែរ ( លន់ ណុល ) បានដួលលំដោយសារមូលដ្ឋានអ្វីខ្លះ ?

៣.​ តើក្រុមខ្មែរក្រហមបានចូលមកកាប់កាន់ទីក្រុងភ្នំពេញនៅថ្ងៃណា ខែណា ឆ្នាំណា ? នៅវេលាម៉ោងប៉ុន្មាន ?

៤. ក្រោយពេលកាន់កាប់ទីក្រុង តើក្រុមខ្មែរក្រហមបានធ្វើដូចម្ដេច  ហេតុអ្វីបានជាក្រុមនេះធ្វើដូច្នេះ ?

៥. ក្រោយពីទទួលបានជ័យជម្នះលើរបបសាធារណរដ្ឋ លន់ ណុល ខ្មែរក្រហមបានអនុវត្ដគោលការណ៍ ៨ ចំណុច តើគោលការណ៍ ៨ ចំណុចនេះមានខ្លឹមសារដូចម្ដេចខ្លះ ?

ចម្លើយ

១. ក្រុមខ្មែរក្រហមទាំងនោះមានឯកសណ្ឋានពណ៌ខ្មៅ ឬ​ពណ៌ អាចម៍សេះមានអាយុប្រហែល ១៥ ឡើងទៅហើយមានទឹកមុខមាំមិនរីករាយ នឹងការស្វាគមរបស់ប្រជាជនឡើយ ។

២. និយាយជារួមគឺ របបសាធារណរដ្ឋខ្មែរបានដួលរលំ ដោយសារ ៖

• ជារបបមួយដែលគ្មានស្ថិរភាពនយោបាយនិងសេដ្ឋកិច្ច ។
• កុមារជាច្រើនត្រូវបានស្លាប់ជាបន្ដបន្ទាប់ដោយសារការអត់ឃ្លាន និងជំងឺ...។
• ប្រជាជននៅតាមបណ្ដាខេត្តមួយចំនួនភ័យខ្លាច ហើយភៀសខ្លួនមកភ្នំពេញ
• ប្រជាជនកម្ពុជាជាំង ១ លាននាក់បានត្រូវស្លាប់ ​និងរបូស ។
• បំផ្លាញហេដ្ឋារចនាសម័្ពន្ធសង្គម និងសេដ្ឋកិច្ចពី ៧០% ទៅ ៨០% ត្រូវបានបំផ្លាញទាំងស្រុង
• វាលស្រែក្លាយជាចម្លារមីន និងរណ្ដៅគ្រប់បែកបេ៥២ ( B-52 ) ។​
• បំផ្លាញឬសគល់ប្រព័ន្ធអប់រំពោលគឺគ្រឹះស្ថាន សិក្សាទាំងអស់ ត្រូវបានបិទទ្វារលែងដំណើរការ ។
• សំណង់អគារសាធារណៈរោងចក្រឧស្សាហកម្ម និងចម្ការកៅស៊ូត្រូវបានបំផ្លិច បំផ្លាញនិងបាត់បង់
• ធ្វើឪ្យសង្គមជាតិ ទាំងមូលមានលក្ខណៈ អសកម្មក្នុងការអភិវឌ្ឍជាតិ ។

៣. ក្រុមខ្មែរក្រហមបានចូលមកកាន់កាប់ទីក្រុងភ្នំពេញនៅថ្ងៃទី ១៧ ខែមេសា ឆ្នាំ ១៩៧៥ នៅវេលា ម៉ោង ៩ និង ៣០ នាទី ។

៤. ក្រោយពេលកាន់កាប់ទីក្រុងខ្មែរក្រហមបានគំរាបកំហែងបណ្ដោញប្រជាជនទាំងអស់ឪ្យចេញពីទីក្រុងភ្នំពេញក្នុងភ្នំពេញក្នុងរយៈពេល ៣ ថ្ងៃហើយបើនរណាហ៊ានរឹងទទឹងនឹងបញ្ហាអង្គការនឹងចាប់ចង់ ឬ ក៏បាញ់សម្លាប់ចោលនៅនឹងកន្លែង ។ បានជាក្រុមនេះធ្វើដូច្នេះពីព្រោះពួកគេបានយល់ឃើញថា ៖

• ខ្លាចសហរដ្ឋអាមេរិក ទម្លាប់គ្រាប់បែក
• ខ្វះមធ្យោបាយដឹកស្បឿងអាហារមកកាន់ទីក្រុងភ្នំពេញ
• ដើម្បីបំបែងក្រុមចារកិច្ចរបស់ខ្មាំង

៥. គោលការណ៍ ៨ ចំណុចនេះមានខ្លឹមសារដូចម្ដេចទៅ ៖

• ជម្លៀសប្រជាជនឪ្យចេញពីទីក្រុងភ្នំពេញទាំងអស់ៗ
• លុបបំបាត់ផ្សារទាំងអស់
• លុបបំបាត់ការប្រើប្រាស់ និងចរាចរណ៍រូបិយប័ណ្ណរបស់របបលន់ ណុល
• ផ្សឹកលោកសង្ឃកាន់ព្រះពុទ្ធសាសនា ទាំងអស់ហើយឪ្យទៅធ្វើស្រែចម្ការ នៅតំបន់មូលដ្ឋានជនបទ ។
• ប្រហារជីវិតមេដឹកនាំ លន់ ណុល ទាំងអស់
• បង្កើតសហករណ៍កម្រិតខ្ពស់នៅទូទាំងប្រទេស ដោយបង្កើតឪ្យមានរោងបាយរួម
• បណ្ដោញជនជាតិភាគតិច វៀតណាម ឪ្យចេញទាំងអស់
• បញ្ចូនកងទ័ពទៅតាមព្រំដែនជាពិសេសជាមួយប្រទេសវៀតណាម ។

( វិញ្ញាសាទី ២៧ )